Pushpa 2 New Song : पुष्पा 2 मधील आयटम साँग प्रेक्षकांच्या भेटीला, OO Antava नंतर 'किसिक' गाण्याची चाहत्यांना भुरळ

Pushpa 2 Kissik Song : पुष्पा 2 चित्रपटामधील बहुप्रतिक्षित 'किसिक' गाणं प्रदर्शित झालं आहे. या गाण्याला चांगला प्रतिसाद मिळाल्याचं दिसत आहे.

Pushpa 2 The Rule Song Kissik

Source : ABP Majha

Pushpa 2 The Rule Song : साऊथ सुपरस्टार अल्लू अर्जुनच्या आगामी पुष्पा 2 : द रुल चित्रपटातील आयटम साँग प्रदर्शित झालं आहे. पुष्पा 2 चित्रपटातील 'किसिक' गाणं रिलीज झालं आहे. पुष्पा चित्रपटाच्या सीक्वेलची चाहते आतुरतेने वाट पाहत आहेत. त्याआधी पुष्पा 2 चित्रपटामधील बहुप्रतिक्षित 'किसिक' गाणं प्रदर्शित झालं आहे. रिलीजनंतर किसिक गाण्याला  चांगला प्रतिसाद मिळाल्याचं दिसत आहे. चेन्नईमधील कार्यक्रमात हे गाणं लाँच करण्यात आलं आहे. यावेळी उत्साहाचं वातावरण आहे. 

पुष्पा 2 मधील आयटम साँग प्रेक्षकांच्या भेटीला

पुष्पा 2 चित्रपटातील किसिक गाणं लाँच करण्यासाठी लिओ मुथु इनडोअर स्टेडियम, साई राम इंजिनिअरिंग कॉलेज येथे 24 नोव्हेंबरला पार पडला. या पुष्पा 2 वाइल्ड फायर इव्हेंटमध्ये किसिक गाण्याचं अनावरण करण्यात आलं. अल्लू अर्जुनने चित्रपटाच्या टीममधील प्रमुख सदस्यांसह चाहत्यांच्या मोठ्या गर्दीत हे गाणं लाँच करण्यात आलं. यावेळी लाइव्ह परफॉर्मन्स पार पडला, त्यावेळी चाहत्यांचा मोठा उत्साह पाहायला मिळाला. यूट्यूबवर हे गाणं रिलीज झाल्यावर चाहत्यांचा चांगला प्रतिसाद मिळत आहे.

श्रीलीला आणि अल्लू अर्जुन यांची जबरदस्त केमिस्ट्री

अल्लू अर्जुन आणि रश्मिका मंदान्ना स्टारर फिल्म पुष्पा 2 मधील नवीन गाणं 'किसिक' चेन्नईमध्ये आयोजित एका भव्य कार्यक्रमात रिलीज करण्यात आलं. या गाण्यात अभिनेत्री श्रीलीला आणि अल्लू अर्जुन यांची जबरदस्त केमिस्ट्री पाहायला मिळत आहे. गाण्यामध्ये श्रीलीलाने तिच्या स्टाइल आणि शानदार डान्स मूव्ह्सने चाहत्यांना भुरळ पाडली आहे.

'पुष्पा 2' चित्रपटातून समंथा रुथ प्रभूचा पत्ता कट

अल्लू अर्जुनच्या 2021 मध्ये आलेल्या पुष्पा चित्रपटाने बॉक्स ऑफिसवर धुमाकूळ घातला होता. या चित्रपटातील गाणी आणि डायलॉग यांनी चाहत्यांना भुरल पाडली होती. पुष्पा चित्रपटातील समंथा रुत प्रभूचं आयटम साँग ऊ अंटवा (Oo Antava) गाणं चाहत्यांना खूपच आवडलं होतं. ऊ अंटवा  गाणं प्रत्येकाच्या ओठांवर हे गाण ऐकायला मिळत होतं. मात्र, पुष्पा 2 मधील आयटम साँगमधून समंथाच्या ऐवजी अभिनेत्री श्रीलिला झळकली आहे.

OO Antava नंतर 'किसिक' गाण्याची चाहत्यांना भुरळ

 

 

महत्त्वाच्या इतर बातम्या :