Parinirvana : "धगधगत्या अग्नितून नव्या युगाचा प्रारंभ..."; प्रसाद ओकने शेअर केलं आगामी 'परिनिर्वाण' सिनेमाचं मोशन पोस्टर
Parinirvana : 'परिनिर्वाण' हा मराठी सिनेमा लवकरच प्रेक्षकांच्या भेटीला येणार आहे.
Prasad Oak Marathi Movie Parinirvana : मराठमोळा अभिनेता प्रसाद ओक (Prasad Oak) अनेक दर्जेदार मराठी सिनेमे घेऊन प्रेक्षकांच्या भेटीला येत आहे. आता नुकतचं त्याच्या आगामी 'परिनिर्वाण' (Parinirvana) सिनेमाचं मोशन पोस्टर प्रेक्षकांच्या भेटीला आलं आहे. 'परिनिर्वाण' सिनेमाच्या पोस्टर लॉन्च सोहळ्याला प्रसाद ओकने पत्नी मंजिरी ओकसह हजेरी लावली होती.
संपूर्ण विश्वाचा श्वास रोखून धरणारा ऐतिहासिक क्षण
डॉ. बाबासाहेब आंबेडकर यांच्या स्मृतीदिनास 'महापरिनिर्वाण दिन' असे म्हटले जाते. 6 डिसेंबर 1956 रोजी दिल्लीतील त्यांच्या निवासस्थानी त्यांचे निर्वाण झाले. त्यांच्या निधनाने सर्वांना मोठा धक्का बसला होता. संपूर्ण विश्वाचा श्वास रोखून धरणारा हा ऐतिहासिक क्षण या सिनेमात दाखवण्यात येणार आहे.
'परिनिर्वाण'च्या मोशन पोस्टरमध्ये 'भारतीय संविधानाचे शिल्पकार, संस्थापक, बहिष्कृत हितकारिणी सभा, प्रत्येक प्रौढ नागरिकाला मतदान अधिकार, भारतीय रिझर्व्ह बॅंकेचे जनक, हिंदू कोड बिल, राष्ट्रनिर्माते भारतरत्न डॉ. भीमराव रामजी आंबेडकर अशा गोष्टी लिहिलेल्या दिसत आहेत. तसेच या पोस्टपमध्ये असेही लिहिण्यात आले आहे,"6 डिसेंबर 1956 रोजी डॉ. बाबासाहेब आंबेडकर यांचे निर्वाण झाले आणि त्याच दिवशी सत्य घटनेवर आधारित एका कलावंताच्या आयुष्याचं स्वप्न, प्रेम, त्याग, संघर्ष, दु:ख. जतन केला त्याने इतिहासाचा अमूल्या ठेवा... एक कॅमेरामन, 3000 फुटांची रीळ आणि लाखो लोकांसोबत डॉ. बाबासाहेब आंबेडकरांची 'निर्वाण यात्रा'. चित्रीकरणाच्या उद्देशाने झपाटलेला एक अवलिया कलाकार नामदेव व्हटकर".
View this post on Instagram
प्रसाद ओकने 'परिनिर्वाण' या सिनेमाचं मोशन पोस्टर शेअर करत लिहिलं आहे,"धगधगत्या अग्नीतून नव्या युगाचा प्रारंभ आहे... अंत नसून हा आरंभ आहे...!!! 'परिनिर्वाण' लवकरच". त्याच्या या पोस्टवर जय भीम... अंत नसून आरंभ आहे, हा चित्रपट सर्व भाषांमध्ये दाखवावा, आतुरता, अशा कमेंट्स चाहत्यांनी केल्या आहेत. तसेच अनेक सेलिब्रिटींनीदेखील कमेंट्स करत प्रसादला शुभेच्छा दिल्या आहेत.
'परिनिर्वाण'चं मोशन पोस्टर रिलीज झाल्यानंतर हा सिनेमा डॉ. बाबासाहेब आंबेडकरांच्या आयुष्यावर आधारित आहे की नामदेव व्हटकरांच्या? असा प्रश्न नेटकरी उपस्थित करत आहेत. या सिनेमात प्रसाद ओक आणि अंजली पाटील मुख्य भूमिकेत झळकणार आहेत. शैलेंद्र बागडेने कथा, पटकथा लिहिण्यासोबत या सिनेमाचं दिग्दर्शनदेखील केलं आहे. तर सुनील शेळके या सिनेमाची निर्मिती करत आहेत.
संबंधित बातम्या
CM Eknath Shinde: प्रसाद ओक ते मंगेश देसाई, 'या' कलाकारांनी मुख्यमंत्र्यांना दिल्या वाढदिवसाच्या शुभेच्छा
महत्त्वाच्या बातम्या
