Filmmaker Pahlaj Nihalani Passes Away: गोविंदा, चंकी पांडे यांना लॉन्च करणारे प्रख्यात सिनेनिर्माते पहलाज निहलानी यांचं निधन, सिनेसृष्टीवर शोककळा

Filmmaker Pahlaj Nihalani Passes Away: प्रख्यात सिनेनिर्माते आणि सेन्सॉर बोर्डाचे माजी अध्यक्ष पहलाज निहलानी यांनी वयाच्या 76 व्या वर्षी अखेरचा श्वास घेतला.

Filmmaker Pahlaj Nihalani Passes Away

Source : ABP Majha

Filmmaker Pahlaj Nihalani Passes Away: प्रख्यात चित्रपट निर्माते (Filmmaker) आणि सेन्सॉर बोर्डाचे माजी अध्यक्ष (Ex CBFC Chairperson), पहलाज निहलानी (Pahlaj Nihalani Death) यांचं निधन झाले आहे. वयाच्या 79 व्या वर्षी त्यांनी अखेरचा श्वास घेतला. पहलाज निहलानी हे गेल्या काही काळापासून यकृताशी संबंधित आजारांशी लढा देत होते. त्यांना मुंबईतील नानावटी रुग्णालयात दाखल करण्यात आलं होतं, जिथे त्यांच्यावर उपचार सुरू होते. पण, मृत्यूशी त्यांची झुंज अखेर अपयशी ठरली.  गुरुवार, 4 जून रोजी मुंबईतील त्यांच्या राहत्या घरी त्यांची प्राणज्योत मालवली आणि त्यांनी जगाचा निरोप घेतला.

पहलाज निहलानी यांचं हृदयविकाराच्या झटक्यानं निधन (Pahlaj Nihalani Death News)

FWICE चे अध्यक्ष बी. एन. तिवारी यांनी पहलाज निहलानी यांच्या निधनाच्या वृत्ताला दुजोरा दिला आहे. माध्यमांशी बोलताना त्यांनी सांगितलं की, "सिनेसृष्टीसाठी हा एक मोठा धक्का आहे. हृदयविकाराचा झटका आल्यामुळे पहलाजजी यांचं निधन झालंय..."

पहलाज निहलानी यांची कारकीर्द (Pahlaj Nihalani Career Graph)

पहलाज निहलानी यांनी 1982 मध्ये 'हथकडी' या सिनेमाद्वारे निर्माता म्हणून आपल्या कारकिर्दीची सुरुवात केली. अनेक दशकांपासून बॉलिवूडमध्ये एक अत्यंत परिचित नाव असलेल्या निहलानी यांनी निर्माता म्हणून अत्यंत यशस्वी कारकीर्द घडवली. त्यांनी 'आँखे', 'अंदाज', 'शोला और शबनम', 'तलाश', 'रंगीला राजा' आणि 'ज्युली 2' यांसारखे अनेक हिट सिनेमे दिले. गोविंदा आणि दिव्या भारती ही पहलाज निहलानी यांची आवडती जोडी, असं म्हटलं तरी वावगं ठरणार नाही. त्यांनी या दोघांसोबत अनेक सिनेमे केले. 

गोविंदा, चंकी पांडे यांना लॉन्च करणारा निर्माता, पहलाज निहलानी

अनेक अभिनेत्यांच्या कारकिर्दीत पहलाज निहलानी यांनी अत्यंत महत्त्वाची भूमिका बजावली. 1986 मध्ये त्यांनी 'इल्झाम' या सिनेमाद्वारे गोविंदाला सिनेसृष्टीत लाँच केलं आणि त्यानंतर 'आग ही आग' या सिनेमाद्वारे चंकी पांडेला या क्षेत्रात आणलं. पुढे, पहलाज निहलानी यांनी गोविंदा आणि चंकी पांडे यांची प्रमुख भूमिका असलेला 'आँखे' सिनेमाची निर्मिती केलेली. 1993 मध्ये प्रदर्शित झालेला हा सिनेमा त्या वर्षातील सर्वाधिक कमाई करणाऱ्या सिनेमांपैकी एक ठरला. 

पहलाज निहलानी यांनी आपल्या कारकिर्दीची सुरुवात 1982 मध्ये 'हथकडी' सिनेमाद्वारे निर्माता म्हणून केली. 'आंखें', 'अंदाज', 'शोला और शबनम', 'पाप की दुनिया', 'इल्जाम', 'तलाश', 'रंगीला राजा', 'जूली 2', 'मिट्टी और सोना', 'आग ही आग', 'गुनाहों का फैसला', 'हथकड़ी' यांसारख्या अनेक सुपरहिट सिनेमांची निर्मिती त्यांनी केली.  

2015 ते 2017 या काळात CBFC प्रमुख म्हणून कार्यभार सांभाळला

पहलाज निहलानी यांनी 2015 ते 2017 या कालावधीत CBFC चे प्रमुख म्हणून कार्यभार सांभाळला. सिनेमांमधील हिंसक आणि इंटिमेट सीन्समध्ये विनाकारण कपात केल्याचा आरोप अनेकांनी त्यांच्यावर केला. या कार्यपद्धतीमुळे त्यांचा कार्यकाळ वादग्रस्त ठरला. जेम्स बाँडचा सिनेमा 'स्पेक्टर' (Spectre) मधील एका किसींग सीनमध्ये कात्री लावण्याचे आदेश दिल्यामुळे, त्यांना सोशल मीडियावरून मोठ्या प्रमाणावर ट्रोल करण्यात आलेलं. 

महत्त्वाच्या इतर बातम्या :

ABP माझाच्या बातम्या LIVE...