OTT Release This Week : या आठवड्यात ओटीटीवर मनोरंजनाची मेजवानी; बहुप्रतिक्षित 4 चित्रपट ओटीटीवर रिलीज, वेब सीरीजमधूनही मनोरंजनाचा डोस
OTT Release This Week : काही बहुप्रतिक्षित चित्रपट आणि वेब सीरीज ओटीटीवर प्रदर्शित झाले असून या वीकेंडला तुम्ही मनोरंजनाचा आनंद घेऊ शकता.
OTT Releases on Weekend : आम्ही तुमच्यासाठी या आठवड्यात ओटीटीवर (OTT) येणाऱ्या वेब सीरीज आणि चित्रपटांची यादी आणली आहे, जी तुम्ही घरबसल्या पाहू शकता. ओटीटीवर प्रेक्षक नवीन रिलीज झालेले चित्रपट आणि वेब सीरीज पाहून त्यांच्या कामाचा ताण कमी करतात आणि यामुळे त्यांना कुटुंबियांसोबत वेळ घालवण्याची संधी मिळते. ओटीटीवर दर्जेदार कंटेंट पाहण्यासाठी प्रेक्षक प्रत्येक वीकेंडची आतुरतेने वाट पाहतात. या आठवड्यात अनेक चित्रपट आणि वेब सीरिज OTT वर प्रदर्शित झाले आहेत, जे तुम्ही Netflix, Chaupal, Amazon Prime Video, Jio Cinema आणि Disney Plus Hotstar सारख्या OTT प्लॅटफॉर्मवर पाहू शकता. 20 सप्टेंबरला एकाच वेळी 4 बहुप्रतिक्षित चित्रपट आणि वेब सीरिज प्रदर्शित झाल्या आहेत.
थंगलान (Thangalaan)
15 ऑगस्ट 2024 रोजी प्रदर्शित झालेला थंगलान एक तमिळ ॲक्शन चित्रपट आहे. या चित्रपटाचं दिग्दर्शन पा. रणजीत यांनी केलं आहे. ब्रिटिश राजवटीत एका आदिवासी नेत्याची ही कथा आहे. थंगलान हा एक नेता त्याची पत्नी आणि मुलांसह गावात राहतो. त्याच्या संघर्षाची ही कथा आहे. 20 सप्टेंबर रोजी थंगलान चित्रपट नेटफ्लिक्सवर प्रदर्शित करण्यात आला आहे.
द पेंग्विन (The Penguin)
द बॅटमॅनवर आधारित स्पिन-ऑफ 'द पेंग्विन' वेब सीरिज जिओ सिनेमावर रिलीज करण्यात आली आहे. क्राइम ड्रामा ओस्वाल्ड 'ओझ' कोबलपॉटच्या उदयावर केंद्रित आहे. 8 भागांच्या या सीरीज तुम्हाला 19 सप्टेंबरपासून ओटीटीवर पाहता येणार आहे.
जो तेरा हैं वो मेरा हैं (Jo Tera Hai Woh Mera Hai)
ही कथा एका दृधनिश्चयी तरुणाची आहे. जो तेरा हैं वो मेरा हैं चित्रपटात लाइट कॉमेडीसह भावनिक ड्रामाही पाहायला मिळणार आहे. जेव्हा एका वृद्ध व्यक्तीला घर सोडायला भाग पाडलं जातं आणि हा व्यक्ती कुटुंबाती सदस्यांची मने जिंकण्याचा प्रयत्न करतो. जो तेरा हैं वो मेरा हैं चित्रपट 20 सप्टेंबर रोजी Netflix वर प्रदर्शित झाला आहे.
थलैवटीयन पलयम (Thalaivettiyaan Palayam)
पंचायत वेब सीरिजचा तमिळ रिमेक आहे. थलायवतीयान पलायम हे एक छोटेसं गाव आहे जिथे सिद्धार्थला ग्रामपंचायत सचिवाची भूमिका सोपवण्यात आली आहे. 20 सप्टेंबर रोजी ॲमेझॉन प्राइम व्हिडीओवर रिलीज झाला. प्रेक्षकांना रिमेक खूप आवडला आहे.
द ग्रेट इंडियन कपिल शो सीझन 2 (The Great Indian Kapil Show)
'द ग्रेट इंडियन कपिल शो' पुन्हा एकदा दुसऱ्या सीझनसह नेटफ्लिक्सवर परतणार आहे. कपिल शर्मा आपल्या कॉमेडी गँगसोबत पुन्हा एकदा सर्वांना हसवण्यासाठी सज्ज झाला आहे. आलिया भट्ट, करण जोहर, सैफ अली खान, जान्हवी कपूर, ज्युनियर एनटीआर सारखे स्टार्स नव्या सीझनमध्ये दिसणार आहेत. 'द ग्रेट इंडियन कपिल शो' 21 सप्टेंबरपासून सुरू होणार आहे.
महत्त्वाच्या बातम्या
ट्रेंडिंग न्यूज
