Salman Khan Out From No Entry 2 : 'नो एन्ट्री 2' मधून भाईजान सलमानचा पत्ता कट, 'या' 3 अभिनेत्यांना मिळाली संधी
Salman Khan Out From No Entry 2 : बॉलिवूड अभिनेता सलामान खान याच्या बिग बॉस या रिअॅलिटी शोचा महाअंतिम सोहळा नुकताच पार पडला. दरम्यान, सलमान खान आता एका सिनेमामुळे चर्चेत आला आहे. सलमानच्या आगामी सिनेमांची यादी फार मोठी आहे.
Salman Khan Out From No Entry 2 : बॉलिवूड अभिनेता सलामान खान (Salman Khan) याच्या बिग बॉस या रिअॅलिटी शोचा महाअंतिम सोहळा नुकताच पार पडला. दरम्यान, सलमान खान (Salman Khan) आता एका सिनेमामुळे चर्चेत आला आहे. सलमानच्या आगामी सिनेमांची यादी फार मोठी आहे. मात्र, 'नो एन्ट्री 2' या सिनेमातून सलमान खानचा पत्ता कटलाय. 'नो एन्ट्री 2' नवे कलाकार पाहायला मिळणार आहेत. त्यामुळे अभिनेता सलमान खान, अनिल कपूर आणि फरदीन खान यांना निर्मात्यांनी बाहेरचा रस्ता दाखवलाय.
'नो एन्ट्री 2' मध्ये कोणाला मिळालीये संधी?
सलमान खानची मुख्य भूमिका असलेला 'नो एन्ट्री' हा सिनेमा 2005 मध्ये रिलीज झाला होता. 'नो एन्ट्री 2' मध्ये देखील सलमान खानला कास्ट केले जाईल, असे बोलले जात होते. त्यामुळे 'नो एन्ट्री 2' मध्ये नव्या 3 कलाकारांची एन्ट्री झालीये. पिंकव्हिलाच्या रिपोर्ट्नुसार, 'नो एन्ट्री 2' मध्ये वरुण धवन, अर्जुन कपूर आणि दिलजीत दोसांझ हे 3 कलाकार पाहायला मिळणार आहेत. निर्मात्यांनी या 3 कलाकारांशी बातचीत देखील केली आहे. इतकेच नव्हे तर हे 3 अभिनेते डिसेंबरपासून शूटींगला देखील सुरुवात करणार आहेत. मीडिया रिपोर्ट्सनुसार, निर्मात्यांनी नो एंट्री ला 20 वर्षे पूर्ण होणार असल्याच्या निमित्ताने ‘नो एंट्री 2’रिलीज करण्याचा विचार केला आहे. दिग्दर्शक म्हणऊन अनीस बाजमी यांचे नाव समोर आले आहे. मात्र, ‘नो एंट्री 2’स्टार्स आणि शूटींगबाबत अधिकृतरित्या कोणतीही माहिती समोर आलेली नाही.
‘नो एंट्री’मध्ये झळकले होते 'हे' कलाकार
20 वर्षापूर्वी रिलीज झालेल्या‘नो एंट्री’या सिनेमाला प्रेक्षकांचा तुफान प्रतिसाद मिळाला होता. या सिनेमात सलमान खान, फरदीन खान आणि अनिल कपूर मुख्य भूमिकेत दिसले होते. या स्टार्सशिवाय सेलिना जेटली, लारा दत्ता, ईशा देओल आणि बिपाशा बासू यांच्याही भूमिका महत्वपूर्ण होत्या. वरिल 3 अभिनेत्यांशिवाय ‘नो एंट्री 2’आणखी कोण एन्ट्री करणार याकडे सर्वांचे लक्ष आहे.
बोनी कपूर यांनी केली होती 'नो एंट्री' निर्मिती
'नो एंट्री' या सिनेमाची निर्मिती बोनी कपूर यांच्याकडून करण्यात आली होती. दरम्यान आता 'नो एंट्री' सिक्वेलबाबत त्यांनी तयारी सुरु केली आहे. पिकव्हिलाच्या रिपोर्टनुसार, ‘नो एंट्री 2’हा सिनेमा 'नो एंट्री' पेक्षाही धमाकेदार बनवण्याचा निर्मात्यांचा इरादा आहे. अनीस बाजमी हे सिनेमाचे लेखक आणि दिग्दर्शक म्हणून काम पाहणार आहेत.
EXCLUSIVE: #VarunDhawan, #ArjunKapoor and #DiljitDosanjh come on board #NoEntry2; #AneesBazmer to take film on floors in December. #BoneyKapoor & #ZeeStudios to produce. Details!https://t.co/yXEsCLWuWz
— Himesh (@HimeshMankad) January 30, 2024
इतर महत्वाच्या बातम्या
महत्त्वाच्या बातम्या
