Navra Maza Navsacha 2 : 'नवरा माझा नवसाचा 2' मधील गाण्यावर अखेर सचिन पिळगांवकरांनी मौन सोडलं, तारीख नाही पण गायकांची नावं सांगितली
Navra Maza Navsacha 2 : नवरा माझा नवासाचा 2 हा सिनेमा लवकरच प्रेक्षकांच्या भेटीला येणार आहे. या सिनेमातील गाण्यांविषयी सचिन पिळगांवकरांनी हिंट दिली आहे.
Navra Maza Navsacha 2 : काही महिन्यांपूर्वीच 'नवरा माझा नवसाचा 2' (Navra Maza Navsacha 2) या सिनेमाची घोषणा झाली. त्यानंतर या सिनेमासंदर्भातले बरेच अपडेट समोर आले आहेत. काही दिवसांपूर्वीच या सिनेमाचं शुटींगही पूर्ण झालं आणि आता या सिनेमाचं डबिंगही पूर्ण झालंय. त्यातच आता या सिनेमाचे दिग्दर्शक सचिन पिळगांवकर (Sachin Pilgaonkar) यांनी या सिनेमाविषयी आणखी एक महत्त्वाची हिंट दिली आहे.
सचिन पिळगांवकर हे लवकरच स्टार प्रवाहवरील मी होणार सुपरस्टार छोटे उस्ताद या कार्यक्रमात परीक्षक म्हणून दिसणार आहेत. त्याच्याच आधी त्यांनी नवरा माझा नवसाचा 2 मधील गाण्याविषयी एक महत्त्वाची हिंट दिली आहे. या गाण्यातील गायकांची नावं सचिन पिळगांवकरांनी सांगितलं असून लवकरच हे गाणं प्रेक्षकांच्या भेटीला येणार आहे.
कुणी गायलं गाणं?
रेडीओ सिटीला दिलेल्या मुलाखतीमध्ये सचिन पिळगांवकर यांनी याविषयी भाष्य केलं आहे. त्यामध्ये त्यांनी म्हटलं की, 'या सिनेमाचं आता शूटींग पूर्ण झालं आहे. डबिंगही पूर्ण झालंय. पोस्ट सध्या सगळं सुरु आहे. याच सगळ्याची धावपळ सध्या सुरु आहे. सिनेमाचं शुटींग करताना एक अभिनेता म्हणून स्वप्निल जोशी जो मलाही माझ्या मुलासारखा आहे, त्याने या सिनेमात जे काही काम केलंय, मला नाही वाटत त्याने याआधी कोणत्या सिनेमामध्ये इतकं सुंदर काम केलं असेल.'
पुढे त्यांनी म्हटलं की, 'एक गाणं आहे, ज्याची घोषणा मी एका वेगळ्या पद्धतीने गाण्यासकट करणारच आहे. पण त्या गाण्याबद्दल मी नक्की बोलतो. ते गाणं या सिनेमाच्या शेवटी आहे. ते गाणं मी आणि आदर्शने गायलं आहे. म्हणजेच नवरा माझा नवसाचा या सिनेमातलं गाणं हे स्वत: सचिन पिळगांवकर यांनी गायलं आहे.'
प्रेक्षकांना मनोरंजनाची पर्वणी
सचिन पिळगावकर दिग्दर्शित 'नवरा माझा नवसाचा' हा चित्रपट आजही प्रेक्षकांच्या पसंतीस पडतो. तसेच आता नवरा माझा नवसाचा 2 या चित्रपटाची देखील प्रेक्षकांना बरीच उत्सुकता लागून राहिली आहे. त्यामुळे या चित्रपटाच्या माध्यमातून प्रेक्षकांना पुन्हा एकदा मनोरंजनाची पर्वणी मिळणार असल्याचं म्हटलं जात आहे.
ही बातमी वाचा :
महत्त्वाच्या बातम्या
