![ABP Premium](https://cdn.abplive.com/imagebank/Premium-ad-Icon.png)
तब्बल 18 तासांच्या चौकशीनंतर भारती सिंह पाठोपाठ पती हर्ष लिंबाचियालाही एनसीबीकडून अटक
कॉमेडियन भारती सिंह आणि हर्ष लिंबाचिया यांच्या घरी एनसीबीने छापा टाकला आहे. छाप्यात एनसीबीला संशयास्पद पदार्थ (गांजा) सापडले आहेत.चौकशीनंतर भारतीला अटक करण्यात आली आहे तर हर्षची चौकशी करण्यात आली आहे.
![तब्बल 18 तासांच्या चौकशीनंतर भारती सिंह पाठोपाठ पती हर्ष लिंबाचियालाही एनसीबीकडून अटक Mumbai ncb arrested comedian bharti singh court today drugs found in house search तब्बल 18 तासांच्या चौकशीनंतर भारती सिंह पाठोपाठ पती हर्ष लिंबाचियालाही एनसीबीकडून अटक](https://static.abplive.com/wp-content/uploads/sites/4/2020/11/22004430/Bharati-sing.jpg?impolicy=abp_cdn&imwidth=1200&height=675)
मुंबई : कॉमेडियन भारती आणि तिचा पती हर्ष लिंबाचिया यांच्या घरात अंमली पदार्थ विरोधी विभागाने छापा टाकला. त्यानंतर कॉमेडियन भारती सिंगला ड्रग्ज प्रकरणात एनसीबीने अटक केली आहे. तर तिचा नवरा हर्ष लिंबाचिया याची चौकशी सुरु होती. आता तब्बल 18 तासांच्या चौकशीनंतर भारती सिंहचा पती हर्ष लिंबाचियालाही एनसीबीकडून अटक करण्यात आली आहे. दरम्यान एनसीबीने भारती सिंह आणि हर्ष लिंबाचिया यांच्या घरावर छापा टाकला होता. छाप्यात एनसीबीला संशयास्पद पदार्थ (गांजा) सापडला. दुपारी तीन वाजल्यापासून सुरु असलेल्या चौकशीनंतर भारतीला अटक करण्यात आली. आज भारती सिंहला एनसीबी कोर्टात सादर करणार आहे.
दोघांच्या घरातून 86.5 ग्रॅम गांजा जप्त
घरात गांजा सापडल्यानंतर दोघांनाही प्रथम एनसीबीने ताब्यात घेतले. चौकशीनंतर भारती सिंह हिला अटक करण्यात आली आहे. शुक्रवारी एक ड्रग पॅडलरला पकडण्यात आले. त्याच्या चौकशीनंतर आज भारती आणि हर्षच्या घरावर छापा टाकण्यात आला. या छाप्यात दोघांच्या घरात 86.5 ग्रॅम गांजा सापडला. या जप्तीनंतर दोघांना एनसीबी कार्यालयात आणण्यात आले.
भारती आणि हर्ष यांनी गांजा घेत असल्याचे कबूल केलं - सुत्र
भारती आणि हर्ष या दोघांचीही स्वतंत्र खोल्यांमध्ये बसून चौकशी केली गेली. सूत्रांनी दिलेल्या माहितीनुसार, भारती हिची चौकशी केली असता तिने गांजा सेवन केल्याची कबुली दिली. हर्षही एकत्र गांजा सेवन करायचा.
कोण आहे भारती सिंह?
भारती सिंह ही स्टॅण्डअप कॉमेडियन आणि अभिनेत्री आहे. सध्या ती 'द कपिल शर्मा शो'मध्ये काम करत आहे. भारतीने 2017 मध्ये लेखक हर्ष लिंबचियासोबत लग्न केलं. तिने आपल्या कारकीर्दीची सुरुवात 'इंडियन लाफ्टर चॅलेन्ज'मधून केली होती. यानंतर तिने अनेक कॉमेडी शोमध्ये काम केला. यामध्ये कॉमेडी सर्कस, कॉमेडी सर्कस महासंग्राम, कॉमेडी सर्कस का जादू, कहानी कॉमेडी सर्कस की आणि कॉमेडी नाईट्स बचाओ यांचा समावेश आहे.
दरम्यान, बॉलिवूडच्या ड्रग्ज कनेक्शनमध्ये आतापर्यंत अनेक सेलिब्रिटींची नावं समोर आली आहेत. सुशांत सिंह राजपूतची गर्लफ्रेन्ड रिया चक्रवर्तीपासून याची सुरुवात झाली आणि त्यानंतर दीपिका पदुकोण, सारा अली खान, रकुल प्रीत सिंह, अर्जुन रामपाल, त्याची गर्लफ्रेन्ड गॅब्रिएला डेमेट्रिएड्स यांच्यासह अनेक नावं समोर आली आणि त्यांची चौकशीही झाली आहे.
महत्त्वाच्या बातम्या :
ड्रग्ज प्रकरणात कॉमेडियन भारती सिंगला अटक, एनसीबीकडून पती हर्ष याचीही चौकशी
चौकशीसाठी भारती आणि हर्षला घेऊन एनसीबीची टीम रवाना, घरातील छाप्यात गांजा जप्त
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)