Bhushan Pradhan Is Getting Married: लाखो तरुणींच्या हृदयाचा चक्काचूर; हँडसम हंक असलेल्या मराठमोळ्या अभिनेत्यानं गुपचूप उरकला साखरपुडा? अंगठी घातलेला फोटो शेअर म्हणाला...
Bhushan Pradhan Is Getting Married: भूषण प्रधाननं सोशल मीडियावर एक पोस्ट शेअर करुन त्याच्या साखरपुड्याची बातमी दिली आहे. पण, चाहत्यांना प्रश्न पडलाय की, खरंच त्यानं साखरपुडा केलाय का?
Bhushan Pradhan Is Getting Married: मराठी सिनेसृष्टीचा (Marathi Film Industry) हँडसम हंक आणि चॉकलेट बॉय भूषण प्रधान (Actor Bhushan Pradhan) आपल्या फिटनेस (Fitness) आणि वेगवेगळ्या प्रोजेक्ट्समुळे नेहमीच चर्चेत असतो. पण, सध्या तो त्याच्या वैयक्तिक आयु्ष्यामुळे चर्चेत आला आहे. मराठमोळा अभिनेता भूषण प्रधान (Bhushan Pradhan) यानं सोशल मीडियावर एक पोस्ट केलीय, ज्यामुळे सगळीकडे खळबळ माजली आहे. भूषण प्रधानची पोस्ट पाहून कित्येक मुलींचा 'हार्टब्रेक' झालाय. भूषण प्रधाननं त्याच्या इन्स्टा अकाउंटवरुन पोस्ट (Bhushan Pradhan Insta Post) करत एक फोटो शेअर केलाय. पोस्टमधून भूषणनं चाहत्यांसोबत गूड न्यूज शेअर केलीय. कित्येक तरुणींच्या काळजाची धडकन असलेल्या भूषणनं गुपचूप आपला साखरपुडा उरकलाय. नुकतंच त्यानं त्याच्या इन्स्टाग्राम अकाऊंटवरुन एक फोटो शेअर करुन चाहत्यांना गूड न्यूज दिलीय.
भूषणची सोशल मीडिया पोस्ट काय? (Bhushan Pradhan Insta Post)
अभिनेता भूषण प्रधाननं इन्स्टावर पोस्ट करत एक फोटो शेअर केलाय. या फोटोमध्ये त्यानं एका मुलीला मिठी मारली असून ती तरुणी पाठमोरी उभी आहे. भूषणचा चेहरा मात्र, फोटोत स्पष्ट दिसतोय. दोघांनी एकमेकांच्या हातावर हात ठेवलेत. तर दोघांच्याही हातात अंगठ्या दिसतायत. तसेच, "24 जुलै 2026 ही तारीख लक्षात ठेवा आणि आमच्या नव्या सुरुवातीचे साक्षीदार व्हा...", असं फोटोवर लिहिलेलं आहे. तर, या पोस्टच्या कॅप्शनमध्येही भूषणनं तारीख टाकली आहे. यावरून भूषणनं गपचूप साखरपुडा केल्याचं बोललं जातंय.
भूषण प्रधानच्या सोशल मीडिया पोस्टवर कमेंट्स आणि लाईक्सचा वर्षाव होतोय. तर, अनेक सेलिब्रिटीसुद्धा कमेंट करुन भूषणला शुभेच्छा देत आहेत.
View this post on Instagram
भूषणने शेअर केलेल्या या फोटोमध्ये त्याच्या होणाऱ्या पत्नीचा चेहरा दिसत नसल्यामुळे, भूषणची होणारी पत्नी कोण, हे जाणून घेण्याची उत्सुकता त्याच्या चाहत्यांना लागली आहे. पण, अनेकांना भूषणनं साखरपुडा केलाय की, हा त्याचा एखादा नवा प्रोजेक्ट आहे, असा प्रश्न पडलाय. अनेकजण भूषणच्या पोस्टवरुन तर्कवितर्क लावत आहेत. तसेच, फोटोवर भूषणनं जी तारीख लिहिलीय, त्या तारखेला शुक्रवार येतोय. त्यामुळे काहीजण त्या दिवशी भूषणचा सिनेमा रिलीज होणार आहे आणि त्याची ही पोस्ट म्हणजे, सिनेमाच्या प्रमोशनचाच भाग आहे, असंही म्हणत आहेत.
महत्त्वाच्या इतर बातम्या :
महत्त्वाच्या बातम्या
