Maharani 2 Twitter Review : पुन्हा एकदा दिसली ‘राणी भारती’ची जादू! ‘महारानी 2’वर नेटकऱ्यांच्या प्रतिक्रिया...

Maharani 2 : ‘महारानी’ वेब सीरिजचा दुसरा सीझन अर्थात ‘महारानी 2’ (Maharani 2) प्रेक्षकांच्या भेटीला आला आहे.

Maharani 2

Maharani 2 : बॉलिवूड अभिनेत्री हुमा कुरेशी (Huma Qureshi) अभिनित 'महारानी' (Maharani) या सीरिजने लक्षवेधक कथानकासह प्रेक्षकांचे लक्ष वेधून घेतले होते. प्रबळ राजकीय नेता म्‍हणून उदयास येण्‍यासाठी समाजातील पुरूषप्रधान अडथळ्यांचा सामना करणाऱ्या प्रमुख नायिकेच्‍या अवतीभोवती केंद्रित या सीरिजच्‍या पाहिल्या पर्वाला प्रेक्षकांची चांगलीच पसंती मिळाली होती. प्रेक्षक या सीरिजच्या दुसऱ्या सीझनची आतुरतेने वाट पाहत होते. अखेर प्रेक्षकांची ही प्रतीक्षा आता संपली आहे. ‘महारानी’ वेब सीरिजचा दुसरा सीझन अर्थात ‘महारानी 2’ (Maharani 2) प्रेक्षकांच्या भेटीला आला आहे.

‘महारानी 2’ (Maharani 2) हे वेब सीरिज सोनी लिव्हवर प्रदर्शित झाली आहे. जिथे 'महारानी 1' संपला होता, तिथून दुसऱ्या सीझनच्या कथेची सुरूवात झाली आहे. या सीझनमध्ये भीम भारती तुरुंगाबाहेर आपली सत्ता पुन्हा मिळवण्यासाठी सर्वतोपरी प्रयत्न करत आहे. त्याला त्याची गमवलेली सत्ता परत मिळवायची आहे आणि त्यासाठी त्याचे प्रयत्न सुरु झाले आहेत. पुन्हा एकदा त्याचा सामना त्याची पत्नी ‘राणी भारती’ हिच्या बरोबर पाहायला मिळणार आहे. सीझन 1मध्ये बिहारच्या सत्ताकारणाची झलक मिळाली. परंतु, सीझन 2 यापेक्षा खूप काही धमाके पाहायला मिळत आहेत. प्रेक्षकांना देखील या सीरिजचा दुसरा सीझन आवडला आहे.

कलाकारांवर कौतुकाचा वर्षाव

‘राणी भारती’च्या भूमिकेत हुमा कुरेशीच्या कामाचे सोशल मीडियावर खूप कौतुक होत आहे. 'महाराणी 2' मध्ये बिहारच्या मुख्यमंत्री राणी भारती यांना केवळ राजकीय प्रतिस्पर्धी नवीन कुमार यांच्याच नव्हे, तर तिच्या पतीच्या अर्थात भीमा भारती यांच्या विरोधाचाही सामना करावा लागतो आहे. आरक्षणाच्या मागण्या, वेगळे झारखंड राज्य आणि याच दरम्यान देशाला हादरवून सोडणारे एक वेदनादायक बलात्कार-हत्या प्रकरण, या ट्रॅकवर ‘महारानी 2’ची (Maharani 2) कथा पुढे जाते.

पाहा नेटकऱ्यांच्या प्रतिक्रिया

‘महारानी 2’मधील मुख्य पात्र अर्थात हुमा कुरेशी (Huma Qureshi), सोहम शाह (Sohun Shah), आणि अमित सियाल (Amit Siyal) यांच्या अभिनयाचे प्रेक्षक तोंडभरून कौतुक करत आहेत. या वेब सीरिजवर प्रेक्षकांनी आणि नेटकऱ्यांनी कौतुकाचा वर्षाव केला आहे. या वीकेंडला ‘महारानी 2’ वेब सीरिज रिलीज झाल्याने तिला प्रचंड प्रतिसाद मिळत आहे.

'महारानी 2'चे दिग्‍दर्शन रविंद्र गौतम यांनी केले आहे, तर सुभाष कपूर व नंदन सिंह हे या सीरिजचे लेखक आहेत. हुमा कूरेशी प्रमुख भूमिकेत असलेल्‍या या सीरिजमध्‍ये सोहम शाह, अमित सियाल, विनीत कुमार, इनाम उल हक, दिब्‍येंदू भट्टाचार्य, कनी कस्‍तुरी, प्रमोद पाठक आणि विनीत कुमार हे देखील प्रमुख भूमिकेत दिसले आहेत.

हेही वाचा: