Marathi Song : लयभारी दिसते पोर! आणखी एका मराठमोळ्या रोमँटिक गाण्याचीच हवा, सोशल मीडियावर तुफान व्हायरल
Marathi Song : आणखी एका मराठी गाण्याची सध्या सोशल मीडियावर बरीच चर्चा सुरु असून सध्या हे सोशल मीडियावरही तुफान व्हायरल होत आहे.
Marathi Song : सध्या सोशल मीडियावर (Social Media) अनेक मराठी गाण्यांची चांगलीच हवा आहे. गुलाबी साडी, तांबडी चामडी, नखरेवाली अशी अनेक गाणी बरीच व्हायरल झाली. त्यातच आता 'लयभारी दिसते पोर' हे नवं गाणं प्रेक्षकांच्या भेटीला आलं आहे. या गाण्यातून अभिनेत्री हिंदवी पाटील आणि अभिनेता जगदीश झोरे ही जोडी पाहायला मिळतेय. "साज मराठमोळा लयभारी, लयभारी दिसते पोर" असे बोल असणारं हे रोमँटिक गाणं चर्चेत आलं आहे.
प्रेमात आकंठ बुडालेल्या दोन प्रेमीयुगुलांची पसंती, घरच्यांचा होकार ते लग्न अस एकंदरीत परिपूर्ण प्रेम असणाऱ्या जोडीच्या धमाकेदार आणि नखरेल गाण्याने सर्वत्र धमाका केला आहे.मराठमोळ्या साज शृंगाराने सजलेल्या प्रेयसीचं कौतुक करण्यात व्यस्त असलेल्या प्रियकराची अनोखी गोष्ट या गाण्यातून उलगडण्यात येणार आहे.
या गाण्यातून अभिनेत्री हिंदवी पाटील आणि अभिनेता जगदीश झोरे ही जोडी एकमेकांच्या प्रेमात बेधुंद झालेली पाहायला मिळत आहे. अल्पावधीतच या मराठमोळ्या swag असलेल्या गाण्याने प्रेक्षकांच्या मनावर राज्य करत त्यांना थिरकायला भाग पाडलं आहे. "साज मराठमोळा लयभारी, लयभारी दिसते पोर" असे बोल असणारं हे रोमँटिक गाणं चर्चेत आलं आहे. गाण्यात दोन्ही कलाकाराचा मराठमोळा लूकही लक्ष वेधून घेत आहे.
'साईरत्न एंटरटेनमेंट' प्रस्तुत या नव्याकोऱ्या गाण्याच्या निर्मितीची धुरा संदेश गडेकर आणि सुरेश गाडेकर यांनी सांभाळली आहे. तर संगीतकार म्हणून ओमकार रणधीर याने बाजू सांभाळली आहे. तर हर्षवर्धन व्हावरे आणि सोनाली सोनावणे यांनी त्यांच्या सुमधुर स्वरात हे गाणं स्वरबद्ध केलं आहे. तर संपूर्ण गाण्याच्या दिग्दर्शनाची आणि स्क्रीनप्लेची दुहेरी धुरा मनीष महाजन यांनी योग्यरीत्या पेलवली आहे. गाणं प्रदर्शित होऊन अवघे तीन दिवस झाले असून हे गाणं रसिक प्रेक्षकांच्या पसंतीस पडलं असून अनेकजण या गाण्याला पसंती दर्शविताना दिसत आहेत.
View this post on Instagram
ही बातमी वाचा :
Sai Tamhankar : 'बघायला मज्जा आली...', निक्की आणि वर्षाताईंच्या वादावर सई ताम्हणकरची प्रतिक्रिया
महत्त्वाच्या बातम्या
