Koffee With Karan 7 : कॉफी विथ करणमध्ये आमिर येणार पण शाहरुख नाही; करणनं सांगितलं कारण
कॉफी विथ करणच्या या सिझनध्ये अभिनेता शाहरुख खान (Shah Rukh Khan) हजेरी लावणार नाही. याबाबत करण जोहरनं माहिती दिली आहे.
Koffee With Karan 7 : बॉलिवूडमधील प्रसिद्ध निर्माता आणि दिग्दर्शक असलेल्या करण जोहरच्या (Karan Johar) कॉफी विद करण (Koffee With Karan) या कार्यक्रमाच्या सातव्या सिझनला सुरुवात झाली आहे. या सिझनच्या पहिल्या एपिसोडमध्ये रणवीर सिंह (Ranveer Singh) आणि आलिया भट्टनं (Alia Bhatt) हजेरी लावली होती. रणवीर आणि आलियानं या पहिल्या एपिसोडमध्ये त्यांच्या वैयक्तिक आयुष्याबाबत आणि करिअरबाबत चर्चे केली. या एपिसोडला प्रेक्षकांची पसंती मिळाली. पण कॉफी विथ करणच्या या सिझनध्ये अभिनेता शाहरुख खान (Shah Rukh Khan) हजेरी लावणार नाही. याबाबत करण जोहरनं माहिती दिली आहे.
एका मुलाखतीमध्ये करणनं सांगितलं की, कॉफी विथ करणमध्ये अभिनेता आमिर खान येणार आहे. पण शाहरुख खान येणार नाही. तो म्हणाला, 'सध्या शाहरुखला मीडियापासून दूर राहायचं आहे. त्यामुळे तो या शोमध्ये उपस्थित राहणार नाही. पठाण हा त्याचा आगामी चित्रपट लवकरच प्रेक्षकांच्या भेटीस येणार आहे. त्यामुळे त्याला लाईमलाईटपासून दूर राहायचं आहे. '
करण जोहर पुढे म्हणाला की, शाहरुखने प्रेक्षकांना खूप वाट पहायला लावली आहे. प्रेक्षक जेवढी वाट पाहतील, तेवढेच प्रेम शाहरुखला मिळेल. शाहरुखच्या पठाण या चित्रपटामध्ये दीपिका पदुकोण आणि जॉन अब्राहम हे महत्त्वाच्या भूमिका साकारताना दिसणार आहेत. हा चित्रपट पुढील वर्षी प्रदर्शित होणार आहे.
कॉफी विथ करण 7 चा पहिला एपिसोड सुपरहिट ठरला आहे. या एपिसोडने एक रेकॉर्ड आपल्या नावावर केला आहे. कॉफी विथ करणचा हा आतापर्यंतचा सर्वाधिक पाहिला गेलेला एपिसोड आहे.करणने सोशल मीडियावर पोस्ट शेअर करून याची माहिती दिली होती.
हे कलाकार लावणार उपस्थिती
अक्षय कुमार, समंथा रुथ प्रभू, सारा अली खान, जान्हवी कपूर, अनन्या पांडे, विजय देवरकोंडा यांच्यासह अनेक कलाकार कॉफी विथ करण 7 च्या आगामी भागात दिसणार आहेत.
हेही वाचा:
महत्त्वाच्या बातम्या
ट्रेंडिंग न्यूज
