JD Majethia Remarries Wife Nipa: 57 वर्षांचा दिग्गज अभिनेता दुसऱ्यांदा चढला बोहोल्यावर; सख्खा लेकींनीच दिलीय 'बॅचरल पार्टी' VIDEO
JD Majethia Remarries Wife Nipa: अभिनेता जेडी मजीठिया आणि त्याची पत्नी निपा मजीठिया यांची लव्हस्टोरी एखाद्या सिनेमाच्या स्क्रिप्टसारखी आहे.
JD Majethia Remarries Wife Nipa: टेलिव्हिजनचा (Television News) लोकप्रिय शो 'खिचडी'मध्ये (Khichdi) 'हिमांशू'ची भूमिका साकारुन प्रसिद्ध झालेला अभिनेता , निर्माता आणि दिग्दर्शक जेडी मजीठिया (JD Majethia) यानं वयाच्या 57व्या वर्षी दुसऱ्यांदा आपली लग्नगाठ बांधलीय. पण, 'खिचडी' शोमधून (Famous Television Show Khichdi) प्रेक्षकांना खळखळून हसवणाऱ्या अभिनेत्यानं आपल्या पत्नीसोबतच दुसऱ्यांदा लग्नगाठ बांधलीय. जेडी मजीठिया यानं आपली पत्नी निपा मजीठिया (Nipa Majethia) हिच्यासोबत पुन्हा एकदा विवाह केलाय.
अभिनेता जेडी मजीठिया (Actor JD Majethia) आणि त्याची पत्नी निपा मजीठिया (Nipa Majethia) यांची लव्हस्टोरी एखाद्या सिनेमाच्या स्क्रिप्टसारखी आहे. 30 वर्षांपूर्वी, 11 मार्च रोजी, दोघांनी घाईघाईत कोर्ट मॅरेज केलेलं. त्यावेळी पारंपारिक पद्धतीनं धुमधडाक्यात लग्न करण्यासाठी त्यांच्याकडे वेळ नव्हता. कोर्ट मॅरेजनंतर दोघेही लगेचच आशीर्वाद घेण्यासाठी मथुरेला गेले आणि नंतर अवघ्या तीनच दिवसांत आपल्या नाटकाच्या दौऱ्यासाठी अमेरिकेला रवाना झाले. त्यामुळे आता लग्नाला 30 वर्ष झाल्यानंतर या जोडप्यानं विधीवत आपाला लग्नसोहळा उरकला आहे.
कौतुकाची गोष्ट म्हणजे, अभिनेता जेडी मजीठिया आणि त्याची पत्नी निपा मजीठिया यांचा हा विवाहसोहळा आणखी खास बनवण्यासाठी त्यांच्या लेकींनी खूप मेहनत घेतली. त्यांनी आपल्या आई-वडिलांसाठी खास 'बॅचलर पार्टी'चं आयोजन केलेलं. म्हणतात ना, प्रेमाला वयाचं बंधन नसतं आणि अपूर्ण राहिलेली स्वप्नं कधीही पूर्ण करता येतात.
एका मुलाखतीत बोलताना जेडी मजीठिया यांनी सांगितलेलं की, निपा यांच्या मनात नेहमीच ही खंत होती की, त्यांचं लग्न विधीवत झालं नव्हतं. त्यामुळे त्यांच्या लग्नाच्या 30व्या वाढदिवसानिमित्त त्यांनी हे अपूर्ण राहिलेलं स्वप्न पूर्ण करण्याचा निर्णय घेतलाय.
लेकींनी सांभाळली 'वेडिंग प्लॅनर' म्हणून जबाबदारी (JD Majethia Remarries Wife Nipa Majethia)
अभिनेता जेडी मजीठिया आणि त्याची पत्नी निपा मजीठिया यांच्या विधीवत लग्नसोहळ्याची सर्वात मोठी खास गोष्ट म्हणजे, त्यांच्या लेकी. या थाटामाटात पार पडलेल्या लग्नसोहळ्याची सर्व जबाबदारी त्यांच्या मुलींनी उचलली होती. जेडी मजीठिया यांच्या लेकी केसर आणि मिश्री यांनी केवळ लग्नाचा संपूर्ण प्लॅनच केला नाही, तर आपल्या आई-वडिलांसाठी खास 'बॅचलरेट पार्टी'चं आयोजनही केलेलं.
दरम्यान, सोशल मीडियावर व्हायरल होत असलेल्या फोटो आणि व्हिडीओंमध्ये जेडी आणि निपा यांना हळद, मेहंदी आणि संगीत अशा विविध पारंपरिक विधींचा आनंद घेताना पाहायला मिळत आहे.
महत्त्वाच्या इतर बातम्या :
महत्त्वाच्या बातम्या
