(Source: ECI/ABP News)
Prabhu Deva Love Life With South Superstar Nayanthara: प्रभू देवाच्या प्रेमात वेडी झालेली 'ही' सुपरस्टार अभिनेत्री, लग्न करण्यासाठी धर्मही बदलला; पण, अधुरी राहिली प्रेम कहाणी
Prabhu Deva Love Life With South Superstar Nayanthara: प्रभुदेवा यांनी व्यावसायिक कारकिर्दीत मोठं यश मिळवलंय, तर दुसऱ्या बाजूला त्यांच्या वैयक्तिक आयुष्यात अनेक चढ-उतार आणि संघर्ष पाहिलाय.
Prabhu Deva Love Life With South Superstar Nayanthara: बॉलिवूडच्या (Bollywood News) दिग्गज कोरिग्राफर्सची (Legendary Choreographer) ज्यावेळी चर्चा होते, त्यावेळी प्रभुदेवा (Prabhu Deva) यांचं नाव सर्वात आधी घेतलं जातं. अभिनय (Actor) असो वा दिग्दर्शन (Director) त्यांनी आपली खास ओळख निर्माण केलीय. एका बाजूला त्यांनी व्यावसायिक कारकिर्दीत मोठं यश मिळवलंय, तर दुसऱ्या बाजूला त्यांच्या वैयक्तिक आयुष्यात अनेक चढ-उतार आणि संघर्ष पाहायला मिळालाय. त्यांच्या 53व्या वाढदिवसानिमित्त त्यांच्या वैयक्तिक आयुष्याबद्दल जाणून घेऊयात...
16 वर्षांनंतर पत्नीपासून घेतला घटस्फोट (Prabhu Deva Divorced His Wife)
टाईम्स ऑफ इंडियाच्या वृत्तानुसार, प्रभुदेवा यांनी 1995 साली रामलता यांच्याशी विवाह केला होता. लग्नानंतर या दाम्पत्याला तीन मुलं झाली, मात्र 2008 मध्ये कर्करोगामुळे त्यांच्या एका मुलाचं निधन झालंय. या घटनेमुळे त्यांच्या नात्यात दुरावा निर्माण झाला. परिस्थिती आणखी बिघडली, जेव्हा प्रभुदेवा आणि नयनतारा यांच्यात जवळीक वाढू लागली. त्यानंतर 2011 साली प्रभुदेवा आणि रामलता यांचा घटस्फोट झाला.
'विल्लू'च्या सेटवर झाली नयनतारा आणि प्रभुदेवा यांची भेट (Prabhu Deva And Nayanthara Met On 'Villu' Movie Set)
प्रभुदेवा आणि नयनतारा यांची पहिली भेट तमिळ सिनेमा 'विल्लू'च्या शूटिंगदरम्यान झाली होती. शूटिंगदरम्यान दोघांमध्ये मैत्री झाली आणि हळूहळू त्या मैत्रीचं प्रेमात रूपांतर झालं. एका मुलाखतीत प्रभुदेवांनी स्वतः मान्य केलं होतं की, ते नयनतारा यांच्यासोबत रिलेशनशिपमध्ये आहेत. ख्रिश्चन धर्म मानणाऱ्या नयनतारानं प्रभुदेवा यांच्याशी लग्न करण्यासाठी हिंदू धर्म स्वीकारला होता. मात्र, त्यांचे प्रेम पूर्णत्वास जाऊ शकले नाही आणि 2012 साली दोघे वेगळे झाले.
50व्या वर्षी बनले मुलीचे वडील (Choreographer Prabhu Deva)
नयनतारापासून वेगळे झाल्यानंतर 2020 साली प्रभुदेवा यांनी फिजिओथेरपिस्ट डॉ. हिमानी सिंह हिच्याशी दुसरं लग्न केलं. या दाम्पत्याला एक मुलगी आहे. प्रभुदेवा वयाच्या पन्नाशीत चौथ्यांदा वडील झाले.
प्रभू देवा यांचे आगामी सिनेमे
प्रभू देवा यांच्या वर्क फ्रंटबद्दल बोलायचं झाल्यास, सध्या प्रभुदेवा यांच्याकडे अनेक मोठे प्रोजेक्ट्स आहेत, ज्यांची चाहत्यांना उत्सुकता आहे. या यादीत 'कथनार: द वाइल्ड सोर्सर', 'मुसासी', 'सिंगानल्लूर सिग्नल' आणि 'वोल्फ' या सिनेमांचा समावेश आहे. याशिवाय ते 'महाराणी: क्वीन ऑफ क्वीन्स' या सिनेमातही दिसणार आहे. या सिनेमात काजोल आणि नसीरुद्दीन शाह यांच्याही भूमिका आहेत. चरण तेज उप्पलापती हे या चित्रपटाचे दिग्दर्शक असून, या चित्रपटाची कथा आई आणि मुलगी यांच्या नात्यावर आधारित आहे.
महत्त्वाच्या इतर बातम्या :
महत्त्वाच्या बातम्या
