52 लाखांचा घोडा, 36 लाखांच्या मांजरींचं गिफ्ट! जॅकलिनला महागात पडणार; गिफ्ट देणारा सुकेश कोण?
अभिनेत्री जॅकलीन फर्नांडिसला (Jacqueline Fernandez) महागडी जनावरं गिफ्ट घेणं प्रचंड महागात पडणार आहे. सुकेश चंद्रशेखर (Sukesh ChandraShekhar) नं तिला हे गिफ्ट दिलं होतं. नेमकं हे प्रकरण आहे तरी काय..
मुंबई : अभिनेत्री जॅकलीन फर्नांडिसला (Jacqueline Fernandez) महागडी जनावरं गिफ्ट घेणं प्रचंड महागात पडणार आहे. कारण 200 कोटींच्या अपहाराप्रकरणी चौकशीच्या घेऱ्यात असलेल्या सुकेश चंद्रशेखर (Sukesh ChandraShekhar) या उद्योगपतीने एकूण 5 जनावरं जॅकलिनला गिफ्ट म्हणून दिल्याचं समोर आलंय. त्यातल्या अरबी घोड्याची किंमत तब्बल 52 लाख आणि प्रत्येकी 9 लाख रुपये किंमत असलेली एकूण 36 लाखांच्या 4 पर्शियन मांजरांचाही समावेश आहे आणि ही सगळी माहिती, ईडीने दाखल केलेल्या आरोपपत्रामध्ये देण्यात आली आहे.
जॅकलीनला घोडा आणि मांजर गिफ्ट करणारा सुकेश चंद्रशेखर कोण ?
सुकेश चंद्रशेखर हा बंगळुरुतला एक उद्योगपती आहे
सुरुवातीला नोकरी देण्याच्या आमिषाने त्याने अनेकांची फसवणूक केली
75 जणांचे 100 कोटी रुपये घेऊन त्याने पोबारा केला...
वयाच्या 17 व्या वर्षी त्याला पहिल्यांदा अटक झाली
राजकारण्यांच्या नावाने सव्वा कोटी रुपये त्याने उकळले होते
कधी करुणानिधी, कधी कुमारस्वामी, कधी जयललितांच्या नावाचा वापर केला
2017 मध्ये तामिळनाडूच्या राजकारणात त्याने डील करण्याचा प्रयत्न केला
निवडणूक आयोगात ओळख असल्याचं सांगून हवं ते चिन्ह मिळवून देण्याचं आमिष त्यानं दाखवलं
याच प्रकरणात दिल्ली पोलिसांनी त्याला 2017 मध्ये अटक केली
आणि त्याच्या हॉटेल रुममध्ये सव्वा कोटी रुपये जप्त केले
पण त्यानंतरही सुकेशने दिल्लीतल्या तुरुंगातूनच खंडणी वसुली सुरु केली
सुकेशवर 200 कोटींच्या मनी लाँड्रिंगचा आरोप आहे
2013 मध्ये चेन्नईच्या कॅनरा बँकेलाही त्याने चुना लावला
या प्रकरणी त्याची गर्लफ्रेन्ड लीना मारिया पॉललाही अटक झाली
रवी पुजारी गँगने तिच्या ब्यूटी पार्लरवरही गोळीबार केला होता
नोरा फतेही देखील सुकेशच्या उधळपट्टीची लाभार्थी
पण फक्त जॅकलीनच नाही तर नॅशनल क्रश नोरा फतेही देखिल सुकेशच्या उधळपट्टीची लाभार्थी होती अशीही माहिती समोर आली आहे. आरोपपत्रातल्या आरोपानुसार सुकेश चंद्रशेखरने नोरा फतेहीला एक बीएमडब्ल्यू कार आणि एक आयफोनही गिफ्ट केला होता.. ज्याची एकूण किंमत ही 1 कोटींच्या आसपास होती. इतकंच नाही तर सुकेश जेव्हा जेलमध्ये होता. तेव्हाही फोनद्वारे जॅकलीनच्या संपर्कात होता. जेव्हा तो जामिनावर बाहेर आला. तेव्हा त्याने दिल्लीहून चेन्नईला जाण्यासाठी एक चार्टर्ड फ्लाईट बुक केली आणि त्यानंतर जॅकलीन आणि सुकेश हे एका हॉटेलमध्ये दोन दिवस एकत्र होते. सुकेशने केवळ हवाई प्रवासासाठी तब्बल 8 कोटी खर्च केले होते.
सुकेश जेव्हा तिहार तुरुंगातून जामिनावर बाहेर आला होता. त्यानंतर काढलेला हा सेल्फी असल्याचा दावा केला जातोय. आणि त्यामुळेच सुकेश आणि जॅकलीनचे घनिष्ट संबंध चव्हाट्यावर आले. आणि त्यामुळेच सलमानची ही क्लोज फ्रेन्ड आता अत्यंत मोठ्या संकटात सापडली आहे.
महत्त्वाच्या बातम्या
ट्रेंडिंग न्यूज
