एकनाथ शिंदे नगरविकास खात्याचे मंत्री होणार, भाजपकडील गृहनिर्माण खातं शिवसेनेकडे; खातेवाटपावर अंतिम शिक्कामोर्तब
Maharashtra Cabinet Expansion : अजित पवारांकडे यावेळीही अर्थखातं असणार आहे. तसेच महिला आणि बालकल्याण मंत्रिपदावर राष्ट्रवादीच्या अदिती तटकरे यांची वर्णी लागणार असल्याची माहिती सूत्रांनी दिली.
Maharashtra Cabinet Ministers List : राज्य मंत्रिमंडळाच्या विस्तारानंतर आता खातेवाटपावरही अंतिम शिक्कामोर्तब झाल्याची माहिती आहे. त्यामध्ये गृह, महसूल, सार्वजनिक बांधकाम खातं हे भाजप आपल्याकडेच ठेवणार आहे. तर अर्थ खातं हे अजित पवारांकडे जाणार आहे. गेल्या वेळी शिवसेनेकडे असलेले नगरविकास खाते यंदाही त्याच पक्षाकडे राहणार असून स्वतः एकनाथ शिंदे हे त्या खात्याचे मंत्री (Urban Development Minister) असतील अशी माहिती खात्रीलायक सूत्रांनी दिली.
एकनाथ शिंदे हे गृह आणि नगरविकास खात्यासाठी आग्रही होते. पण गृहखाते त्यांना देण्यास भाजपने नकार दिला. त्यानंतर आता नगरविकास खातं आणि भाजपकडे असणारे गृहनिर्माण खातं हे शिंदेंच्या शिवसेनेला मिळणार असल्याची माहिती आहे. यापैकी नगरविकास खातं हे एकनाथ शिंदे यांच्याकडे असेल अशी माहितीही आहे.
Maharashtra Cabinet Ministers List : कसे असेल संभाव्य खाते वाटप?
सूत्रांनी दिलेल्या माहितीनुसार, गेल्या मंत्रिमंडळात होती ती महत्त्वाची खाती त्या त्या पक्षाकडेच राहणार आहेत. तर शिंदेंना हवं असलेले गृहखातं हे भाजप स्वतःकडे ठेवणार आहे. देवेंद्र फडणवीस हे गृहखातं आपल्याकडेच ठेवणार असल्याची माहिती आहे. तर नगरविकास खातं हे शिंदेंच्या शिवसेनेकडे जाणार आहे.
सूत्रांनी दिलेल्या माहितीनुसार, शिवसेनेकडे असलेलं उत्पादन शुल्क खातं हे राष्ट्रवादीला जाणार असल्याची माहिती आहे. तर भाजपच्या वाट्याचं गृहनिर्माण खातं हे शिवसेनेला देण्यात येणार आहे. राष्ट्रवादीकडे अर्थ खातं जाणार असून ते अजितदादा स्वतःकडे ठेवणार आहेत. तसेच महिला व बालकल्याण खातं हे राष्ट्रवादीकडेच राहणार असून आदिती तटकरे या त्या खात्याच्या मंत्री असणार आहेत अशी माहिती आहे.
भाजप-
- गृह
- महसूल
- सार्वजनिक बांधकाम
- पर्यटन
- ऊर्जा
---------
शिवसेना-
- नगरविकास खातं
- गृहनिर्माण
---------
राष्ट्रवादी-
- अर्थ
- महिला आणि बालविकास
- उत्पादन शुल्क
ही बातमी वाचा:
महत्त्वाच्या बातम्या
ट्रेंडिंग न्यूज
