Heropanti 2 : ‘बबलू’ बनून टायगर श्रॉफ दाखवणार हीरोपंती! ‘या’ दिवशी रिलीज होणार धमाकेदार ट्रेलर
Heropanti 2 Update : चित्रपटाच्या या नवीन पोस्टरमध्ये टायगर श्रॉफ सूट-बूटमध्ये एकदम टिप-टॉप दिसत आहे. पोस्टरमध्ये, तो कारच्या बोनेटवर पाय ठेवून बसला आहे आणि त्याच्या हातात बंदूक आहे.
Heropanti 2 Update : अभिनेता टायगर श्रॉफ (Tiger Shroff) याने 2014 मध्ये 'हीरोपंती' (Heropanti) या चित्रपटाद्वारे बॉलिवूडमध्ये पदार्पण केले होते. या चित्रपटातील रोमान्स, दमदार अॅक्शन आणि क्रितीसोबतच्या केमिस्ट्रीने प्रेक्षकांची मने जिंकली होती. आता लवकरच टायगर श्रॉफ या चित्रपटाच्या सिक्वेलमधून पुन्हा एकदा आपली हीरोपंती दाखवणार आहे. नुकतेच या चित्रपटाचे आणखी एक नवीन पोस्टर रिलीज करण्यात आले असून, यासोबतच निर्मात्यांनी 'हीरोपंती 2'चा (Heropanti 2) ट्रेलर रिलीज करण्याची घोषणा केली आहे.
चित्रपटाच्या या नवीन पोस्टरमध्ये टायगर श्रॉफ सूट-बूटमध्ये एकदम टिप-टॉप दिसत आहे. पोस्टरमध्ये, तो कारच्या बोनेटवर पाय ठेवून बसला आहे आणि त्याच्या हातात बंदूक आहे. पोस्टरमध्ये टायगर श्रॉफचा रफ अँड टफ लूक दाखवण्यात आला आहे. पोस्टर रिलीज होताच त्याच्या पात्राचे नावही जाहीर करण्यात आले आहे. या नवीन पोस्टरच्या रिलीजसोबत टायगर श्रॉफने कॅप्शनमध्ये लिहिले की, 'Action, Swag आणि Heropanti, सगळ्यांना येत नाही आणि माझी जात नाही'.
‘या’ दिवशी रिलीज होणार ट्रेलर
‘हीरोपंती 2’चे नवीन पोस्टर रिलीज करण्यासोबतच टायगर श्रॉफने हे देखील सांगितले की, त्याच्या चित्रपटाचा ट्रेलर उद्या 12 वाजता रिलीज होणार आहे. टायगर श्रॉफच्या ट्रेलर रिलीजची घोषणा आणि या पोस्टरमुळे चाहत्यांची उत्सुकताही वाढली आहे. या पोस्टवर भरभरून लाईक्स आणि कमेंट्सचा वर्षाव होत आहे.
तारासोबत जमणार जोडी!
या चित्रपटात टायगर श्रॉफसोबत तारा सुतारिया मुख्य भूमिकेत दिसणार आहे, जिने यापूर्वी 'स्टुडंट ऑफ द इयर 2' या चित्रपटात त्याच्यासोबत काम केले आहे. या दोघांव्यतिरिक्त नवाजुद्दीन सिद्दीकीही या चित्रपटात महत्त्वाच्या भूमिकेत दिसणार आहे. चित्रपटाचे संगीत ए आर रहमान यांनी दिले आहे, तर चित्रपटाची कथा रजत अरोरा यांनी लिहिली आहे.
हेही वाचा :
- Bollywood Films : मोंदीच्या काळात विरोधी पक्षांवर टीका करणारे 'हे' सिनेमे झाले प्रदर्शित
- Mishan Impossible : तापसी पन्नूच्या 'मिशन इम्पॉसिबल' सिनेमाचा ट्रेलर आऊट
- Top Gun Maverick : 'कान्स फिल्म फेस्टिव्हल'मध्ये टॉम क्रूझच्या 'Top Gun Maverick' सिनेमाचा होणार प्रीमिअर
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
महत्त्वाच्या बातम्या
