Entertainment News Live Updates 3 July : टीव्हीपासून ते बॉलिवूडपर्यंत... मनोरंजन विश्वात काय घडतंय जाणून घ्या एका क्लिकवर!
Entertainment Live : मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
LIVE
Background
Entertainment Live : मनोरंजन विश्व म्हटलं की, रोज नवनवे गॉसिप हे आलेच. याशिवाय रोज मालिकांमध्ये काय घडतंय? बॉलिवूड विश्वात सध्या काय सुरु आहे? आपल्या लाडक्या अभिनेत्री आणि अभिनेत्यांच्या आयुष्यात काय सुरु आहे, या सगळ्याची संपूर्ण आणि जलद माहिती आम्ही तुम्हाला देणार आहोत. आपल्या लाडक्या सेलेब्सबद्दल जाणून घेण्यासाठी सगळेच चाहते उत्सुक असतात. इतकंच नाही तर मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
अभिनेता राजपाल यादवला पोलिसांनी पाठवली नोटीस; 20 लाखांची फसवणूक केल्याचा आरोप
ajpal Yadav Cheating Case : बॉलिवूडमधील प्रसिद्ध अभिनेता राजपाल यादव (Rajpal Yadav) हा त्याच्या अभिनयानं आणि विनोदी शैलीनं नेहमीच प्रेक्षकांची मनं जिंकतो. राजपाल यादव त्याच्या चित्रपटामधील अभिनयामुळे चर्चेत असतो. पण सध्या राजपाल हा वेगळ्याच कारणामुळे चर्चेत आहे. राजपाल यादव याच्यावर 20 लाखांची फसवणूक केल्याचा आरोप करण्यात आला आहे. त्यामुळे आता इंदूर पोलिसांनी त्याला नोटिस पाठवली आहे.
रिपोर्टनुसार, राजपाल यादव यांच्यावर एका बिल्डरनं वीस लाखांची फसवणूक केल्याचा आरोप केला आहे. राजपालवर सुरिंदर नावाच्या बिल्डरनं फसवणूकीचा आरोप केला आहे. पोलिसांना दिलेल्या तक्रारीमध्ये सुरिंदरनं सांगितले आहे की, राजपाल यादवनं सुरिंदरच्या मुलाला बॉलिवूडमध्ये काम मिळवून देण्यासाठी सुरिंदरकडून 20 लाख रुपये घेतले होते. पण राजपालनं सुरिंदरच्या मुलाला बॉलिवूडमध्ये काम मिळवून दिलं नाही आणि त्यानंतर राजपालनं सुरिंदरचा फोन उचलणं देखील बंद केलं. सुरिंदर म्हणाला की, 'राजपाल यादवनं फोन उचलणं बंद केल्यानं कंटाळून त्यानं पोलिसात तक्रार दाखल केली.' त्यानंतर या प्रकरणावर कारवाई करत पोलिसांनी राजपालविरोधात नोटीस बजावली असून त्याला 15 दिवसांत हजर राहण्याचे आदेशही दिले आहेत.
पाच कोटींची फसवणूकी केल्याच्या प्रकरणी राजपाल यादवला अटक करण्यात आली होती. त्यानंतर त्याची जामीनावर सुटका झाली होती. काही दिवसांपूर्वी 'भूल भूलैय्या-2' हा राजपाल यादवचा चित्रपट प्रेक्षकांच्या भेटीस आला होता. या चित्रपटानं बॉक्स ऑफिसवर धुमाकूळ घातला. हंगामा, रेस अगेन्स्ट टाइम, चुप चुप के, गरम मसाला, फिर हेरा फेरी, ढोल या चित्रपटांमध्ये राजपालनं काम केलं आहे.
Y Marathi Movie : 'वाय'च्या निमित्ताने समोर आले समाजातील भयाण वास्तव
Y Marathi Movie : काळजाचा ठोका चुकवणारा 'वाय' (Y) हा सिनेमा नुकताच सिनेमागृहात प्रदर्शित झाला आहे.
समाजात वावरताना आपल्या आजूबाजूला अशा अनेक घटना घडत असतात. ज्यांचा आपल्याला थांगपत्ताही नसतो आणि अगदीच या घटनांबाबत कळले तर त्याकडे आपण सोयीस्कररित्या दुर्लक्ष करतो. त्याचेच मिश्र स्वरूपातील पडसाद मग आपल्या समाजात उमटतात. अजित वाडीकर दिग्दर्शित 'वाय' या सिनेमात अशाच गोष्टीवर भाष्य करण्यात आले आहे.
गुरमित-देबिनाच्या लाडक्या लेकीची पहिली झलक समोर; सोशल मीडियावर शेअर केला फोटो
टीव्ही अभिनेत्री देबिना बॅनर्जी (Debina Bonnerjee) आणि गुरमीत चौधरीच्या घरी नुकतेच छोट्या पाहुणीचे आगमन झाले आहे. गुरमीत चौधरीने सोशल मीडियावर एक व्हिडीओ शेअर करत बाबा झाल्याची गोड बातमी चाहत्यांसोबत शेअर केली होती. आता गुरमित-देबिनाने लाडक्या लेकीची पहिली झलक चाहत्यांसोबत शेअर केली आहे.
View this post on Instagram
Stepney : 'स्टेपनी' सिनेमाचा होणार वर्ल्ड टेलिव्हिजन प्रीमियर
Stepney : 'पावनखिंड', 'झिम्मा', 'कारखानीसांची वारी' नंतर आता 'स्टेपनी' (Stepney) या सिनेमाचा वर्ल्ड टेलिव्हिजन प्रीमियर होणार आहे. रविवारी 10 जुलैला दुपारी एक वाजता हा सिनेमा प्रेक्षकांना प्रवाह पिक्चरवर पाहायला मिळणार आहे. या सिनेमात विनोदाचा बादशहा भरत जाधव (Bharat Jadhav) मुख्य भूमिकेत आहे.
माझी तुझी रेशीमगाठ' मालिकेकून विश्वजित काका घेणार ब्रेक; 'कोल्हापूर ते कश्मीर लेह लडाख' सफर करणार
'माझी तुझी रेशीमगाठ' या मालिकेत विश्वजित चौधरी हे पात्र आनंद काळे साकारत आहे. या मालिकेमुळे आनंद काळे यांना वेगळी ओळख मिळाली आहे. पण आता आनंद काळे काही दिवसांसाठी या मालिकेतून ब्रेक घेणार आहेत. ‘कोल्हापूर ते कश्मीर लेह लडाख’ अशी सफर आनंद काळे बाईकवरुन करणार आहेत. त्यामुळेच त्यांनी मालिकेतून ब्रेक घेतला आहे.
आदित्य रॉय कपूरच्या 'राष्ट्र कवच ओम'नं दुसऱ्या दिवशी केली कोट्यवधींची कमाई; पाहा बॉक्स ऑफिस कलेक्शन
Rashtra Kavach Om Box Office Collection : बॉलिवूडमधील प्रसिद्ध अभिनेता आदित्य रॉय कपूरच्या (Aditya Roy Kapur) राष्ट्र कवच ओम (Rashtra Kavach Om) हा चित्रपट सध्या चर्चेत आहे. एक जुलै रोजी हा चित्रपट रिलीज झाला. रिलीज झाल्यानंतर या चित्रपटानं पहिल्या दिवशी 1.51 कोटींची कमाई केली. तर आता दुसऱ्या दिवशी या चित्रपटाच्या कमाईमध्ये वाढ झाली आहे. पाहूयात या चित्रपटाचे बॉक्स ऑफिस कलेक्शन...
महत्त्वाच्या बातम्या
ट्रेंडिंग न्यूज
