(Source: ECI/ABP News/ABP Majha)
Entertainment News Live Updates 21 March : टीव्हीपासून ते बॉलिवूडपर्यंत... मनोरंजन विश्वात काय घडतंय जाणून घ्या एका क्लिकवर!
Entertainment Live : मनोरंजन विश्वात सध्या काय नवं घडतंय, याची देखील सर्वांनाच उत्सुकता असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
LIVE
Background
Entertainment Live : मनोरंजन विश्व म्हटलं की, रोज नवनवे गॉसिप हे आलेच. याशिवाय रोज मालिकांमध्ये काय घडतंय? बॉलिवूड विश्वात सध्या काय सुरु आहे? आपल्या लाडक्या अभिनेत्री आणि अभिनेत्यांच्या आयुष्यात काय सुरु आहे, या सगळ्याची संपूर्ण आणि जलद माहिती आम्ही तुम्हाला देणार आहोत. आपल्या लाडक्या सेलेब्सबद्दल जाणून घेण्यासाठी सगळेच चाहते उत्सुक असतात. इतकंच नाही तर मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
Roadies 19 : 'रोडीज 19' लवकरच होणार सुरू
Roadies 19 : 'रोडीज'च्या (Rodies) चाहत्यांसाठी एक आनंदाची बातमी आहे. या बहुचर्चित कार्यक्रमाचं पुढचं पर्व अर्थात 'रोडीज 19' (Rodies 19) लवकरच प्रेक्षकांच्या भेटीला येणार आहे. थरार आणि साहसी कार्यक्रमाची प्रेक्षकांना उत्सुकता आहे. आता या रिअॅलिटी शोचा टीझर आऊट झाला असून प्रेक्षक कार्यक्रमाची प्रतीक्षा करत आहे. 'रोडीज 19'च्या टीझरने नेटकऱ्यांचं लक्ष वेधून घेतलं आहे. हा कार्यक्रम तरुणांमध्ये खूपच लोकप्रिय आहे. 'रोडीज 18' संपल्यापासून चाहते पुढच्या पर्वाची आतुरतेने वाट पाहत होते. आता टीझर रिलीज करत निर्मात्यांनी जाहीर केलं आहे की, लवकरच 'रोडीज 19'च्या ऑडिशनला सुरुवात होईल.
दाक्षिणात्य सुपरस्टार सूर्या मुंबईकर होण्यासाठी सज्ज
दाक्षिणात्य सिनेसृष्टीतील लोकप्रिय अभिनेत्यांच्या यादीत सूर्याची (Suriya) गणना होते. सूर्याचा 2021 साली आलेला 'जय भीम' (Jai Bhim) हा सिनेमा जगभरातील सिनेरसिकांच्या पसंतीस उतरला. या सिनेमातील सूर्याच्या कामाचं प्रचंड कौतुक झालं. आता हा दाक्षिणात्य सुपरस्टार एका वेगळ्याच कारणाने चर्चेत आला आहे. त्याने मुंबईत एक आलिशान फ्लॅट विकत घेतला आहे.
Rohit Shetty : 'स्कूल कॉलेज आणि लाइफ'चा ट्रेलर आऊट
Rohit Shetty School College Ani Life Trailer Out : बॉलिवूडचा लोकप्रिय सिने-दिग्दर्शक रोहित शेट्टी (Rohit Shetty) आता मराठी सिनेसृष्टीत झळकण्यासाठी सज्ज आहे. 'स्कूल कॉलेज आणि लाइफ' (School College Ani Life) या सिनेमाच्या माध्यमातून तो मराठी सिनेसृष्टीत पदार्पण करत आहे. नुकताच या सिनेमाचा ट्रेलर आऊट झाला आहे. स्कूल कॉलेज आणि लाइफ' या सिनेमात तेजस्वी प्रकाश (Tejasswi Prakash) आणि करण परब (Karan Parab) मुख्य भूमिकेत आहे. हा कौटुंबिक सिनेमा शाळा आणि महाविद्यालयीन आयुष्यावर आधारित आहे. या सिनेमाचा ट्रेलर आता आऊट झाला असून तो खूपच मनोरंजक आहे. हा सिनेमा पाहिल्यानंतर प्रेक्षकांना नक्कीच त्यांचे शाळा आणि कॉलेजचे दिवस आठवतील, असा विश्वास चित्रपटाच्या टीमने व्यक्त केला आहे. शाळकरी मुलांना कोणत्या आव्हानांचा सामना करावा लागतो हे या ट्रेलरमध्ये दाखवण्यात आले आहे.
Ajay Devgn : 'भोला'साठी अजय देवगणने किती घेतलं मानधन?
Ajay Devgn : 'भोला' या सिनेमात अजय देवगणचा एक वेगळा अंदाज पाहायला मिळत आहे. सध्या अजय या सिनेमाचं जोरदार प्रमोशन करत असून या सिनेमासाठी त्याने 30 कोटी मानधन घेतलं आहे. तर दुसरीकडे बॉलिवूड अभिनेत्री तब्बू या सिनेमात पोलीस अधिकाऱ्याच्या भूमिकेत असून या सिनेमासाठी तिने चार कोटी मानधन घेतलं आहे. तसेच संजय मिश्राने या सिनेमसाठी 85 लाख आकारले आहेत. अभिषेक बच्चनची झलकदेखील या सिनेमात प्रेक्षकांना पाहायला मिळणार असून त्याने एक कोटी मानधन घेतलं आहे.
View this post on Instagram
Chetan Kumar Arrested : कन्नड अभिनेता चेतन कुमार पोलिसांच्या ताब्यात
Chetan Kumar Arrested : कन्नड सिनेसृष्टीतील लोकप्रिय अभिनेता चेतन कुमारच्या (Chetan Kumar) अडचणीत वाढ झाली आहे. हिंदू धर्माबद्दल केलेलं वादग्रस्त ट्वीट अभिनेत्याला महागात पडलं आहे. चेतन कुमारला बेंगळुरूमधील शेषाद्रिपुरम येथील पोलिसांनी ताब्यात घेतलं आहे. हिंदू धर्म खोटेपणावर आधारित असल्याचं ट्वीट चेतन कुमारने केलं होतं.
Hindutva is built on LIES
— Chetan Kumar Ahimsa / ಚೇತನ್ ಅಹಿಂಸಾ (@ChetanAhimsa) March 20, 2023
Savarkar: Indian ‘nation’ began when Rama defeated Ravana & returned to Ayodhya —> a lie
1992: Babri Masjid is ‘birthplace of Rama’ —> a lie
2023: Urigowda-Nanjegowda are ‘killers’ of Tipu—> a lie
Hindutva can be defeated by TRUTH—> truth is EQUALITY
KKBKKJ Song Out : सलमानच्या 'किसी का भाई किसी की जान'मधील 'Jee Rahe The Hum' गाणं आऊट
Kisi Ka Bhai Kisi Ki Jaan Jee Rahe The Hum Song Out : बॉलिवूडचा दबंग खान अर्थात सलमान खानचा (Salman Khan) बहुचर्चित 'किसी का भाई किसी की जान' (Kisi Ka Bhai Kisi Ki Jaan) हा सिनेमा लवकरच प्रेक्षकांच्या भेटीला येणार आहे. आता या सिनेमातील 'जी रहे थे हम' (Jee Rahe The Hum) हे गाणं प्रेक्षकांच्या भेटीला आलं आहे. विशेष म्हणजे हे गाणं भाईजानने स्वत: गायलं आहे.
View this post on Instagram
Dharmendra : वयाच्या 87 व्या वर्षी धमेंद्र रुपेरी पडद्यावर झळकण्यास सज्ज
Dharmendra Comeback : बॉलिवूड अभिनेते धर्मेंद्र (Dharmendra) रुपेरी पडद्यावर कमबॅक करण्यासाठी सज्ज आहे. वयाच्या 87 व्या वर्षी त्यांनी पुन्हा एकदा सिनेसृष्टीत जोरदार कमबॅक केलं आहे. 'रॉकी और रानी की प्रेम कहानी' (Rocky Aur Rani Ki Prem Kahani) या सिनेमात धर्मेंद्र महत्त्वाच्या भूमिकेत झळकणार आहेत.
Salman Khan : धमकीनंतर सलमान खानची पहिली प्रतिक्रिया समोर
Salman Khan : बॉलिवूडचा भाईजान सलमान खानला (Salman Khan) पुन्हा एकदा धमकी देण्यात आल्याने तो चर्चेत आला आहे. सलमानच्या ऑफिसच्या मेल आयडीवर एक मेल पाठवत त्याला जीवे मारण्याची धमकी देण्यात आली होती. त्यामुळे त्याच्या सुरक्षेत वाढ करण्यात आली होती. आता धमकीनंतर सलमान खानची पहिली प्रतिक्रिया समोर आली आहे. सलमान म्हणाला,"जेव्हा जे व्हायचं असेल तेव्हा ते होईल".
महत्त्वाच्या बातम्या
ट्रेंडिंग न्यूज
