big boss marathi: बिगबॉसच्या घरात खायला या 3 गोष्टीच मिळायच्या, अभिजीतनं शेअर केला व्हिडिओ, म्हणाला..
बिगबाॅसच्या घरात जेवण बनवण्याचा मुद्दा अनेकदा गाजला. जेवण बनवण्याच्या प्रक्रीयेत अभिजीतचाही सहभाग असायचा.
Big Boss Marathi: बिग बॉस मराठीचा पाचवा सिझन आता संपला आहे. रितेश देशमुख होस्ट असलेल्या या शोची यंदा मोठी चर्चा होती. या शोमध्ये 16 सुप्रसिद्ध स्पर्धक यंदा सहभागी होते. अभिजीत सावंत बिग बॉस मराठी सीझन 5 च्या ग्रँड फिनालेमधला पहिला उपविजेता ठरला, त्याने संपूर्ण सीझनमध्ये त्याच्या मजबूत गेमप्लेने आणि दृढनिश्चयाने चाहत्यांना प्रभावीत केले. माजी इंडियन आयडॉल विजेते म्हणून, बिग बॉसच्या घरातील सावंतचा प्रवास चढ-उतारांनी भरलेला होता, परंतु तो सातत्याने त्याच्या संतुलित वर्तनासाठी आणि स्पर्धात्मक भावनेमुळे नावाजला गेला. नुकताच त्यानं घरी परत आल्यानंतर सोशल मिडियावर एक व्हिडिओ शेअर केलाय. यात घराचा नाश्ता खात त्यानं बिगबॉसच्या घरातली एक आठवण सांगितलीय.
बिगबाॅसच्या घरात जेवण बनवण्याचा मुद्दा अनेकदा गाजला. जेवण बनवण्याच्या प्रक्रीयेत अभिजीतचाही सहभाग असायचा. बिग बॉसच्या घरात अनेकदा खाण्याचे वांदे झाल्यानंतर या स्पर्धकांनी घरी येऊन आपल्या आवडत्या पदार्थांवर ताव मारल्याचं दिसतंय. अलिकडेच त्यानं चहात मालपुवा बुडवून खाल्याचा व्हिडिओ शेअर केला आहे. यावेळी त्यानं बिगबॉसच्या घरात नाश्त्याला कोणते तीन पदार्थ फिक्स असायचे याविषयी सांगितलं आहे.
काय म्हणाला अभिजीत?
सत्तर दिवसांनी घरी परतल्यावर अभिजित सावंतनं घरच्या आवडीच्या चहा आणि मालपूवावर आवडीनं ताव मारल्याचं दिसलं. खूपच भारी वाटतंय असं तो म्हणाला. नाश्त्याला पोह्यांऐवजी काहीतरी दुसरं खायला मिळालं त्यामुळं बरं वाटतंय. नाहीतर आम्ही सारखे पोहेच खायचो असं म्हणत त्यानं बायकोच्या हातचा नाश्ता फस्त केल्याचं दिसलं.यावर नेटकऱ्यांनी भन्नाट प्रतिक्रीया दिल्या आहेत.
काय होते ते तीन पदार्थ?
बिगबॉसच्या घरात आमचे तीन पदार्थ फिक्स असायचे असं सांगत अभिजीतनं बिगबॉसची आठवण सांगितली. खूप दिवसांनी ताटात पोह्यांशिवाय दुसरं काहीतरी पाहून खूप बरं वाटतंय. नाहीतर आम्ही सारखे पोहेच खायचो. पोहे, फोडणीचा भात आणि अंडी या तीन गोष्टी आमच्या फिक्स असायच्या सकाळी. आज मालपुवा खाताना बरं वाटतंय. चहामंध्य मालपूवा बुडवून खाण्याची मजा काही औरच असल्याचं अभिजीत म्हणाला.
View this post on Instagram
नेटकऱ्यांच्या गोड प्रतिक्रीया
मालपूवा आणि चहाचा आस्वाद घेणाऱ्या अभिजीतनं शेअर केलेल्या या व्हिडिओवर नेटकऱ्यांनी गोड प्रतिक्रीया दिल्या आहेत. निक्की तांबोळीनं या व्हिडिओखाली मला पण पाहिजे अशी कमेंट टाकली आहे. तर काहीनी वहिनी चांगले लाड करा आता. खाऊ पिऊ घाला सुकलाय तो... असं म्हटलंय. अनेकांनी तु जिंकला नाहीस याचं आश्चर्य वाटत असल्याचंही लिहीलंय.
महत्त्वाच्या बातम्या
