Disha Vakani Father Death: 'TMKOC'च्या दयाबेनवर दु:खाचा डोंगर, वडिलांच्या निधनानंतर झाली 'अशी' अवस्था, भावंडं पूर्णपणे खचले
Veteran Actor Bhim Vakani Dies at 84: दिशा वकानीच्या वडिलांचे निधन. दिशा आणि तिचा भाऊ मयूर भावनिक अवस्थेत.
Disha Vakani Father Bhim Vakani Death: 'तारक मेहता का उलटा चष्मा' (Tarak Mehta Ka Ooltah Chashma) या शोमधून घराघरात पोहोचलेली अभिनेत्री दिशा वकानी हिच्यावर दु:खाचा डोंगर कोसळला आहे. अभिनेत्रीच्या वडिलांचे (Actress Father) 7 एप्रिल रोजी निधन झाले आहे. भीम वकानी यांच्या निधनाची बातमी समोर येताच कुटुंब तसेच सिनेसृष्टीत शोककळा पसरली आहे. मिळालेल्या माहितीनुसार, 84 व्या वर्षी भीम वकानी यांनी अखेरचा श्वास घेतला. वडिलांच्या निधनानंतर दिशा वकानी (Disha Vakani) आणि तिचा भाऊ मयूर वकानी पूर्णपणे खचले आहेत. वकानी कुटुंब अजूनही या धक्क्यातून सावरण्याचा प्रयत्न करीत आहे. भीम वकानी यांचा मृत्यू नेमका कसा झाला? याची अधिकृत माहिती अद्याप समोर आलेली नाही. दरम्यान, त्यांच्या अंत्यविधीचे फोटो आणि व्हिडीओ सध्या सोशल मीडियात व्हायरल होत आहे.
दिशा आणि मयूर वकानी भावनिक अवस्थेत दिसले (Disha Vakani Father Death)
मीडिया रिपोर्ट्सनुसार, काही दिवसांपासून भीम वकानी हे आजारी होते. गंभीर आजाराशी झुंज देत होते. भीम वकानी यांच्या निधनानंतर वकानी कुटुंब शोकसागरात बुडाला आहे. या कठीण काळात सिनेसृष्टीतील कलाकार आणि मित्रपरिवारांनी वकानी कुटुंबाला सपोर्ट दिलाय. टेलिव्हिजन इंडस्ट्रीतील अनेक व्यक्तींनी वकानी कुटुंबाप्रती आपल्या शोकसंवेदना व्यक्त केल्या आहेत. भीम वकानी यांचा नुकताच अंत्यविधी पार पडला. यावेळी दिशा आणि मयूर आपल्या वडिलांना अखेरचा निरोप देताना दिसले.
अंत्यविधीचे अनेक व्हिडीओ सोशल मीडियात व्हायरल होत आहेत. या व्हिडीओंमध्ये दिशा वकानी, तिच्या वडिलांना अखेरचा निरोप देताना भावुक झालेली दिसत आहे. वडिलांच्या अंत्यविधीदरम्यान, तिच्या डोळ्यातील अश्रू आणि दु:ख हे स्पष्टपणे दिसत आहे. तिनं यावेळेस चेहऱ्यावर मास्क लावला होता. तसेच तिच्या डोक्यावर स्कार्फ होता. अभिनेत्री आपल्या अश्रूंना रोखण्याचा आणि स्वत:ला सावरण्याचा प्रयत्न करीत आहे. तिचा भाऊ मयूर देखील पूर्णपणे खचून गेला आहे.
भीम वकानी नेमके कोण? (Who is Bhim Vakani)
गुजराती रंगभूमीवरील एक प्रमुख व्यक्तीमत्व असण्यासोबतच भीम वकानी यांनी आपल्या कारकिर्दीत बऱ्याच बॉलिवूड चित्रपटांमध्ये सपोर्टिंग भूमिकाही साकारल्या आहेत. त्यांनी आपल्या कारकिर्दीत बऱ्याच प्रोजेक्ट्समध्ये काम केलं. 'तारक मेहता का उलटा चष्मा' यामध्येही भीम वकानी दिसले होते. 'हम दिल दे चुके सनम', 'लगान' यांसारख्या ब्लॉकबस्टर सिनेमांमध्येही काम केलं आहे.
महत्त्वाच्या इतर बातम्या:
महत्त्वाच्या बातम्या
