Dhurandhar 2 Box Office Collection: 'धुरंधर 2' पहिल्याच दिवशी दमदार; कमाई 200 कोटी पार, पत्त्याच्या बंगल्याप्रमाणे कोसळेल बॉलिवूडचे सारे टॉप रेकॉर्ड्स
Dhurandhar 2 Box Office Collection: 'धुरंधर 2'नं जागतिक स्तरावर 150 कोटी रुपयांची ओपनिंग केलीय. 'धुरंधर 2'नं सिनेसृष्टीच्या इतिहासात पहिल्यांदाच 200 कोटी रुपयांचा यशस्वी टप्पा गाठलाय.
Dhurandhar 2 Box Office Collection: रणवीर सिंहचा (Ranveer Singh) 'धुरंधर 2' (Dhurandhar 2) बॉक्स ऑफिसवर (Box Office Collection) धुमाकूळ घालणार, याबाबत आधीपासूनच अंदाज व्यक्त केले जात होते. अशातच 'धुरंधर 2' प्रत्येकाच्याच अपेक्षांवर खरा उतरला आहे. पण, व्यक्त केलेल्या अंदाजापेक्षा कितीतरी पटींनी जास्त धुमाकूळ बॉक्स ऑफिसवर घातला आहे. 'धुरंधर 2'नं सिद्ध केलंय की, सिने इंडस्ट्रीचा (Film Industry) इतिहास आणि भविष्य दोन्ही नव्यानं लिहिण्यासाठीच हा सिनेमा रुपेरी पडद्यावर झळकलाय.
'धुरंधर 2'नं (Bollywood News) अद्याप जागतिक स्तरावर (World Wide) 150 कोटी रुपयांची ओपनिंग केली आहे. 'धुरंधर 2'नं सिनेसृष्टीच्या इतिहासात पहिल्यांदाच 200 कोटी रुपयांचा यशस्वी टप्पा गाठला आहे.
'धुरंधर 2'ची बॉक्स ऑफिसवर स्फोटक सुरुवात (Dhurandhar 2 Box Office Collection)
रणवीर सिंहच्या या चित्रपटानं, केवळ बुधवारी झालेल्या 'प्रिव्ह्यू शोज'मधूनच 50 कोटींहून जास्त कलेक्शन केलं आहे. सिनेमानं आधीपासूनच आपली सुरुवात विक्रमी ठरणार असल्याचे संकेत दिले होते. मात्र, गुरुवारी—जो चित्रपटाच्या अधिकृत प्रदर्शनाचा दिवस होता, सकाळपासूनच ज्या वेगानं 'धुरंधर 2'चे शो हाऊसफुल्ल होऊ लागले आणि दिवस संपता संपता सिनेमानं कमाईचा नवा रेकॉर्ड आपल्या नावे केला. 'सॅकनिल्क' (Sacnilk) च्या रिपोर्टनुसार, 'धुरंधर 2'नं केवळ भारतातच 120 कोटी रुपयांहून अधिकचं एकूण कलेक्शन जमवलंय. या आकडेवारीपैकी, चित्रपटाचं नेट कलेक्शन अंदाजे 102 कोटी रुपये इतकं आहे. मीडिया रिपोर्टनुसार, 'धुरंधर 2' च्या एकूण कलेक्शनमध्ये केवळ हिंदी आवृत्तीचाच वाटा सुमारे 99 कोटी रुपये इतका आहे.
View this post on Instagram
पहिल्या दिवशी 'धुरंधर 2' नं किती कमाई केली? (Dhurandhar 2 First Day Box Office Collection)
रणवीर सिंहच्या 'धुरंधर 2' (Dhurandhar 2) या सिनेमानं रिलीज होताच पहिल्याच दिवशी इतिहास घडवला. सिनेमानं तब्बल 100 कोटींची दमदार ओपनिंग केली. 'सॅकनिल्क'च्या आकडेवारीनुसार, 'धुरंधर 2'नं रिलीज होताच पहिल्या दिवशी 102.55 कोटी रुपयांची कमाई केली. यामध्ये 'पेड प्रिव्ह्यूज'मधून मिळालेल्या 43 कोटी रुपयांची भर घातल्यास, सिनेमाची पहिल्या दिवसाची एकूण कमाई 145.55 कोटी रुपयांवर पोहोचली. या कामगिरीसह, बॉलिवूडच्या इतिहासातील प्रदर्शनाच्या पहिल्याच दिवशी सर्वाधिक कमाई करणारा चित्रपट म्हणून यानं अधिकृतपणे आपलं स्थान निश्चित केलंय.
'धुरंधर 2' ला केवळ भारतातच नव्हे, तर ओव्हरसीज मार्केट्समध्येही अत्यंत दमदार सुरुवात मिळाली आहे. अंदाजानुसार, चित्रपटानं प्रदर्शनाच्या पहिल्या दिवशी परदेशी बाजारपेठांमधून 5 मिलियन डॉलर्सहून अधिक कमाई केली. भारतीय चलनात ही रक्कम अंदाजे 48 कोटी रुपयांच्या घरात जाते. चित्रपटाची परदेशी बाजारपेठेतील कमाईची अंतिम आकडेवारी या अंदाजांपेक्षाही अधिक असू शकते.
बॉक्स ऑफिस कलेक्शनमध्ये 'प्रिव्ह्यू शोज'मधून झालेली कमाई आधीपासूनच मोजली जाते. दरम्यान, 'धुरंधर 2'च्या जगभरातील एकूण कमाईचा विचार केला तर, 'धुरंधर 2'नं रिलीज होताच पहिल्याच दिवशी 220 कोटी रुपयांहून अधिक कमाईचा टप्पा गाठला आहे.
महत्त्वाच्या इतर बातम्या :
महत्त्वाच्या बातम्या
