Dharmaveer 2 Box Office Collection : रेकॉर्डब्रेक... 3 दिवसांत बक्कळ कमाई; एकनाथ शिंदेंची भूमिका असलेला 'धर्मवीर-2' बॉक्स ऑफिसवर सुस्साट
Dharmaveer 2 Box Office Collection : धर्मवीर -2 या सिनेमाने बॉक्स ऑफिसवर दमदार सुरुवात केली असल्याचं चित्र आहे. त्यातच या सिनेमाचं तीन दिवसांचं बॉक्स ऑफिस कलेक्शन जाणून घेऊयात.
Dharmaveer 2 Box Office Collection : 'धर्मवीर-2 : साहेबांच्या हिंदुत्वाची गोष्ट' (Dharmaveer 2) हा सिनेमा 27 सप्टेंबर रोजी प्रेक्षकांच्या भेटीला आला. धर्मवीरनंतर धर्मवीरच्या दुसऱ्या भागाचीही प्रेक्षकांना फार उत्सुकता होती. त्यातच अनेक कारणांमुळे या सिनेमाचं रिलीजही पुढे जात होतं. पण अखेर 27 सप्टेंबर रोजी हा सिनेमा रिलीज करण्यात आला आणि पहिल्याच दिवशी या सिनेमाने बॉक्स ऑफिसवर (Box Office Collection) रेकॉर्डब्रेक कमाई केली.
धर्मवीर-2 हा यंदाच्या वर्षातला सर्वाधिक ओपनिंग करणारा पहिला मराठी सिनेमा ठरला आहे. त्यातच तीनच दिवसांतच या सिनेमाने बॉक्स ऑफिसवर चांगली कामगिरी केली असल्याचं चित्र आहे. त्यामुळे साहेबांच्या हिंदुत्वाची ही गोष्ट प्रेक्षकांनाही भावली असल्याचं म्हटलं जातंय.
धर्मवीर -2चं बॉक्स ऑफिस कलेक्शन
सॅनसिल्कच्या अहवालानुसार, धर्मवीर 2 या सिनेमाने पहिल्याच दिवशी 1.74 कोटी रुपयांचा गल्ला जमवला होता. त्यामुळे यंदाच्या वर्षातली सर्वाधिक ओपनिंग करणारा पहिला मराठी सिनेमा ठरला. त्यानंतरच्या शनिवार आणि रविवारही या सिनेमा प्रेक्षकांनी तुफान प्रतिसाद दिल्याचं चित्र पाहायला मिळालं. कारण दुसऱ्याच दिवशी या सिनेमाने 2.35 कोटी रुपयांची कमाई केली. तिसऱ्या दिवशी या सिनेमाने 2.75 कोटी रुपयांचा गल्ला जमावला.
त्यामुळे तीनच दिवसांत या सिनेमाची 6.84 कोटी रुपयांची कमाई झाली आहे. धर्मवीर-2 हा सिनेमा मराठीसह हिंदी भाषेतही प्रदर्शित करण्यात आला आहे. त्याचप्रमाणे हा सिनेमा संपूर्ण देशात प्रदर्शित करण्यात आला आहे.
धर्मवीर-2ची गोष्ट
शिवसेनेचे दिवंगत नेते आनंद दिघे यांच्यावर धर्मवीर हा सिनेमा आधारित आहे. धर्मवीर या सिनेमातही आनंद दिघे यांच्या आयुष्याचा परिचय करुन देण्यात आला होता. त्यानंतर धर्मवीर -2 मध्येही त्यांच्याच आयुष्यातील अनेक गोष्टींचा उलगडा करण्यात आला असल्याचं निर्माते, दिग्दर्शक आणि कलाकारांनी सांगितलं. त्याचप्रमाणे एकनाथ शिंदे यांच्या बंडाची देखील गोष्ट या सिनेमात असल्याचं सांगितलं जात आहे.
View this post on Instagram
ही बातमी वाचा :
महत्त्वाच्या बातम्या
ट्रेंडिंग न्यूज
