Who is Bollywood No. 1 Actor : शाहरुख, आमीर की आणखी कोण? बॉलिवूडचा नंबर वनचा अभिनेता कोण? कास्टिंग डायरेक्टर मुकेश छाब्राने नावच उघड केलं

Mukesh Chhabra Bollywood No. 1 Actor : बॉलिवूडमध्ये सध्या आघाडीचा, नंबर वनवर असलेला अभिनेता कोण याची चर्चा रंगत असते. त्यासाठी वेगवेगळे दावे केले जातात. आता, बॉलिवूडचे प्रसिद्ध कास्टिंग डायरेक्टर मुकेश छाब्रा यांनी यावर भाष्य केले.

Who is Bollywood No. 1 Actor

Source : Other

Mukesh Chhabra Bollywood No. 1 Actor : बॉलिवूडमध्ये सध्या आघाडीचा, नंबर वनवर असलेला अभिनेता कोण याची चर्चा रंगत असते. त्यासाठी वेगवेगळे दावे केले जातात. आता, बॉलिवूडचे प्रसिद्ध कास्टिंग डायरेक्टर मुकेश छाब्रा (Mukesh Chhabra) यांनी यावर भाष्य केले.   मुकेश छाब्रा यांनी अनेक चित्रपटांसाठी कास्टिंग केले आहे. त्यांनी चित्रपटांसाठी केलेले कास्टिंग चांगलेच हिट  ठरले. मुकेश छाब्रा यांनी बॉलिवूडमध्ये सध्या कोणता अभिनेता पहिल्या क्रमांकावर आहे हेदेखील सांगितले.  

'पिंकव्हिला'ला दिलेल्या मुलाखतीत मुकेश छाब्रा यांनी सांगितले की, रणबीर कपूर सध्या बॉलिवूडमधील नंबर वन अभिनेता आहे. छाब्रा यांनी रणबीर कपूरचे कौतुक करताना सांगितले की, सोशल मीडियावर रणबीरचीच हवा आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Chhabra Mukesh Csa (@castingchhabra)

रणबीर कपूर हा नंबर 1 

'पिंकविला'शी बोलताना मुकेश छाब्रा यांनी अनेक गोष्टी शेअर केल्या आणि रणबीर कपूरचे कौतुकही केले. रणबीर कपूरचे कौतुक करताना मुकेश छाब्रा  म्हणाले की, 'मला वाटते रणबीर कपूरचा चार्मच असा आहे की लोक त्याला पाहण्यासाठी  उत्सुक असतात. त्याच्या चित्रपटाची उत्सुकता असते.  मला वाटतं रणबीर कपूर सध्या पहिल्या क्रमांकावर आहे.

रणबीर कपूरचे कौतुक करताना मुकेश छाब्रा यांनी सांगितले की, तो अभिनयात जबरदस्त आहे, तो अप्रतिम दिसतो आणि लोकांना त्याचा डाउन टू अर्थ स्वभाव आवडतो. रणबीरला सार्वजनिक ठिकाणी पाहिल्यास तो सर्वांशी खूप प्रेमाने वागतो, असेही छाब्रा यांनी म्हटले. 

या मुलाखतीत मुकेश छाब्रा यांनी सांगितले की,  पहिल्या क्रमांकाचे स्थान मिळवण्यासाठी रणबीरला अनेक वर्ष लागली पण त्याने करून दाखवलं. 

शाहरुखबद्दल काय म्हणाले छाब्रा?

शाहरुख खानबद्दल मुकेश छाब्रा म्हणाले की, आता त्याच्यासारखे स्टारडम कदाचितच इतर कोणत्या अभिनेत्याला मिळू शकेल. शाहरुखने स्टारडमची गाठलेली उंची ही इतर कोणी कदाचितच गाठू शकेल असे त्याने म्हटले. 

कोण आहे मुकेश छाब्रा?

मुकेश छाब्रा हे अनेक वर्ष सिनेइंडस्ट्रीमध्ये  कास्टिंग डायरेक्टर म्हणून कार्यरत आहेत. त्यांनी काही चित्रपटाचे दिग्दर्शन केले. सुशांत सिंह राजपूतचा शेवटचा चित्रपट दिल बेचारा (2020) याचे दिग्दर्शन त्यांनी केले होते.  त्याशिवाय, 'गँग्स ऑफ वासेपूर', 'रंग दे बसंती', 'हायवे' या सारख्या चित्रपटासाठी कास्टिंग त्यांनी केले होते.