LPG गॅस तुटवड्याची झळ थेट बॉलिवूडपर्यंत; खिलाडी कुमार अन् ट्विंकलची धडधड वाढली, शोधला 'हा' पर्यायी मार्ग, अक्षय म्हणाला...
एलपीजी पुरवठा अचानक बंद झाला किंवा तुटवडा निर्माण झाला तर घरातील स्वयंपाकासाठी पर्यायी व्यवस्था असावी या विचारातून त्यांनी हा निर्णय घेतलाच समजतंय
Akshay Kumar on LPG Gas Cylinder: इराणविरोधात इस्रायल आणि अमेरिकेने सुरू केलेल्या युद्धाचे पडसाद आता थेट भारतीयांच्या स्वयंपाक घरापर्यंत पोहोचले आहेत. आखातात सुरू असलेल्या युद्धाच्या पार्श्वभूमीवर घरगुती गॅसच्या दुसऱ्या सिलेंडरसाठी 15 दिवसांचा कालावधी बदलून 25 दिवसांचा करण्यात आला. केंद्र सरकारने गॅस वितरक कंपन्यांना व्यावसायिक आणि घरगुती गॅस सिलेंडर महिन्यातून एकदाच घेण्याबाबत सूचना दिलेल्या असताना आता गॅस सिलेंडर तुटवड्याची झळ सीनेसृष्टीलाही बसत असल्याचे चित्र आहे. याच पार्श्वभूमीवर अभिनेता अक्षय कुमार आणि पत्नी ट्विंकल खन्ना (Akshay Kumar Twinkle Khanna) यांनी खबरदारीचा उपाय म्हणून दोन इलेक्ट्रिक शेगड्या मागवल्याच्या चर्चा सध्या सुरू आहे. एलपीजी पुरवठा अचानक बंद झाला किंवा तुटवडा निर्माण झाला तर घरातील स्वयंपाकासाठी पर्यायी व्यवस्था असावी या विचारातून त्यांनी हा निर्णय घेतलाच समजतंय. (LPG Gas Cylinder Shortage)
गॅस सिलेंडर तुटवड्याची सिनेसृष्टीला झळ
युद्धाच्या पार्श्वभूमीवर एलपीजी गॅसच्या पुरवठ्यावर होणाऱ्या परिणामांची झळ आता सर्वसामान्यांसोबतच बॉलीवूडपर्यंत पोहोचली आहे. प्रत्येकजण संभाव्य तुटवड्याच्या भीतीने पर्यायी व्यवस्थांची तजवीज करताना दिसत आहे. दरम्यान अभिनेता अक्षय कुमार आणि ट्विंकल खन्नालाही ही भीती भेडसावत असल्याचे चित्र आहे. एलपीजी तुटवड्याच्या भीतीने अक्षय आणि ट्विंकलने दोन इलेक्ट्रिक शेगड्या मागवल्याने आता एलपीजी गॅस तुटवड्याची बॉलीवूडला ही झळ बसल्याची चर्चा आहे. अक्षय म्हणाला, " अजून तरी काही समस्या ओढवलेली नाही. मेरी माझ्या बायकोने सध्या तरी दोन इंडक्शन खरेदी केले आहेत." असं तो म्हणाला.
जागतिक स्तरावर ऊर्जापुरवठ्यावर ताण निर्माण होत असल्याने एलपीजी पेट्रोल डिझेल यासारख्या इंधनाबाबत अनेक देशांमध्ये चिंता वाढली आहे. सिलेंडरच्या उपलब्धतेबाबत चर्चा सुरू झाली आहे. सोशल मीडियावरही या संदर्भात वेगवेगळ्या प्रतिक्रिया बघायला मिळत आहेत. दरम्यान संभाव्य तुटवड्याच्या भीतीने अनेक लोक पर्यायी व्यवस्थांकडे वळताना दिसतायत. इलेक्ट्रिक शेगड्या इंडक्शन कुकट टॉप यांची मागणी वाढत असल्याची माहिती ही समोर येत आहे.गॅस पुरवठा खंडित होण्याची भीती सर्वसामान्यांपासून ते आता बॉलीवूडपर्यंतही पोहोचलीये.यापुढे परिस्थिती कशी राहणारी याकडे सर्वांचेच लक्ष आहे.
हॉटेल व्यवसायांना सिलेंडर मिळेना
सध्या देशात एलपीजी गॅसच्या तुटवड्याची परिस्थिती जाणवत असल्याने त्याचा मोठा परिणाम हॉटेल उद्योगांवरही बसलाय. कमर्शियल एलपीजी गॅसचे दर 150 ते 200 रुपयांनी वाढले आहेत. अनेक हॉटेल व्यवसायिकांनी गॅसचा वापर टाळण्याच्या सूचना केल्या आहेत. अनेकांना हॉटेल व्यवसाय बंद करण्याची वेळ आली आहे. कमर्शियल एलपीजी गॅस पूर्णपणे बंद असल्यामुळे हॉटेल्समध्ये स्वयंपाकासाठी गॅस उपलब्ध नाही. परिणामी कामकाजावर गंभीर अडथळा निर्माण झाला आहे.
महत्त्वाच्या बातम्या
