![ABP Premium](https://cdn.abplive.com/imagebank/Premium-ad-Icon.png)
Web Series Release On OTT In July : जुलै महिन्यात 'मिर्झापूर 3' सह ओटीटीवर रिलीज होणार 'या' धमाकेदार वेब सीरिज
Web Series Release On OTT In July 2024 : काही वेब सीरिजची उत्सुकता आधीच शिगेला पोहचली होती. वेब सीरिज प्रेमींसाठी पुढील महिना धमाकेदार असणार आहे.
![Web Series Release On OTT In July : जुलै महिन्यात 'मिर्झापूर 3' सह ओटीटीवर रिलीज होणार 'या' धमाकेदार वेब सीरिज Web Series Release On OTT In July 2024 Mirzapur Season 3 commander karan saxena pill web series where when to watch on which ott platform Web Series Release On OTT In July : जुलै महिन्यात 'मिर्झापूर 3' सह ओटीटीवर रिलीज होणार 'या' धमाकेदार वेब सीरिज](https://feeds.abplive.com/onecms/images/uploaded-images/2024/06/29/2a691af6ee7f8699a8f3babbe2b419881719646319587290_original.jpg?impolicy=abp_cdn&imwidth=1200&height=675)
Web Series Release On OTT In July 2024 : जुलै महिन्यात ओटीटी प्लॅटफॉर्मवर अनेक वेब सीरिज, चित्रपट रिलीज होणार आहेत. यामध्ये काही वेब सीरिजची उत्सुकता आधीच शिगेला पोहचली होती. वेब सीरिज प्रेमींसाठी पुढील महिना धमाकेदार असणार आहे.
OTT प्लॅटफॉर्मला प्रेक्षकांचा चांगला प्रतिसाद मिळत आहे. घरबसल्या चित्रपट, वेब सीरिज हव्या त्या वेळेला पाहता येत असल्याने अनेकांची ओटीटीला पसंती आहे. प्रेक्षकांचा वाढता कल पाहून ओटीटीवर रिॲलिटी शोही येऊ लागले आहेत. जून महिना ओटीटी प्रेमींसाठी चांगला होता. जुलै महिन्यातही ओटीटीवर धमाकेदार वेब सीरिज रिलीज होणार आहे.
मिर्झापूर -3
मिर्झापूर या गाजलेल्या वेब सीरिजचा तिसरा सीझन प्रेक्षकांच्या भेटीला येणार आहे. 5 जुलैपासून ही वेब सीरिजचे स्ट्रीमिंग होणार आहे. प्राईम व्हिडीओवर ही वेब सीरिज पाहता येणार.
कमांडर करण सक्सेना
गुरमीत चौधरीची मुख्य भूमिका असलेली 'कमांडर करण सक्सेना'ही वेब सीरिज प्रेक्षकांच्या भेटीला येणार आहे. हा एक अॅक्शन ड्रामा आहे. मराठी अभिनेत्री हृता दुर्गुळे या वेब सीरिजच्या माध्यमातून ओटीटीवर पदार्पण करणार आहे. 8 जुलैपासून डिस्नी हॉटस्टारवर ही वेब सीरिज स्ट्रीम होणार आहे.
पिल
अभिनेता रितेश देशमुखची मुख्य भूमिका असलेली ही वेब सीरिज प्रेक्षकांच्या भेटीला येणार आहे. या वेब सीरिजच्या माध्यमातून रितेश ओटीटीवर पदार्पण करणार आहे. ही वेब सीरिज 12 जुलैपासून जिओ सिनेमावर प्रेक्षकांच्या भेटीला येणार आहे.
शो टाइम पार्ट 2
इम्रान हाश्मी आणि मौनी रॉय यांच्या मालिका शोटाइम पार्ट 2 चे काही एपिसोड यापूर्वी रिलीज झाले होते. त्याचे काही एपिसोड आता 12 जुलै रोजी हॉटस्टारवर प्रदर्शित होणार आहेत.
हाऊस ऑफ ड्रॅगन सीझन 2
हाऊस ऑफ ड्रॅगन सीझन 2 चा एक एपिसोड दर आठवड्याला रिलीज होतो. त्याचा पुढचा भाग हॉटस्टारवर 3 जुलै रोजी प्रदर्शित होणार आहे.
द बॉईज
अॅक्शन कॉमेडी ड्रामा सीरिज द बॉईज या वेब सीरिजचा चौथा सीझन 18 जुलै रोजी प्राईम व्हिडीओपासून स्ट्रीम होणार आहे.
36 डेज्
अभिनेत्री नेहा शर्मा आणि श्रुती सेठ यांची मुख्य भूमिका असलेली 36 डेज् ही वेब सीरिज 12 जुलै पासून सोनी लिव्ह या ओटीटी अॅपवर पाहता येईल.
इतर संबंधित बातमी :
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)