Filmfare Award: 'भ्रष्ट, अनैतिक आणि...'; विवेक अग्निहोत्री यांनी ट्वीट शेअर करत फिल्मफेअर अवॉर्ड्सवर साधला निशाणा

विवेक अग्निहोत्री (Vivek Agnihotri) यांनी नुकतेच एक ट्वीट शेअर करुन फिल्मफेअर पुरस्कार सोहळ्यावर (Filmfare Awards 2023) निशाणा साधला आहे.

Vivek Agnihotri

Vivek Agnihotri On Film Fare Award 2023: फिल्मफेअर पुरस्कार 2023 (Filmfare Awards 2023) हा सोहळा लवकरच पार पडणार आहे. या पुरस्कारसाठी नामांकित झालेल्या चित्रपटांची यादी काही दिवसांपूर्वी जाहीर करण्यात आली आहे. आता प्रसिद्ध दिग्दर्शक विवेक अग्निहोत्री (Vivek Agnihotri) यांनी नुकतेच एक ट्वीट शेअर करुन फिल्मफेअर पुरस्कार सोहळ्यावर निशाणा साधला आहे. विवेक अग्निहोत्री हे फिल्मफेअर अवॉर्ड्स 2023  बॉयकॉट करणार आहेत.  फिल्मफेअर  पुरस्कार सोहळ्याला हजेरी लावणार नाही, असं विवेक यांनी ट्वीट शेअर करुन चाहत्यांना सांगितलं. 

विवेक अग्निहोत्री यांचे ट्वीट 

विवेक अग्निहोत्री यांनी ट्वीटमध्ये एक फोटो शेअर केला. या फोटोमध्ये द कश्मीर फाइल्स, गंगूबाई काठियावाड़ी, ब्रह्मास्त्र, भूल भुलैया 2, बधाई हो 2  आणि  ऊंचाई  या फिल्मफेअर अवॉर्ड्सचं नामांकन मिळालेल्या चित्रपटांचे पोस्टर दिसत आहे.  विवेक अग्निहोत्री यांनी या ट्वीटमध्ये लिहिलं,  'मला मीडियाकडून कळले की, द कश्मीर फाईल्स या चित्रपटाला 68 व्या फिल्मफेअर पुरस्कार सोहळ्यातील 7 श्रेणींमध्ये नामांकित करण्यात आलं आहे. पण मी नम्रपणे सांगतो की, या अनैतिक आणि सिनेमाविरोधी पुरस्कार सोहळ्यामध्ये मी  सहभागी होणार नाही. त्याची कारणं मी पुढे सांगत आहे.'

ANNOUNCEMENT:
FILMFARE AWARDS

I learnt from media that #TheKashmirFiles is nominated in 7 categories for the 68th Filmfare Awards. But I politely refuse to be part of these unethical and anti-cinema awards. Here is why:

According to Filmfare, other than the stars, nobody has… pic.twitter.com/2qKCiZ8Llh

— Vivek Ranjan Agnihotri (@vivekagnihotri) April 27, 2023

ट्वीटमध्ये विवेक अग्निहोत्री यांनी  68 व्या फिल्मफेअर पुरस्कार सोहळ्यात सहभागी न होण्याचं कारण  सांगितलं आहे. या ट्वीटमध्ये त्यांनी लिहिलं,  फिल्मफेअरच्या मते, स्टार्सशिवाय इतर  कोणीही महत्वाचे नाही. स्टार्सशिवाय इतर लोकांचा कुणाला काही फरक पडत नाही. म्हणूनच, फिल्मफेअरच्या  अनैतिक जगात संजय भन्साळी किंवा सूरज बडजात्यासारख्या मास्टर डायरेक्टर्सना महत्व नाही. संजय भन्साळीची ओळख  आलिया भट्ट आहे, तर सूरज यांची ओळख  मिस्टर बच्चन आहेत.  फिल्मफेअर अवॉर्ड्सवरुनच चित्रपट निर्मात्यांची  प्रतिष्ठा ठरवली जाते, असे नाही पण ही अपमानास्पद व्यवस्था संपली पाहिजे. म्हणून, बॉलिवूडमधील भ्रष्ट, अनैतिक आणि गुंड प्रवृत्तीच्या विरोधात माझा निषेध आणि नाराजी व्यक्त करण्यासाठी मी असे पुरस्कार न स्वीकारण्याचा निर्णय घेतला आहे. '

पुढे विविके यांनी ट्वीटमध्ये लिहिलं, 'कोणत्याही भ्रष्ट व्यवस्थेचा किंवा पुरस्कारांचा भाग होण्यास नकार देतो जे लेखक, दिग्दर्शक आणि चित्रपटाच्या क्रू सदस्यांना स्टार्सपेक्षा कमी वागणूक देतात. जे पुरस्कार जिंकले त्या सर्वांचे मी अभिनंदन करतो आणि जे पुरस्कार नाही जिंकले त्यांचे देखील अभिनंदन करतो.' विवेक अग्निहोत्री यांनी ट्वीटमध्ये दुष्यंत कुमार यांची एक कविता देखील शेअर केली आहे.

वाचा इतर महत्वाच्या बातम्या: