Mukesh Khanna Demands To Remove Jana Gana Mana: 'राष्ट्रगीताचा दर्जा 'वंदे मातरम्'ला द्या...', 'शक्तिमान' फेम मुकेश खन्ना यांची 'जन गण मन' हटवण्याची मागणी
Mukesh Khanna Demands To Remove Jana Gana Mana: आपल्या देशाचं राष्ट्रगीत असलेल्या 'जन गण मन' ऐवजी, 'वंदे मातरम्'चा राष्ट्रगीत म्हणून स्वीकार केला जावा, अशी मागणी अभिनेते मुकेश खन्ना यांनी केली आहे.
Mukesh Khanna Demands To Remove Jana Gana Mana: 'शक्तिमान' (Shaktimaan) फेम अभिनेते मुकेश खन्ना (Mukesh Khanna) गेल्या काही दिवसांपासून आपल्या रोखठोक वक्तव्यांमुळे भलतेच चर्चेत आहेत. मुकेश खन्ना (Mukesh Khanna Controversial Statement) यांच्या वादग्रस्त वक्तव्यामुळे ते अनेकदा वादाच्या भोवऱ्यात अडकले आहेत. अशातच आधीच्याच वक्तव्यांमुळे चर्चेत असतानाच आता त्यांनी आणखी एक धक्कादायक वक्तव्य केलंय. सध्या आपल्या देशाचं राष्ट्रगीत असलेल्या 'जन गण मन' (Jana Gana Mana) ऐवजी, 'वंदे मातरम्'चा (Vande Mataram) राष्ट्रगीत म्हणून स्वीकार केला जावा, अशी मागणी अभिनेते मुकेश खन्ना यांनी केली आहे. 'जन गण मन' हे आपलं नसल्यामुळे ते लवकरात लवकर रद्द केलं जावं, असा ठाम दावाही त्यांनी यावेळी बोलताना केलाय.
'आयएएनएस' (IANS) ला दिलेल्या मुलाखतीत बोलताना मुकेश खन्ना यांनी असा दावा केलाय की, 'जन गण मन' हे राणी एलिझाबेथ यांच्या सन्मानार्थ लिहिलं गेलंय आणि ते भारताचं खरं राष्ट्रगीत नाही... त्याऐवजी तो दर्जा 'वंदे मातरम्'ला मिळायला हवा, जे लता मंगेशकर (Lata Mangeshkar) यांनी गायलेलं प्रसिद्ध गीत आहे. खन्ना यांनी हे देखील सांगितलंय की, त्यांनी दोन वर्षांपूर्वी 'वंदे मातरम्'चं एक व्हर्जन रेकॉर्ड केलं होतं आणि ते लवकरच प्रदर्शित करण्याची त्यांची योजना आहे.
मुकेश खन्ना 'जन गण मन'बाबत नेमकं काय म्हणाले? (Mukesh Khanna On Jana Gana Mana)
अभिनेते मुकेश खन्ना म्हणाले की, "तीन वर्षांपूर्वी मी म्हटलेलं की 'वंदे मातरम' हेच राष्ट्रगीत असायला हवं... 'जन गण मन' हे आपलं नाही, रवींद्रनाथ टागोर यांनी राणी एलिझाबेथच्या राजवटीत त्यांच्या सन्मानार्थ ते स्तुतिगीत लिहिलेलं आणि आपण ते केवळ स्वीकारलंय... 'भाग्यविधाता पंजाब सिंध' यांसारखे शब्दप्रयोग, ते काही आपले नाहीत... लताजींनी गायलेलं 'वंदे मातरम्' हेच खऱ्या अर्थानं आपलं आहे..."
Mumbai, Maharashtra: On the National Song Vande Mataram being rendered during the Independence Day celebrations at the Red Fort for the first time, Actor Mukesh Khanna says, "I had said this three years ago as well; Vande Mataram should be made the national song. Jana Gana Mana… pic.twitter.com/aGo7pmzVhF
— IANS (@ians_india) August 15, 2026
मुकेश खन्ना यांनी स्वतःही केलंय 'वंदे मातरम्'चं रेकॉर्डिंग (Mukesh Khanna On Vande Mataram)
'वंदे मातरम्'ला महत्त्व प्राप्त करून देण्यासाठी आणि त्याला योग्य स्थान मिळवून देण्यासाठी पुढाकार घेतल्याबद्दल मुकेश खन्ना यांनी पंतप्रधान नरेंद्र मोदींची प्रशंसा केली. ते म्हणाले की, "मी कल्याणजी-आनंदजी जोडीसोबत हे गाणं रेकॉर्ड करण्यासाठी पुढाकार घेतला, हे गाणं गेल्या दोन वर्षांपासून माझ्याकडे आहे... मी 'वंदे मातरम्'चं सात मिनिटांचं एक असं व्हर्जन रेकॉर्ड केलंय, जे निश्चितच अजरामर ठरेल... माझी अशी इच्छा आहे की, 'जन गण मन' हटवून त्याच्या जागी लवकरात लवकर 'वंदे मातरम्'चा स्वीकार केला जावा..."
एका वर्षांत रिलीज करणार स्वतःच्या आवाजातलं 'वंदे मातरम्' (Mukesh Khanna Demands To Remove Jana Gana Mana)
मुकेश खन्ना म्हणाले की, "मोदीजींनी या प्रक्रियेला गती दिलीय... आता प्रत्येक शाळेत आणि प्रत्येक कार्यक्रमात 'वंदे मातरम्' गायलं जाईल, आणि तेही केवळ तीन किंवा चार कडवी नव्हे, तर सर्व सातही कडवी... ज्यात पूर्वी आक्षेपांमुळे वगळण्यात आलेल्या कडव्यांचाही समावेश असेल... 'वंदे मातरम्'चं हे पुनरागमन पाहून मला आनंद होतोय... मी स्वतःही या गाण्याचं माझं स्वतःचं एक व्हर्जन तयार करून ते याच वर्षात प्रदर्शित करण्याचा विचार करतोय..."
समय रैनावरची टीका भोवली, मुकेश खन्ना वादाच्या भोवऱ्यात (Mukesh Khanna On Samay Raina)
समय रैनावर टीका केल्यामुळे मुकेश खन्ना अलीकडेच वादाच्या भोवऱ्यात सापडलेले. समयची भाषा आणि त्याच्या शोमधील मजकूर यांच्यावर टीका करताना खन्ना यांनी म्हटलं होतं की, त्याचं तोंड काळं करून त्याची गाढवावरून धिंड काढली जावी... समय रैनानं त्याच्या शोमध्ये खन्ना यांना रोस्ट केल्यानंतर त्यांनी हे वक्तव्य केलेलं. मात्र, अवघ्या काही महिन्यांनंतरच हे दोघे एका जाहिरातीत एकत्र दिसले, ज्यामुळे लोकांची फसवणूक झाल्याची भावना निर्माण झाली, त्यानंतर अनेकांनी मुकेश खन्ना यांच्यावर कडक शब्दांत टीका केलेली.
महत्त्वाच्या इतर बातम्या :
महत्त्वाच्या बातम्या
