(Source: ECI/ABP News/ABP Majha)
'जब वी मेट'ची 'गीत' सापडली... करिनाच्या कार्बन कॉपीचा 'नगाडा' गाण्यावर डान्स, व्हिडीओ व्हायरल
Viral Video: करिना कपूरसारख्या दिसणाऱ्या मुलीने 'जब वी मेट' चित्रपटातील 'गीत' या भूमिकेचा लूक कॉपी केला असून 'नगाडा नगाडा' या गाण्यावर डान्स केला. त्याचा व्हिडीओ सोशल मीडियावर व्हायरल होत आहे.
Kareena Kapoor: प्रत्येक चित्रपटात असं एखादं कॅरेक्टर असतं जे सर्वांच्या लक्षात राहतं, जे सर्वांनाच खूप जवळच वाटतं. 2007 मध्ये रिलीजल झालेल्या 'जब वी मेट' (Jab We Met) या चित्रपटामधील करिना कपूरचं (Kareena Kapoor)'गीत' हे कॅरेक्टर त्यापैकीच एक. आतापर्यंत अनेक चाहत्यांनी गीतच्या भूमिकेची मिमिक्री केल्याचं दिसून येतंय. तिच्यासारखे कपडे, तिच्यासारखे डायलॉग मारलेले दिसतात. पण कधीकधी असे काही कार्बन कॉपी असतात की ते समोर आल्यानंतर खरोखरच ती अभिनेत्री समोर आल्याचा भास होतो. करिना कपूरसारखी दिसणारी एक तरुणीने 'नगाडा नगाडा' (Nagada Nagada) या गाण्यावर भन्नाट डान्स केला आहे. पण ती एवढी सेम टू सेम दिसतेय, सेम टू सेम नाचतेय की तिच करिना असल्याचा भास होतोय. त्यामुळे पाहणारेही काही सेकंद गोंधळात पडतात.
करिना कपूरची कार्बन कॉपी: Kareena Kapoor
सोशल मीडियावर व्हायरल होणारा हा व्हिडीओमध्ये इंस्टाग्रामवरील एका कॉन्टेंट क्रिएटरने 'जब वी मेट' मधल्या गीतसारखे कपडे घातले आहे आणि ती 'नगाडा नगाडा' या गाण्यावर डान्स करत आहे. या इंस्टाग्राम कॉन्टेंट क्रिएटरच नाव अस्मिता गुप्ता. या तरुणीने गीतसारखाच पंजाबी ड्रेस घातला असून मेकअप आणि हेअर स्टाईलसुद्धा अगदी सारखी केली आहे. अस्मिता गुप्ताने या आधीसुद्धा करिना कपूरच्या अनेक भूमिकांची मिमिक्री करतांनाचे व्हिडीओ आपल्या सोशल मिडीयावर शेअर केले आहे.
View this post on Instagram
Viral Video: या व्हिडीओला चाहत्यांच भरभरुन प्रेम
अस्मिताने या डान्सचा व्हिडीओ काही दिवसांपूर्वी इंस्टाग्रामवर शेअर केला होता. आतापर्यंत हा व्हिडीओ 60 लाख लोकांनी पाहिला आहे. तर चार लाखांहून जास्त लोकांनी व्हिडीओला लाईक केलं आहे. तसेच अनेकांनी कमेंट केल्या आहेत.
सोशल मीडियावर 'या' सेलिब्रिटींचेसुद्धा डमी
करिना कपूर प्रमाणेच शाहरुख खान (Shahrukh Khan), सलमान खान (Salman Khan), दिपीका पादुकोन (Deepika Padukone), प्रियंका चोप्रा (Priyanka Chopra),आलिया भट (Alia Bhatt) अशा अनेक सेलिब्रिटींचे डमी आपल्याला सोशल मीडियावर सेलिब्रिटिंची मिमिक्री करताना दिसतात.
ही बातमी वाचा:
महत्त्वाच्या बातम्या
ट्रेंडिंग न्यूज
