Don 3 : इंडस्ट्री सोडण्याच्या तयारी असलेल्या विक्रांत मेस्सीची डॉन 3 मध्ये एन्ट्री, रणवीर सिंहला भिडणार
Don 3 : डॉन 3 विक्रांत मेस्सी खलनायकाच्या भूमिकेत दिसणार आहे. रणवीर सिंह या चित्रपटात मुख्य भूमिकेत दिसणार आहे.
Don 3 Latest Update : बॉलिवूडमध्ये एकीकडे नेपोटिझमचा बोलबाला चालत असताना काही कलाकार असे आहे, जे त्यांच्या कौशल्याच्या बळावर इंडस्ट्रीमध्ये तग धरुन उभे आहेत, ज्यांनी प्रेक्षकांच्या मनात स्वत:चं वेगळं स्थान निर्माण केलं आहे. अशाच कलाकारांमधील एक टॅलेंटेड व्यक्ती म्हणजे अभिनेता विक्रांत मेस्सी. 12 वी फेल, द साबरमती रिपोर्ट चित्रपटांमध्ये विक्रांतने त्याचं अभिनय कौशल्य दाखवून दिलं आहे. यासाठी त्याला वेळोवेळी प्रेक्षकांकडून कौतुकाची थाप मिळाली. आता विक्रांत मेस्सीची वर्णी फिल्म इंडस्ट्रीमधील सर्वात मोठ्या फ्रेंचायझीच्या चित्रपटात लागली आहे. डॉन 3 चित्रपटात आता विक्रात मेस्सी खलनायकाच्या रुपात दिसणार आहे.
विक्रांत मेस्सीची डॉन 3 मध्ये एन्ट्री
काही दिवसांपूर्वी फिल्म इंडस्ट्रीतून सोडणार असं वक्तव्य करणारा विक्रात मेस्सी आता डॉन फ्रेंचायझीच्या आगामी चित्रपटात झळकणार आहे. डॉन 3 चित्रपटात आता विक्रांत मेस्सीची एन्ट्री झाली आहे. डॉन 3 मध्ये विक्रांत व्हिलनच्या भूमिकेत दिसणार आहे. काही दिवसांपूर्वी समोर आलं होतं की, फरहान अख्तरच्या डॉन 3 चित्रपटात विक्रांत मेस्सीची वर्णी लागू शकते. आता या बातमीवर शिक्कामोर्तब झाला आहे. विक्रांत मेस्सी डॉन 3 मध्ये खलनायकाची भूमिका साकारणार आहे. या चित्रपटात अभिनेता रणवीर सिंह मुख्य भूमिकेत दिसणार आहे.
विक्रांत मेस्सी रणवीर सिंहला भिडणार
सूत्रांनी दिलेल्या माहितीनुसार, 'डॉन 3' मध्ये अभिनेता रणवीर सिंह याच्याविरोधात अभिनेता विक्रांत मेस्सी झळकणार आहे. या चित्रपटात विक्रांत मेस्सी एका शक्तिशाली आणि धोकादायक खलनायकाच्या भूमिकेत दिसणार आहे. विक्रांतचं पात्र रणवीर सिंहच्या 'डॉन' पात्राला कठोर आव्हान देईल. डॉन 3 मध्ये विक्रांत मेस्सीची वर्णी लागल्याची अधिकृत घोषणा निर्माते लवकरच करू शकतात. ही बातमी समोर आल्यानंतर, यानंतर विक्रांतचे चाहते खूप उत्सुक आहेत. त्याला नवीन भूमिकेत पाहण्यासाठी चाहत्यांची उत्कंठा शिगेला पोहोचली आहे.
शाहरुख खानच्या जागी रणवीर सिंह
'डॉन 3' चित्रपटाच्या दिग्दर्शनाची जबाबदारी फरहान अख्तरच्या खांद्यावर आहे, यापूर्वी त्याने 'डॉन' फ्रँचायझीचे दोन्ही चित्रपट दिग्दर्शित केले आहेत. डॉन ही बॉलिवूडची सुपरहिट फ्रेंचायझी आहे, त्यामुळे डॉन 3 चित्रपटाकडून चाहत्यांना खूप अपेक्षा आहेत. शाहरुख खाननंतर आता रणवीर सिंह ही डॉनची भूमिका साकारत फ्रेंचायझी पुढे नेत आहे. या चित्रपटात रणवीरसोबत कियारा अडवाणीची भूमिकेत दिसणार आहे. कियारा पहिल्यांदाच या मोठ्या अॅक्शन-थ्रिलर चित्रपटात दिसणार आहे. मीडिया रिपोर्ट्सनुसार, लवकरच डॉन 3 चित्रपटाचे चित्रीकरण सुरू करण्यात येणार आहेत आणि रणवीरचा फर्स्ट लूकही समोर आला आहे.
'12वी फेल' चित्रपटातून खरी ओळख मिळाली
अभिनेता विक्रांत मेस्सीने अलीकडेच 'द साबरमती रिपोर्ट' चित्रपटात झळकला होता. या चित्रपटातील त्यांच्या उत्कृष्ट अभिनयाचं सर्वत्र कौतुक झालं. '12वी फेल' चित्रपटातून त्याला खरी ओळख मिळाली. हा चित्रपट बॉक्स ऑफिसवर ब्लॉकबस्टर ठरला. या चित्रपटात त्याने बिहारमधील एका गरीब मुलाची संघर्षकथा अतिशय प्रभावीपणे मांडली आहे. याशिवाय, त्याने 'सेक्टर 36' मालिकेतही आपल्या दमदार अभिनयाने प्रेक्षकांची मने जिंकली.
महत्त्वाच्या इतर बातम्या :
Rakhi Sawant : 'ड्रामा क्वीन' राखी सावंत तिसऱ्यांदा लग्न करणार, पाकिस्तानी अभिनेत्यासोबत बांधणार लग्नगाठ; पाकिस्तानात पार पडणार शाही विवाहसोहळा
Before You Go
Arjun Tendulkar Weds Saaniya Chandhok : अर्जुन-सानिया लग्नबंधनात ! स्टायलिश लूकने वेधलं लक्ष
महत्त्वाच्या बातम्या
