Upcoming Web Series and Movies : 'या' वेब सीरिज आणि चित्रपट फेब्रुवारी महिन्यात वाढवणार OTTचं तापमान
Upcoming Web Series and Movies : फेब्रुवारी महिन्यात तुमचे मनोरंजन करणाऱ्या चित्रपट आणि वेब सीरिजची यादी पाहा.
Upcoming Web Series and Movies : कोरोनामुळे तुम्ही आवडते चित्रपट थिएटरमध्ये पाहू शकत नसला तरी, ओटीटीने (OTT) तुमच्या मनोरंजनाची उत्तम सोय केलेली आहे. अनेक दिवसांपासून प्रदर्शित होण्यासाठी आसुसलेले चित्रपट आता लवकरच प्रेक्षकांच्या भेटीला येणार आहेत. मात्र, काही चित्रपट थिएटरमध्ये तर काही ओटीटी प्लॅटफॉर्मवर प्रदर्शित होणार आहेत. अशा परिस्थितीत आम्ही फेब्रुवारी महिन्यात तुमच्या मनोरंजनासाठी येणाऱ्या चित्रपट आणि वेब सीरिजची यादी घेऊन आलो आहोत.
लूप लपेटा (Looop Lapeta) : हा चित्रपट फेब्रुवारीच्या पहिल्या शुक्रवारी म्हणजेच 4 फेब्रुवारीला नेटफ्लिक्सवर प्रदर्शित होणार आहे. चित्रपटात तापसी पन्नू आणि ताहिर राज भसीन मुख्य भूमिकेत आहेत. हा चित्रपट 1998 मध्ये आलेल्या जर्मन चित्रपट 'रन लोला रन'चा अधिकृत हिंदी रिमेक आहे.
द ग्रेट इंडियन मर्डर (The Great Indian Murder) : ही थ्रिलर वेब सिरीज डिस्नी प्लस हॉटस्टारवर फेब्रुवारी महिन्यात प्रदर्शित होत आहे. या रहस्यमय - राजकीय मालिकेचे दिग्दर्शन तिग्मांशु धुलिया यांनी केले आहे, यात प्रतीक गांधी, रघुबीर यादव, रिचा चढ्ढा, आशुतोष राणा, शशांक अरोरा, शारीब हाश्मी, एमी वाघ आणि जतिन गोस्वामी यांच्या प्रमुख भूमिका आहेत. ही मालिका हिंदी व्यतिरिक्त तामिळ, मल्याळम, तेलुगू, बंगाली आणि कन्नड भाषांमध्येही प्रसारित केली जाईल.
रॉकेट बॉईज (Racket Boys) : ही मालिका 4 फेब्रुवारी रोजी सोनी-लिव्हवर रिलीज होईल. ही एक बायोपिक वेब सीरिज आहे जी भारतीय अंतराळ संशोधक आणि शास्त्रज्ञ डॉ. होमी जहांगीर भाभा आणि डॉ. विक्रम साराभाई यांचे जीवन दर्शवेल.
गेहरायां (Gehraiyaan) : दीपिका पदुकोण, सिद्धांत चतुर्वेदी, धैर्य करवा आणि अनन्या पांडे यांच्या या चित्रपटाची प्रेक्षक आतुरतेने वाट पाहत आहेत. हा चित्रपट 11 फेब्रुवारी रोजी Amazon Prime Video वर प्रदर्शित होईल. शकुन बत्रा यांनी या चित्रपटाचे दिग्दर्शन केले आहे.
द फेम गेम (The Fame Game) : माधुरी दीक्षित आणि संजय कपूर यांची ही वेब सीरिज नेटफ्लिक्सवर प्रदर्शित होणार आहे. या वेब सीरिजतून माधुरी ओटीटीवर डेब्यू करणार आहे.
संबंधित बातम्या :
- Nia Sharma : 'पैशांसाठी कराव्या लागतात विणवण्या'; नियानं सांगितला स्ट्रगलचा अनुभव
- Alka Kubal : लेकीसाठी मागवलेल्या दुधाचे पैसे परत करण्यासाठी जेव्हा अलका कुबल अर्ध्या रस्त्यातून परत जातात.. वाचा किस्सा
- Mahima Chaudhry : महिमा चौधरीच्या चेहऱ्यामध्ये रूतले होते 67 काचेचे तुकडे; सांगितला धक्कादायक अनुभव
- Beast ते KGF 2 पर्यंत 'हे' दाक्षिणात्य सिनेमे लवकरच होणार प्रदर्शित, जाणून घ्या रिलीज डेट्स
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha
महत्त्वाच्या बातम्या
ट्रेंडिंग न्यूज
