Abhishek Bachchan Aishwarya Rai : अभिषेक बच्चन आणि ऐश्वर्या राय यांच्यात बिनसलं? घटस्फोटाच्या चर्चांना उधाण

Abhishek Bachchan Aishwarya Rai : अभिषेक बच्चन आणि ऐश्वर्या राय यांच्यात बिनसलं असून ते लवकरच घटस्फोट घेणार असल्याच्या चर्चांना सुरुवात झाली आहे.

Abhishek Bachchan Aishwarya Rai

Abhishek Bachchan Aishwarya Rai Divorced : बॉलिवूड अभिनेता अभिषेक बच्चन (Abhishek Bachchan) आणि ऐश्वर्या राय (Aishwarya Rai) यांच्यात बिनसलं असून ते आता लवकरच घटस्फोट घेणार असल्याच्या चर्चांना सुरुवात झाली आहे. तर दुसरीकडे त्यांच्यात बिनसलं नसल्याचीदेखील चर्चा आहे. त्यामुळे चाहते आता गोंधळात पडले आहेत.

नेमकं प्रकरण काय? 

गेल्या काही दिवसांपूर्वी नीता मुकेश अंबानी कल्चरल सेंटरचा उद्धाटन सोहळा पार पडला. या सोहळ्यात ऐश्वर्या राय बच्चन लेक आराध्यासह उपस्थित होती. पण अभिषेक बच्चनने या भव्यदिव्य सोहळ्यात हजेरी लावली नव्हती. याच कारणाने आता ऐश्वर्या राय आणि अभिषेक बच्चन यांच्यात बिनसलं असल्याच्या चर्चांना सुरुवात झाली आहे. तसेच ते लवकरच घटस्फोट घेणार असल्याचीदेखील चर्चा आहे. 

अभिषेक बच्चन आणि ऐश्वर्या राय 2007 साली लग्नबंधनात अडकले. त्यानंतर 2011 साली ऐश्वर्याने आराध्याला जन्म दिला. पण गेल्या काही दिवसांपासून अभिषेक आणि ऐश्वर्यामध्ये दुरावा आल्याची चर्चा आहे. तसेच ऐश्वर्या आणि आराध्या वेगळं राहत असल्याचंदेखील म्हटलं जात आहे. अद्याप त्यांच्या नात्याबद्दल दोघांनीही अधिकृतरित्या भाष्य केलेलं नाही. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Shreya Bollywood 💫 (@bollywoodgalaxy_)

ऐश्वर्या आणि अभिषेकमध्ये बिनसलं असल्याची चर्चा याआधीदेखील झाली आहे. सुभाष घई यांच्या पार्टीतील अभिषेक आणि ऐश्वर्याचा एक व्हिडीओ व्हायरल झाला होता. या व्हिडीओमध्ये ऐश्वर्या अभिषेकवर रागावलेली दिसत होती. त्याआधीदेखील मनीष मल्होत्राच्या दिवाळी पार्टीतील एक व्हिडीओ सोशल मीडियावर व्हायरल झाला होता. त्या व्हिडीओमध्ये ऐश्वर्या अभिषेककडे रागाने पाहताना दिसत होती. या व्हिडीओवर 'अनहॅपी रिलेशनशिप' अशा कमेंट्स चाहत्यांनी केल्या होत्या. 

अभिषेक बच्चन आणि ऐश्वर्या राय नेहमीच एकमेकांना खंबीर पाठींबा देताना दिसले आहेत. या 15 वर्षांच्या सोबतीत त्यांनी मिळून आयुष्यातील अनेक चढ-उतारांचा सामना केला आहे. आजही ही जोडी मनोरंजन विश्वातल्या आदर्श जोडप्यांपैकी एक म्हणून ओळखली जाते. अभिषेक आणि ऐश्वर्याचा शाही विवाहसोहळा पार पडला होता. त्यांच्या भव्य लग्नसोहळ्यात अवघं बॉलिवूड विश्व अवतरलं होतं. दोघांचाही मोठा चाहतावर्ग असून दोघांच्याही नात्यात आलेला दुरावा कमी व्हावा अशी इच्छा चाहते व्यक्त करत आहेत.

संबंधित बातम्या