Tiger 3 Box Office Collection : 'वर्ल्ड कप 2023'चा सलमान खानला मोठा फटका; वीकेंड असूनही 'टायगर 3'च्या कमाईत घसरण
Tiger 3 : सलमान खानच्या 'टायगर 3' या सिनेमाला 'वर्ल्ड कप 2023'चा (World Cup 2023) मोठा फटका बसला आहे.
Tiger 3 Box Office Collection : सलमान खान (Salman Khan), कतरिना कैफ (Katrina Kaif) आणि इमरान हाशमी (Emraan Hashmi) यांचा 'टायगर 3' (Tiger 3) हा सिनेमा बॉक्स ऑफिसवर धमाका करत आहे. पण 'टायगर 3'ला 'वर्ल्ड कप 2023'चा (World Cup 2023) मोठा फटका बसला आहे. भारत विरुद्ध ऑस्ट्रेलिया (IND vs Aus) सामना असल्याने वीकेंड असूनही 'टायगर 3'ला प्रेक्षकांचा सकारात्मक प्रतिसाद मिळाला नाही.
'टायगर 3' हा सिनेमा दिवाळीच्या मुहूर्तावर रिलीज करण्यात आला. दिवाळीत सिनेमागृहात या सिनेमाने चांगलाच धमाका केला आहे. रिलीजच्या पहिल्या दिवसापासून या सिनेमाला प्रेक्षकांचा चांगला प्रतिसाद मिळत आहे. पण रिलीजच्या दुसऱ्या रविवारी मात्र या सिनेमाच्या कमाईत घसरण पाहायला मिळाली.
'टायगर 3'चं बॉक्स ऑफिस कलेक्शन जाणून घ्या... (Tiger 3 Box Office Collection)
'टायगर 3' हा सिनेमा 12 नोव्हेंबर 2023 रोजी प्रेक्षकांच्या भेटीला आला आहे. रिलीजच्या पहिल्या दिवशी 'टायगर 3'ने 44.5 कोटींची कमाई केली. दुसऱ्या दिवशी 59.25 कोटी, तिसऱ्या दिवशी 44.3 कोटी, चौथ्या दिवशी 21.1 कोटी, पाचव्या दिवशी 18.5 कोटी, सहाव्या दिवशी 13.25 कोटी, सातव्या दिवशी 18.5 कोटींची कमाई केली. तर रिलीजच्या आठव्या दिवशी या सिनेमाच्या कमाईत घसरण पाहायला मिळाली. आठव्या दिवशी वीकेंडला या सिनेमाने फक्त 10.25 कोटींची कमाई केली. 'टायगर 3' या सिनेमाने रिलीजच्या आठ दिवसांत भारतात 229.65 कोटींची कमाई केली आहे.
पहिला दिवस : 44.5 कोटी
दुसरा दिवस : 59.25 कोटी
तिसरा दिवस : 44.3 कोटी
चौथा दिवस : 21.1 कोटी
पाचवा दिवस : 18.5 कोटी
सहावा दिवस : 13.25 कोटी
सातवा दिवस : 18.5 कोटी
आठवा दिवस : 10.25 कोटी
एकूण कमाई : 229.65 कोटी
'टायगर 3' या सिनेमाने रिलीजच्या आठ दिवसांत भारतात 229.65 कोटींची कमाई केली आहे. तर जगभरात या सिनेमाने 358 कोटींची कमाई केली आहे. लवकरच हा सिनेमा 400 कोटींचा टप्पा पार करेल. 'टायगर 3' हा सिनेमा शाहरुखच्या (Shah Rukh Khan) 'जवान' (Jawan) आणि 'पठाण'चा (Pathaan) रेकॉर्ड मोडणार का याकडे सर्वांचं लक्ष लागलं आहे.
सलमान खानचा काही दिवसांपूर्वी आलेला 'किसी का भाई किसी की जान' (Kisi Ka Bhai Kisi Ki Jaan) हा सिनेमा बॉक्स ऑफिसवर जादू दाखवण्यात कमी पडला होता. त्याआधीही सलमानच्या सिनेमांनी बॉक्स ऑफिसवर निराशाजनक कामगिरी केली. त्यामुळे भाईजानचा 'टायगर 3' या सिनेमा किती कमाई करणार याकडे सर्वांचं लक्ष लागलं आहे.
संबंधित बातम्या
Tiger 3 Box Office Collection : 'टायगर 3'चा बॉक्स ऑफिसवर धमाका; लवकरच जगभरात पार करणार 400 कोटींचा टप्पा
महत्त्वाच्या बातम्या
