Tiger 3 Box Office Collection : सलमानच्या 'टायगर 3'चा जलवा! तीन दिवसांत बॉक्स ऑफिसवर केली कोट्यवधींची कमाई; जाणून घ्या कलेक्शन

Tiger 3 : सलमान खानच्या (Salman Khan) 'टायगर 3' या सिनेमाने रिलीजच्या तीन दिवसांत बॉक्स ऑफिसवर कोट्यवधींची कमाई केली आहे.

Tiger 3 Box Office Collection

Tiger 3 Box Office Collection Day 3 : बॉलिवूड अभिनेता सलमान खान (Salman Khan) आणि कतरिना कैफ (Katrina Kaif) यांचा 'टायगर 3' (Tiger 3) हा सिनेमा प्रेक्षकांच्या भेटीला आला आहे. भारतातच नव्हे तर जगभरात या सिनेमाची चांगलीच क्रेझ आहे. रिलीजच्या तीन दिवसांत या सिनेमाने बॉक्स ऑफिसवर कोट्यवधींची कमाई केली आहे.

सलमान खानसाठी यंदाची दिवाळी (Diwali 2023) खूप खास ठरली आहे. सलमान खानच्या सिनेमाची चाहते आतुरतेने वाट पाहत होते. अखेर बॉक्स ऑफिसवर जादू दाखवण्यात त्याचा 'टायगर 3' हा सिनेमा यशस्वी झाला आहे. दिवाळीच्या मुहूर्तावर प्रदर्शित झालेल्या या सिनेमाने चांगलाच धमाका केली आहे. 

'टायगर 3'चं बॉक्स ऑफिस कलेक्शन... (Tiger 3 Box Office Collection)

'टायगर 3' हा सिनेमा 12 नोव्हेंबर 2023 रोजी सिनेमागृहात प्रदर्शित झाला आहे. रिलीजच्या पहिल्या दिवसापासून हा सिनेमा बॉक्स ऑफिसवर दणदणीत कमाई करत आहे. सॅकनिल्क एंटरटेनमेंटच्या रिपोर्टनुसार, 'टायगर 3' या सिनेमाने रिलीजच्या पहिल्या दिवशी 44.5 कोटींची कमाई केली आहे. दुसऱ्या दिवशी 59 कोटी आणि तिसऱ्या दिवशी या सिनेमाने 42.50 कोटींची कमाई केली आहे. एकंदरीतच आतापर्यंत या सिनेमाने 146.00 कोटींचा गल्ला जमवला आहे. 

पहिला दिवस : 44.5 कोटी
दुसरा दिवस : 59 कोटी
तिसरा दिवस : 42.50 कोटी
एकूण कमाई : 146 कोटी

सलमानच्या करिअरमधला ब्लॉकबस्टर सिनेमा

'टायगर 3' हा सलमानच्या करिअरमधला ब्लॉकबस्टर सिनेमा ठरला आहे. थिएटरमध्ये पुन्हा-पुन्हा जात प्रेक्षक या सिनेमाचा आनंद घेत आहेत. या सिनेमात शाहरुख खानचीदेखील (Shah Rukh Khan) झलक पाहायला मिळत आहे. इमरान हाशमी या सिनेमात नकारात्मक भूमिकेत आहेत. एकंदरीतच 'टायगर 3'च्या माध्यमातून प्रेक्षकांना मनोरंजनाची मेजवानी मिळत आहे.

 

 

 

 

 

View this post on Instagram

 

 

 

 

 

 

 

 

 

 

 

A post shared by Salman Khan (@beingsalmankhan)

'टायगर 3' या सिनेमाच्या दिग्दर्शनाची धुरा मनीष शर्माने सांभाळली आङे. यशराज स्पाय यूनिवर्सच्या टायगर फ्रेंचायजीचा हा तिसरा सिनेमा आहे. याआधी 'एक था टायगर' आणि 'टायगर जिंदा है' हे सिनेमे प्रेक्षकांच्या भेटीला आले होते. 'टायगर 3' या सिनेमाने रिलीजच्या दोन दिवसांतच 100 कोटींचा टप्पा पार केला आहे. सिनेप्रेक्षकांमध्ये या सिनेमाची चांगलीच क्रेझ आहे.

संबंधित बातम्या