Telly Masala : आर्ची अवतरली बोल्ड अवतारात ते राखी सावंतची सर्वोच्च न्यायालयात धाव; जाणून घ्या मराठी मनोरंजनसृष्टीसंबंधित बातम्या

Telly Masala : जाणून घ्या मराठी मनोरंजनसृष्टीसंबंधित बातम्या...

Telly Masala

Telly Masala : मराठी मनोरंजनसृष्टी पुन्हा बहरली आहे. वेगवेगळ्या दर्जाची नाटकं (Drama), मालिका (Serial) आणि चित्रपट (Movies) प्रेक्षकांच्या भेटीला येत आहेत. जगभरातील प्रेक्षकांना मराठी कलाकृती आवडत आहेत. पण कलाकाराचं वैयक्तिक आयुष्य कसं आहे, मालिका आणि सिने विश्वात काय घडामोडी घडत आहेत हे जाणून घेण्याची देखील प्रेक्षकांना उत्सुकता आहे. जाणून घ्या मराठी मनोरंजनसृष्टीसंबंधित बातम्या...

Rakhi Sawant : अटकेपासून बचाव करण्यासाठी राखी सावंतची सर्वोच्च न्यायालयात धाव; प्रकरण नेमकं काय?

Rakhi Sawant : बॉलिवूडची 'ड्रामाक्वीन' राखी सावंत (Rakhi Sawant) सध्या चर्चेत आहे. अभिनेत्री पुन्हा एकदा वादात सापडली आहे. पूर्वाश्रमीचा पती आदिल खान दुर्रानीचा (Adil Khan Durrani) अश्लील व्हिडीओ लीक केल्याप्रकरणी तिच्याविरोधात गुन्हा दाखल करण्यात आला होता. आता राखीने हे प्रकरण सर्वोच्च न्यायालयात नेले आहे. त्यांनी अटकपूर्व जामिनाची मागणी केली आहे. राखीने मुंबई उच्च न्यायालयाच्या आदेशाला आव्हान देत सर्वोच्च न्यायालयात याचिका दाखल केली आहे. राखी सावंतच्या याचिकेवर येत्या सोमवारी 22 एप्रिल 2024 रोजी सुनावणी होणार आहे.

Video : रेड कार्पेटवर आर्ची अवतरली बोल्ड अवतारात अन् चाहते फक्त पाहतच राहिले! पाहा व्हिडीओ

Rinku Rajguru : 'सैराट' (Sairat) फेम अभिनेत्री रिंकू राजगुरू (Rinku Rajguru) नेहमीच कोणत्या ना कोणत्या कारणाने चर्चेत असते. अभिनेत्रीने नुकतीच 'मराठी फिल्मफेअर अवॉर्ड 2024'ला (Filmfare Award Marathi 2024) हजेरी लावली होती. दरम्यान आर्चीच्या बोल्ड लूकने इंटरनेटचा पारा वाढला. सध्या तिचे फोटो आणि व्हिडीओ सोशल मीडियावर व्हायरल होत आहेत. तिच्या लूकची सध्या चांगलीच चर्चा रंगली आहे. 

Aishwarya Rai Abhishek Bachchan : ऐश्वर्या-अभिषेकमध्ये सारं काही आलबेल? 'त्या' पोस्टने घटस्फोटाच्या चर्चांना दिला पूर्णविराम

Aishwarya Rai Abhishek Bachchan : विश्वसुंदरी आणि बॉलिवूड अभिनेत्री ऐश्वर्या राय बच्चन (Aishwarya Rai Bachchan) आणि अभिषेक बच्चन (Abhishek Bachchan) सध्या त्यांच्या वैयक्तिक आयुष्यामुळे चर्चेत आहेत. ऐश्वर्या आणि अभिषेक हे बॉलिवूडच्या लोकप्रिय जोडप्यांपैकी एक आहे. दोघांचाही मोठा चाहतावर्ग असून त्यांना एकत्र पाहताना चाहत्यांना वेगळाच आनंद मिळत असतो. ऐश्वर्या-अभिषेकच्या घटस्फोटाच्या चर्चा (Aishwarya Rai-Abhishek Bachchan Divorce) काही दिवसांपासून सुरू आहेत. पण या सर्व अफवांना आता पूर्णविराम मिळाला आहे. ऐश्वर्या आणि अभिषेकने लग्नाच्या वाढदिवसानिमित्त एक खास पोस्ट शेअर करत घटस्फोटाच्या चर्चांना पूर्णविराम दिला आहे. ऐश्वर्या-अभिषेकमुळे बॉलिवूडचे महानायक अमिताभ बच्चन (Amitabh Bachchan) आणि जया बच्चनदेखील (Jaya Bachchan) चर्चेत आले होते. 

Sukh Kalale : सामान्य माणसाची असामान्य गोष्ट असलेली 'सुख कळले'; सागर देशमुख म्हणतो....

Sukh Kalale : मनोरंजनाच्या प्रवाहात नवनवे प्रयोग करणारी महाराष्ट्राची लाडकी वाहिनी 'कलर्स मराठी' लवकरच प्रेक्षकांच्या भेटीला घेऊन येत आहे नवी मालिका 'सुख कळले' (Sukh Kalale). सामान्य माणसाची असामान्य गोष्ट प्रेक्षकांना या मालिकेत पाहायला मिळणार आहे. नाटक, मालिका, चित्रपट अशा तिन्ही माध्यमात आपल्या दमदार अभिनयाचा ठसा उमटवलेला सागर देशमुख (Sagar Deshmukh) हा या मालिकेत प्रमुख भूमिकेत पाहायला मिळणार आहे. मालिकेत तो माधव ही व्यक्तिरेखा साकारणार आहे. या मालिकेच्या निमित्ताने सागर देशमुखसोबत साधलेला हा दिलखुलास संवाद.

Pankaj Tripathi : पंकज त्रिपाठींच्या मेव्हण्याचा अपघाती मृत्यू; बहिणीची प्रकृती चिंताजनक

Pankaj Tripathi : सुप्रसिद्ध अभिनेते पंकज त्रिपाठी (Pankaj Tripathi) यांच्या मेव्हण्याचं अपघाती निधन (Pankaj Tripathi Brother in Law Dies Road Accident) झालं आहे. तसेच त्यांच्या बहिणीची प्रकृतीदेखील चिंताजनक आहे. झारखंडच्या (Jharkhand) धनबादमध्ये त्यांच्या स्विफ्ट कारचा भीषण अपघात झाला आहे. धनबाद शहरात अभिनेत्याच्या बहिणीवर उपचार सुरू आहेत. कार वेगात असल्याने दुभागकावर धडकल्याची माहिती मिळाली आहे. त्रिपाठी यांची बहिण आणि मेव्हणा गोपालगंजहून (Gopalganj) कोलकात्याला (Kolkata) जात असताना हा अपघात झाला आहे. आजूबाजूच्या लोकांनी त्यांना तात्काळ रुग्णालयात दाखल केले. मात्र उपचारादरम्यान त्रिपाठी यांचे मेव्हणे मुन्ना तिवारी (Munna Tiwari) यांचा मृत्यू झाला. तर बहिण सरिता तिवारी (Savita Tiwari)यांच्यावर उपचार सुरू आहेत. पंकज त्रिपाठी तातडीने धनबादकडे (Dhanbad) रवाना झाले आहेत.