Trending News : सलमान-कतरिनामुळे व्हायरल झाला चहावाला, जाणून घ्या काय आहे कारण? 

सोशल मीडियावर सुधीरच्या कल्पनेवर मिम्सचा वर्षावच सुरू आहे. नेटकऱ्यांनी पण त्याच्या या कल्पनेला चांगलीच पसंती दर्शवली आहे.

सलमान-कतरिनामुळे व्हायरल झाला चहावाला

Trending News: असं म्हटलं जातं की हे सोशल मीडियाचं युग आहे. याच सोशल मीडियावर कधी? आणि काय व्हायरल होईल याचा नेम नसतो. आताही अशीच एक गोष्ट व्हायरल झाली आहे. बॉलिवूड अभेनेता विकी कौशल (vicky kaushal) आणि कतरिना कैफ (katrina kaif) विवाह बंधनात अडकले आहेत. लग्नाची तारीख ठरल्यापासूनच हे जोडचं चर्चेत आहे. सोशल मीडियावर सतत त्यांच्या लग्नाचे फोटो व्हायरल होत आहेत. या दोघांच्या फोटोबरोबरच एका चहावाल्याचेही फोटो सध्या सोशल मीडियावर खूप मोठ्या प्रमाणात व्हायरल होत आहेत. 
 
त्याचं झालं असं की, बिहारची राजधानी असलेल्या पटना येथे राहणारा चहावाला सोशल मीडियावर खूप दिवसांपासून व्हायरल होत आहे. त्याचे नाव सुधीर असे आहे. त्याच्या दुकानाचा फोटो सोशल मीडियावर खूप शेअर केला जात आहे. दुकानाच्या बोर्डवर लिहिलेल्या मजकुरामुळे सुधीरच्या दुकानाचा फोटो व्हायल होत आहे. सलमानने कतरिनाच्या कानात म्हटले की, "चल सुधीरच्या दुकानात चहा घेऊ", असा मजकूर सुधीरने आपल्या दुकानाच्या बोर्डवर लिहिला आहे. 
 
सोशल मीडियावर सुधीरच्या या कल्पनेवर मिम्सचा वर्षावच सुरू आहे. नेटकऱ्यांनी पण त्याच्या या कल्पनेला चांगलीच पसंती दर्शवली आहे. सध्या त्याचे दुकान आणि दुकानाचा फोटो सोशल मीडियावर चर्चेचा विषय आहेत. मिळालेल्या माहितीनुसार अॉगस्ट महिन्यात सुधीरच्या दुकानाचा फोटो प्रथम व्हायल झाला. नुकताच विकी कौशल आणि कतरिनाचा विवाह पार पडला. त्यानंतर आता सुधीरच्या दुकानाचे फोटो परत सोशल मीडियावर व्हायरल होत आहेत. 
 
सुधीर पटना येथील कुंवर सिंह चौकात आपले चहाचे दुकान चालवतो. त्याची ही कल्पना पाहून नेटकऱ्यांचे मत आहे की, तो सलमान आणि कॅटरीनाचा चाहता आहे. सलमान आणि कतरिनाला अनेक चित्रपटांमध्ये एकत्र पाहिले आहे. एक था टायगर, टायगर जिंदा है, युवराज ओैर भारत या सारख्या चित्रपटांमधील या दोघांची केमेस्ट्री प्रेषकांच्या चांगलीच पसंतीस उतरली आहे. 

इतर महत्वाच्या बातम्या