Laal Singh Chaddha : 'लाल सिंह चड्ढा' पाहिल्यानंतर वीरेंद्र सेहवाग आणि सुरेश रैनाची प्रतिक्रिया; म्हणाले...
डीओमध्ये क्रिकेटर वीरेंद्र सेहवाग (Virender Sehwag) आणि सुरेश रैना (Suresh Raina) हे चित्रपट पाहिल्यानंतर प्रतिक्रिया देताना दिसत आहेत.
Laal Singh Chaddha : बॉलिवूडमधील प्रसिद्ध अभिनेता अभिनेता आमिर खानचा (Aamir Khan) लाल सिंह चड्ढा (Laal Singh Chaddha) हा चित्रपट आज रिलीज झाला आहे. या चित्रपटाची चर्चा सध्या सोशल मीडियावर होत आहे. नुकतच या चित्रपटाच्या स्पेशल स्क्रिनिंगचे आयोजन करण्यात आले होते. या स्क्रिनिंगला अनेक सेलिब्रिटींनी तसेच चित्रपटाच्या टीमनं हजेरी लावली होती. स्क्रिनिंगचा व्हिडीओ आमिर खान प्रोडक्शन्स या सोशल मीडियावर अकाऊंटवरुन शेअर करण्यात आला आहे. या व्हिडीओमध्ये क्रिकेटर वीरेंद्र सेहवाग (Virender Sehwag) आणि सुरेश रैना (Suresh Raina) हे चित्रपट पाहिल्यानंतर प्रतिक्रिया देताना दिसत आहेत.
वीरेंद्र सेहवाग आणि सुरेश रैना यांची प्रतिक्रिया
व्हिडीओमध्ये दिसत आहे की प्रेक्षक या चित्रपटाचं कौतुक करत आहेत. सुरेश रैना चित्रपट पाहिल्यानंतर म्हणाला, 'मला हा चित्रपट खूप आवडला. या चित्रपटातील गाणी देखील मला आवडली.' तसेच वीरेंद्र सेहवाग म्हणाला, 'जर तुम्हाला कोणता तरी चांगला चित्रपट बघायचा असेल तर तुम्ही लाल सिंह चड्ढा पाहू शकता. या चित्रपटामध्ये ज्या साऊथ स्टारनं काम केलं आहे, ते खूप छान आहे. '
पाहा व्हिडीओ:
View this post on Instagram
बऱ्याच दिवसांपासून आमिरनं मोठ्या पडद्यावरुन ब्रेक घेतला होता. आता तो लाल सिंह चड्ढा चित्रपटामधून कम-बॅक करत आहे. या चित्रपटाचा ट्रेलर काही दिवसांपूर्वी रिलीज करण्यात आला होता. हा चित्रपट फॉरेस्ट गंप या हॉलिवूड चित्रपटाचा रिमेक असणार आहे. हा चित्रपट 11 ऑगस्ट 2022 रोजी प्रदर्शित होणार आहे. आमिर खान प्रोडक्शन्स, किरण राव, वायकॉम 18 स्टडियोज यांनी या चित्रपटाची निर्मिती केली आहे. सोशल मीडियावर काही लोक या चित्रपटाचा विरोध करत आहेत तर काही या चित्रपटाच्या ट्रेलरचं कौतुक करत आहे. आमिरच्या लाल सिंह चड्ढा आणि अक्षय कुमारच्या रक्षा बंधन या चित्रपटांची बॉक्स ऑफिसवर टक्कर होणार आहे. कोणत्या चित्रपटाला प्रेक्षकांची जास्त पसंती मिळेल? या प्रश्नाचं उत्तर लवकरच प्रेक्षकांना मिळेल.
वाचा इतर बातम्या:
महत्त्वाच्या बातम्या
ट्रेंडिंग न्यूज
