'Gadar-2 येतोय!': सनी देओलच्या पोस्टने चाहते उत्सुक

गदर चित्रपाटतील सनी देओल आणि अमिषा पटेल या दोघांच्या जोडीला प्रेक्षकांची पसंती मिळाली होती.

Sunny Deol

Gadar 2: बॉलिवूडचा प्रसिद्ध अभिनेता सनी देओलचा चाहता वर्ग मोठा आहे. त्याच्या प्रत्येक चित्रपटांला प्रेक्षकांचा उत्तम प्रतिसाद मिळतो. सनी त्याच्या चित्रपटातील हटके अंदजाने प्रेक्षकांचे मनोरंजन करतो. 2001 मध्ये प्रदर्शित झालेला सनीचा गदर हा चित्रपट लोक आजही आवडीने पाहतात. या चित्रपटातील आयकॉनिक 'हॅंड पंम्प' सिन लोक आवर्जुन पाहतात. गदर चित्रपाटतील  सनी देओल आणि अमिषा पटेल या दोघांच्या जोडीला प्रेक्षकांची पसंती मिळाली होती. नुकतीच सनीने सोशल मीडियावर एक पोस्ट शेअर केली आहे. या पोस्टमुळे आता 'गदर-२' हा चित्रपट लवकरच प्रदर्शित होणार आहे, अशी चर्चा होत आहे.   

सनी देओलने शेअर केलेल्या पोस्टरमध्ये 2 लिहीलेले दिसत आहे. त्यावर कथा कंटिन्यूज असं लिहीले आहे. गदर या चित्रपटाच्या नावामध्ये एक प्रेम कथा असेही लिहीले होते. त्यामुळे गदर-2 चा हा पोस्टर  असल्याची चर्चा सोशल मीडियावर होत आहे. काल (14 ऑगस्ट)  पोस्टर शेअर करून सनीने लिहीले होते , 'उद्या 11 वाजता खूप खास आणि माझ्या हृदयाच्या जवळ असणारी एक गोष्ट  जाहीर करणार आहे.' सनीच्या या पोस्टमुळे आता त्याच्या चाहत्यांना उत्सुक झाले आहेत. आज म्हणजेच दसऱ्या दिवशी 11 वाजता सनी काय पोस्ट करणार याकडे सर्वांचे लक्ष आहे.  

 

 

 

 

 

View this post on Instagram

 

 

 

 

 

 

 

 

 

 

 

A post shared by Sunny Deol (@iamsunnydeol)

गदर चित्रपटाला प्रदर्शित होऊन 20 वर्ष झाली आहेत. या चित्रपटात सकिना ही भूमिका अमिषा पटेलने तर तारा सिंग ही भूमिका सनी देओलने साकारली होती.  दिग्दर्शक अनिल शर्मा यांनी सनीने काल शेअर केलेले पोस्ट शेअर करून लिहीले, 'या वर्षातील सर्वांत मोठ्या घोषणेसाठी तयार आहात? हे जाणून घ्या उद्या 11 वाजता '

या चित्रपटांचे सिक्वेल येणार प्रेक्षकांच्या भेटीस
गदर-2 प्रमाणेच लवकरच हंगामा, टायगर, ओह माय गॉड  आणि मर्दानी या चित्रपटांचे सिक्वेल देखील प्रेक्षकांच्या भेटीस येणार आहेत.