Doctor G: 'डॉक्टर जी' चित्रपटाचं डॉक्टर्ससाठी स्पेशल स्क्रीनिंग; आयुष्मान खुरानानं लावली हजेरी
अभिनेता आयुष्मान खुरानाच्या (Ayushmann Khurrana) 'डॉक्टर जी' या चित्रपटाची प्रेक्षक उत्सुकतेने वाट बघत आहेत.
Doctor G: अभिनेता आयुष्मान खुराना (Ayushmann Khurrana), रकुल प्रीत सिंह (rakul preet singh) आणि शेफाली शाह अभिनित जंगली पिक्चर्सचा बहुप्रतिक्षित चित्रपट, 'डॉक्टर जी' हा चित्रपट लवकरच प्रेक्षकांच्या भेटीस येणार आहे. गमतीशीर आणि अनोख्या पोस्टर्सपासून ते मनोरंजक ट्रेलरपर्यंत, या चित्रपटाने दर्शकांमध्ये उत्सुकता निर्माण केली आहे.
'डॉक्टर जी'या चित्रपटात विनोद आणि सामाजिक संदेशासह डॉक्टर आणि वैद्यकीय क्षेत्राचे प्रदर्शन असल्याने, अलीकडेच जंगली पिक्चर्सने त्यांच्या कुटुंबियांसमवेत 50 हून अधिक वास्तविक डॉक्टरांसाठी विशेष स्क्रीनिंगचे आयोजन केले होते.
जंगली पिक्चर्सने शेअर केलेल्या व्हिडिओमध्ये या चित्रपटाला सर्व डॉक्टरांकडून मिळालेला चांगला प्रतिसाद आणि प्रचंड प्रेम पाहायला मिळेल. स्क्रीनिंगदरम्यान, कलाकारांच्या उत्कृष्ट कामगिरीचे आणि चित्रपटात असलेल्या संवेदनशील कथनाचे कौतुक करत डॉक्टरांनी धम्माल केली. उपस्थित डॉक्टरांपैकी एकाने असे सांगितल्याचे दिसून आले की "त्याने त्याच्या आयुष्यातील निवासी दिवस पुन्हा जगले पण मजेदार मार्गाने". आयुष्मान खुरानासोबत चित्रपटाबद्दल आपले विचार शेअर करताना, एक पुरुष स्त्रीरोगतज्ज्ञ म्हणाला, “तुम्ही ज्या प्रकारेअनुभवाचे चित्रण केले आहे तेच आमच्या बाबतीतही घडले आहे”.
या चित्रपटाला वैद्यकीय क्षेत्रातून तसेच त्यांच्या कुटुंबीयांकडून चांगला प्रतिसाद मिळाला आहे. नुकताच प्रदर्शित झालेला शीबा चड्ढा आणि शेफाली शाहचा ट्रेलर आणि डायलॉग प्रोमोसह, या शुक्रवारी चित्रपटाच्या रिलीजसाठी दर्शक सज्ज झाले आहेत.
View this post on Instagram
अनुभूती कश्यपद्वारा दिग्दर्शित आणि सुमित सक्सेना, सौरभ भारत, विशाल वाघ आणि अनुभूती कश्यपद्वारा लिखित 'डॉक्टर जी' 14 ऑक्टोबर रोजी प्रेक्षकांच्या भेटीला येणार आहे. जंगली पिक्चर्सच्या आगामी चित्रपटांमध्ये 'वो लड़की है कहां?', 'डोसा किंग', 'उलज' आणि 'क्लिक शंकर' या नावांचा समावेश आहे.
वाचा इतर महत्त्वाच्या बातम्या:
महत्त्वाच्या बातम्या
ट्रेंडिंग न्यूज
