Shahid Kapoor-Kriti Sanon Movie: शाहिद अन् क्रितीचा रोमँटिक अंदाज; आगामी चित्रपटाच्या पोस्टरमधील केमिस्ट्रीनं वेधलं लक्ष
क्रितीनं (Kriti Sanon) सोशल मीडियावर शेअर केलेल्या पोस्टरमध्ये शाहिद (Shahid Kapoor) आणि क्रितीची जबरदस्त केमिस्ट्री नेटकऱ्यांना बघायला मिळत आहे.
Shahid Kapoor-Kriti Sanon Movie: बॉलिवूडमधील प्रसिद्ध अभिनेता शाहिद कपूर (Shahid Kapoor) आणि अभिनेत्री क्रिती सेनन (Kriti Sanon) ही जोडी लवकरच एका चित्रपटामधून प्रेक्षकांच्या भेटीस येणार आहे. नुकताच क्रितीनं तिच्या आणि शाहिदच्या आागमी चित्रपटाचं पोस्टर सोशल मीडियावर शेअर केलं आहे. क्रिती आणि शाहिदच्या या आगामी चित्रपटाची टॅगलाइन 'अॅन इम्पॉसिबल लव्ह स्टोरी' अशी आहे. क्रितीनं सोशल मीडियावर शेअर केलेल्या पोस्टरमध्ये शाहिद आणि तिची जबरदस्त केमिस्ट्री नेटकऱ्यांना बघायला मिळत आहे.
क्रितीनं शेअर केलेल्या पोस्टरमध्ये शाहिद आणि ती एका बाईकवर रोमान्स करताना दिसत आहेत. या पोस्टरवर चित्रपटाचं नाव लिहिलेलं दिसत नाही पण या चित्रपटाची 'अॅन इम्पॉसिबल लव्ह स्टोरी' ही टॅगलाइन लिहिलेली दिसत आहे. हा चित्रपट ऑक्टोबर महिन्यात प्रेक्षकांच्या भेटीला येणार असल्याचे क्रितीने आपल्या पोस्टमध्ये म्हटलं आहे. क्रितीनं शेअर केलेल्या या पोस्टरवर नेटकऱ्यांनी लाइक आणि कमेंट्सचा वर्षाव केला आहे.
क्रिती आणि शाहिद यांच्यासोबत धर्मेंद्र आणि डिंपल कपाडिया हे कालकार देखील या आगामी चित्रपटामध्ये महत्वाची भूमिका साकारणार आहेत.
शाहिद आणि क्रितीच्या या चित्रपटाचे लेखक आणि दिग्दर्शक अमित जोशी आणि आराध्या शहा असून दिनेश विजन, ज्योती देशपांडे आणि लक्ष्मण उटेकर ए मिडडॉक फिल्म प्रोडक्शन निर्मित हा चित्रपट असल्याचे क्रिती सेननने पोस्टमध्ये सांगितले आहे. तरण आदर्श यांनी देखील ट्विटरवरून या चित्रपटाची माहिती देत हा चित्रपट ऑक्टोबर 2023 मध्ये प्रेक्षकांच्या भेटीला येणार असल्याचे सांगितले आहे.
View this post on Instagram
क्रिती आणि शाहिदचे चित्रपट
गेल्या वर्षी शाहिद हा जर्सी या चित्रपटामधून प्रेक्षकांच्या भेटीस आला. या चित्रपटातील शाहिद आणि मृणाल ठाकूर यांच्या केमिस्ट्रीला प्रेक्षकांची पसंती मिळाली. त्यानंतर त्याची फर्जी ही वेब सीरिज रिलीज झाली. या वेब सीरिजमधील शाहिदच्या अभिनयाचं अनेकांनी कौतुक केलं. तसेच अभिनेत्री क्रिती सेननचा 'शेहजादा' हा चित्रपट देखील काही महिन्यांपूर्वी रिलीज झाला होता. आता शाहिद आणि क्रिती यांच्या आगामी चित्रपटाची प्रेक्षक उत्सुकतेने वाट बघत आहेत.
वाचा इतर महत्वाच्या बातम्या:
महत्त्वाच्या बातम्या
ट्रेंडिंग न्यूज
