VIDEO: "तोंड का लपवतोय?"; अभिनेत्याचा हा अंदाज पाहून नेटकऱ्यांना पडला प्रश्न
Video Viral: शाहरुख खानचा एक नवा व्हिडीओ सोशल मीडियावर व्हायरल झाला आहे. या व्हिडीओमध्ये शाहरुख हा त्याचा चेहरा लपवताना दिसत आहे.
Shah Rukh Khan: बॉलिवूडचा किंग खान अशी ओळख असणाऱ्या शाहरुख खानने (Shah Rukh Khan) 2023 मध्ये बॉक्स ऑफिसवर धुमाकूळ घातला. 2023 मध्ये डंकी, पठाण आणि जवान हे त्याचे तीन चित्रपट प्रेक्षकांच्या भेटीला आले. प्रेक्षक आता त्याच्या आगामी चित्रपटांची वाट बघत आहेत. अशातच शाहरुख खानचा एक नवा व्हिडीओ सोशल मीडियावर व्हायरल झाला आहे. या व्हिडीओमध्ये शाहरुख हा त्याचा चेहरा लपवताना दिसत आहे. शाहरुखचा हा अंदाज पाहून नेटकऱ्यांना अनेक प्रश्न पडले आहेत.
शाहरुखनं चेहरा लपवला
शाहरुख नुकताच मुंबईतील वांद्रे येथे स्पॉट झाला. यावेळी अनेक पापाराझींनी शाहरुखचे फोटो काढले पण शाहरुख या फोटोंमध्ये चेहरा लपवताना दिसला. सोशल मीडियावर व्हायरल झालेल्या एका व्हिडीओमध्ये शाहरुख हुडीनं चेहरा लपताना दिसला. व्हायरल झालेल्या या व्हिडीओमध्ये दिसते की, शाहरुख लिफ्टच्या बाहेर येण्याआधी एक माणून छत्री उघडतो. त्या छत्रीच्या मागून शाहरुख जातो. किंग खान पॅप्सकडे दुर्लक्ष करुन त्याच्या कारमध्ये बसतो.
पाहा व्हिडीओ:
View this post on Instagram
नेटकऱ्यांना पडला प्रश्न
शाहरुख चेहरा का लपवतोय? असा प्रश्न किंग खानचा हा व्हिडीओ पाहिल्यानंतर अनेक नेटकऱ्यांना पडला आहे. अशातच एका नेटकऱ्यानं शाहरुखच्या व्हायरल व्हिडीओला कमेंट केली, "त्यानं मेकअप केला नसेल."
शाहरुखसाठी 2023 हे वर्ष खास ठरलं. पठाण, जवान आणि डंकी हे शाहरुखचे चित्रपट गेल्या वर्षी रिलीज झाले. हे तीनही चित्रपट बॉक्स ऑफिसवर हिट ठरले. शाहरुखनं प्रेक्षकांच्या वर्षाचा शेवट मनोरंजनानं केला. गेल्या वर्षी डिसेंबर महिन्यात त्याचा डंकी हा चित्रपट रिलीज झाला. राजकुमार हिरानी यांनी दिग्दर्शित केलेल्या 'डंकी' हा चित्रपट बॉक्स ऑफिसवर हिट ठरला. डंकी या चित्रपटात शाहरुखसोबतच तापसी पन्नू (Taapsee Pannu), विकी कौशल (Vicky Kaushal) आणि बोमन ईराणी (Boman Irani) यांनी देखील प्रमुख भूमिका साकारल्या आहेत.
आता शाहरुख 'इंशाअल्लाह' या चित्रपटातून प्रेक्षकांच्या भेटीला येणार आहे असं म्हटलं जात आहे. पण अजून याबाबत कोणतीही अधिकृत घोषणा करण्यात आलेली नाही.
वाचा इतर महत्वाच्या बातम्या:
महत्त्वाच्या बातम्या
ट्रेंडिंग न्यूज
