Sayali Sanjeev And Ruturaj Gaikwad:  ऋतुराज गायकवाडसोबतच्या अफेअरच्या चर्चेवर सायली म्हणाली, 'असं वाटलं पिवळ्या रंगाचे कपडे घालणं बंद केलं पाहिजे...'

नुकत्याच एका मुलाखतीमध्ये सायलीला (Sayali Sanjeev) ऋतुराजसोबतच्या (Ruturaj Gaikwad)  नात्याबाबत विचारण्यात आलं. यावेळी सायलीनं दिलेल्या उत्तरानं अनेकांचे लक्ष वेधले.

ruturaj gaikwad,Sayali Sanjeev

Sayali Sanjeev And Ruturaj Gaikwad: अभिनेत्री सायली संजीव (Sayali Sanjeev) आणि क्रिकेटपटू  ऋतुराज गायकवाड (Ruturaj Gaikwad)  यांच्या नात्याबाबत गेल्या अनेक दिवसांपासून सोशल मीडियावर चर्चा होत आहे. सायलीनं अनेक मुलाखतींमध्ये ऋतुराजसोबत असलेल्या मैत्रीबाबत भाष्य केलं आहे. पण तरी देखील हे दोघे एकमेकांना डेट करत आहेत, अशी चर्चा सोशल मीडियावर होत असते.  नुकत्याच एका मुलाखतीमध्ये सायलीला ऋतुराजसोबतच्या नात्याबाबत विचारण्यात आलं. यावेळी सायलीनं दिलेल्या उत्तरानं अनेकांचे लक्ष वेधले.

एका मुलाखतीमध्ये सायलीला ऋतुराजसोबतच्या नात्याबाबत विचारण्यात आलं. यावेळी सायली म्हणाली, 'आम्ही फक्त मित्र आहोत. या ट्रोलिंगमुळे आमची मैत्री देखील राहिली नाही. ट्रोलिंगचा आम्हाला त्रास झाला आहे. मी काही दिवसांपूर्वी पिवळ्या रंगाच्या ड्रेसमधील फोटो पोस्ट केला.तो फोटो मी माझ्या सिनेमाच्या प्रमोशनसाठी शेअर केला होता. त्या फोटोला लोकांनी ज्या कमेंट केला होत्या, त्या कमेंट वाचून मला भिती वाटू लागली. त्यामुळे मला असं वाटायला लागलंय मी पिवळ्या रंगाचे कपडे घालणं बंद केलं पाहिजे.'

पुढे ती म्हणाली,  'मला वाटतंय की जेव्हा त्याचं दुसऱ्या कोणाशी तरी लग्न होईल आणि माझं देखील दुसऱ्या कोणाशी  तरी लग्न होईल, तेव्हाच हे ट्रोलिंग बंद होईल.'

आयपीएलच्या चेन्नई सुपर किंग्स या टीममध्ये ऋतुराज आहे. या टीमच्या जर्सीचा रंग पिवळा आहे. काही दिवसांपूर्वी सायलीनं पिवळ्या रंगाच्या ड्रेसमधील फोटो सोशल मीडियावर शेअर केला होता. या फोटोला एका नेटकऱ्यानं कमेंट केली, 'वहिनी काल मॅच जिंकलो म्हणून पिवळा ड्रेस का?' तर दुसऱ्या युझरनं कमेंट केली, 'ऋतु का राज चल रहा है....Yellow Army'

 

 

 

 

 

View this post on Instagram

 

 

 

 

 

 

 

 

 

 

 

A post shared by सायली संजीव (@sayali_sanjeev_official)

सायलीचे चित्रपट

सायलीच्या 'शुभमंगल ऑनलाईन' आणि 'काहे दिया परदेस' या मालिकांना प्रेक्षकांची पसंती मिळाली होती. सायलीने 'बस्ता', 'मन फकिरा' आणि 'सातारचा सलमान' या चित्रपटांमध्ये काम केले आहे. सायलीच्या 'झिम्मा' या चित्रपटातील अभिनयाचं अनेकांनी कौतुक केले. गेल्या काही दिवसांपासून सायली ही तिच्या 'गोष्ट एका पैठणीची' या चित्रपटामुळे चर्चेत आहे. 

वाचा इतर महत्वाच्या बातम्या: