Salman Khan : 'किसी का भाई किसी की जान'च्या यशाने सलमान भारावला; खास पोस्ट शेअर करत मानले चाहत्यांचे आभार

Salman Khan : अभिनेता सलमान खानने खास पोस्ट शेअर करत चाहत्यांचे आभार मानले आहेत.

Salman Khan

Salman Khan Social Media Post : बॉलिवूड अभिनेता सलमान खानचा (Salman Khan) 'किसी का भाई किसी की जान' (Kisi Ka Bhai Kisi Ki Jaan) हा सिनेमा 21 एप्रिलला सिनेमागृहात प्रदर्शित झाला आहे. रिलीजच्या दोन दिवसांत या सिनेमाने बॉक्स ऑफिसवर चांगलाच धमाका केला आहे. दोन दिवसांत सिनेमाने 40 कोटींची कमाई केल्याने सलमान भारावला आहे. सोशल मीडियावर खास पोस्ट शेअर करत त्याने चाहत्यांचे आभार मानले आहेत. 

सलमानने खास फोटो शेअर करत मानले आभार (Salman Khan Shared Photo)

सलमानने सोशल मीडियावर स्वत:चा एक फोटो शेअर केला आहे. या फोटोत सलमानने काळ्या रंगाचा शर्ट परिधान केला असून त्याचा डॅशिंग लूक प्रेक्षकांच्या पसंतीस उतरला आहे. 
हा फोटो शेअर करत त्याने चाहत्यांचे आभार मानले आहेत. त्याने लिहिलं आहे,"तुमचं प्रेम आणि पाठिंब्यासाठी खूप खूप आभार... तुमचं प्रेम आणि पाठिंब्याचं मला कौतुक वाटत आहे". 

सलमानचा हा फोटो सोशल मीडियावर व्हायरल होत आहे. तसेच त्याच्या फोटोवर चाहते कमेंट्स करत आहेत. आभार मानण्याची गरज नाही. हे आमचं कर्तव्य आहे, 'किसी का भाई किसी की जान' या सिनेमाच्या माध्यमातून भाईजानने आम्हाला वेड लावलं आहे, आमचा लाडका भाईजान.. सलमान खान.. सुपरहिट सिनेमा, अशा कमेंट्स चाहत्यांनी केल्या आहेत. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Salman Khan (@beingsalmankhan)

फरहाज सामजी दिग्दर्शित 'किसी का भाई किसी की जान' या सिनेमात सलमान खान पूजा हेगडेसह शहनाज गिल, जगपती बाबू, दग्गुबाती वेंकटेश, सिद्धार्थ निगम, पलक तिवारी, राघव जुयाल, जस्सी गिल, विनाल भटनागर, मालविका शर्मा हे कलाकार महत्त्वाच्या भूमिकेत झळकणार आहेत. सलमानचा आगामी 'टायगर 3' हा सिनेमा दिवाळीच्या मुहूर्तावर सिनेमागृहात प्रदर्शित होणार आहे. 

'किसी का भाई किसी की जान'चं बॉक्स ऑफिस कलेक्शन जाणून घ्या... (Kisi Ka Bhai Kisi Ki Jaan Box Office Collection)

'किसी का भाई किसी की जान' या सिनेमाने रिलीजच्या पहिल्या दिवशी 15.81 कोटींची कमाई केली आगे. तर दुसऱ्या दिवशी या सिनेमाने 25.75 कोटींची कमाई केली आहे. अशाप्रकारे रिलीजच्या दोन दिवसांत या सिनेमाने 41.56 कोटींचा गल्ला जमवला आहे. लवकरच हा सिनेमा 100 कोटींच्या कल्बमध्ये सामील होईल. 

संबंधित बातम्या