Tiger 3 New Poster: "टायगर आ रहा है, रेडी हो जाओ!"; Tiger 3 चित्रपटाचं नवं पोस्टर रिलीज, सलमानच्या लूकनं वेधलं लक्ष

Tiger 3 New Poster: टायगर-3 या चित्रपटाचं नवं पोस्टर सलमाननं सोशल मीडियावर शेअर केलं आहे. या पोस्टरमधील सलमानच्या लूकनं अनेकांचे लक्ष वेधले आहे. 

Tiger 3 New Poster

Tiger 3 New Poster: बॉलिवूडचा भाईजान अशी ओळख असणारा अभिनेता सलमान खान (Salman Khan) हा त्याच्या टायगर-3 (Tiger 3)  या आगामी चित्रपटाच्या माध्यातून प्रेक्षकांचे मनोरंजन करण्यासाठी सज्ज झाला आहे. सलमानच्या या चित्रपटाची प्रेक्षक उत्सुकतेने वाट बघत आहेत. काही दिवसांपूर्वी या चित्रपटाचा टीझर देखील रिलीज करण्यात आला. तसेच या चित्रपटामधील कतरिना कैफचा लूक देखील रिव्हिल करण्यात आला. आता टायगर-3 या चित्रपटाचं नवं पोस्टर सलमाननं सोशल मीडियावर शेअर केलं आहे. या पोस्टरमधील सलमानच्या लूकनं अनेकांचे लक्ष वेधले आहे. 

सलमाननं इन्स्टाग्रामवर टायगर 3 चित्रपटाचं नवं पोस्टर शेअर केलं आहे. या पोस्टरमध्ये सलमान हा हातात बंदुक, भेदक नजर आणि ब्लॅक जॅकेट अशा लूकमध्ये दिसत आहे.   सलमाननं  टायगर 3 चित्रपटाच्या या नव्या पोस्टरला कॅप्शन दिलं, "टायगर आ रहा है, रेडी हो जाओ!" सलमाननं टायगर-3 चित्रपटाचं नवं पोस्टर शेअर करुन या चित्रपटाच्या ट्रेलरच्या रिलीज डेटची देखील माहिती दिली आहे. टायगर-3 चित्रपटाचा ट्रेलर 16 ऑक्टोबर रोजी रिलीज होणार आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Salman Khan (@beingsalmankhan)

'एक था टायगर', 'टायगर जिंदा है', 'वार' आणि 'पठाण'  या चित्रपटानंतर आता  YRF च्या स्पाय युनिव्हर्समधील 'टायगर 3' हा पाचवा चित्रपट   प्रेक्षकांच्या भेटीस येण्यास सज्ज झाला आहे. 'टायगर 3'  या चित्रपटात सलमान खान आणि कतरिना कैफ यांची केमिस्ट्री बघायला मिळणार आहे. यंदाच्या दिवाळीत हा चित्रपट चित्रपटगृहात प्रदर्शित  होणार आहे.

सलमानचा 'एक था टायगर' हा चित्रपट  2012मध्ये रिलीज झाला होता.  त्यानंतर 2017 मध्ये 'टायगर जिंदा है' रिलीज झाला होता. आता  
सलमानच्या टायगर-3 या चित्रपटाची प्रेक्षक उत्सुकतेने वाट बघत आहेत. टायगर-3 या चित्रपटाच्या रिलीज डेटची अजून घोषणा करण्यात आलेली नाही.

'एक था टायगर', भारत, टायगर, मैने प्यार क्यू किया या चित्रपटांमध्ये सलमान आणि कतरिना यांनी एकत्र काम केलं. आता टायगर-3 या चित्रपटात देखील ते दोघे स्क्रिन शेअर करणार आहेत. टायगर-3 या चित्रपटात कतरिना आणि सलमान यांची केमिस्ट्री पाहण्यासाठी प्रेक्षक उत्सुक आहे. 

इतर महत्वाच्या बातम्या: