Kisi Ka Bhai Kisi Ki Jaan : देशासह परदेशात सलमानचा जलवा; 'किसी का भाई किसी की जान' जगभरात 5700 स्क्रीन्सवर रिलीज

Salman Khan : सुपरस्टार सलमान खानचा 'किसी का भाई किसी की जान' हा सिनेमा आज (21 एप्रिल 2022) सिनेमागृहात प्रदर्शित होत आहे.

Salman Khan

Salman Khan Kisi Ka Bhai Kisi Ki Jaan Screen Count : बॉलिवूडचा भाईजान अर्थात सलमान खान (Salman Khan) पुन्हा एकदा सिनेमागृहात धमाका करण्यास सज्ज आहे. दबंग खानचा 'किसी का भाई किसी की जान' (Kisi Ka Bhai Kisi Ki Jaan) हा सिनेमा आज सिनेमागृहात प्रदर्शित होत आहे. या सिनेमाच्या माध्यमातून भाईजान चार वर्षांनी रुपेरी पडद्यावर कमबॅक करत असल्याने या सिनेमाची चाहत्यांमध्ये चांगलीच उत्सुकता आहे. 

'ओपनिंग डे'ला बॉक्स ऑफिस गाजवायला भाईजान सज्ज!

'किसी का भाई किसी की जान' या सिनेमाची चाहत्यांना उत्सुकता आहे. देशात हा सिनेमा 4500 स्क्रीन्सवर रिलीज होणार आहे. एका दिवसात या सिनेमाचे तब्बल 1600 शो दाखवले जाणार आहेत. देशासह विदेशातदेखील या सिनेमाची चांगलीच क्रेझ पाहायला मिळत आहे. 100 देशांमध्ये हा सिनेमा 1200 स्क्रीन्सवर रिलीज होणार आहे. अशाप्रकारे, जगभरात हा सिनेमा 5700 स्क्रीन्सवर प्रदर्शित करण्यात येणार आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Taran Adarsh (@taranadarsh)

बॉलिवूडच्या लोकप्रिय अभिनेत्यांच्या यादीत सलमान खानची गणना होते. पण गेल्या काही दिवसांत सलमानचे सिनेमे बॉक्स ऑफिसवर आपली जादू दाखवण्यात कमी पडले आहेत. त्यामुळे 'किसी का भाई किसी की जान' या सिनेमाकडून सलमानच्या खूप अपेक्षा आहेत. सलमान त्याचे सिनेमे ईदच्या मुहूर्तावर प्रदर्शित करत असतो. आता 'किसी का भाई किसी की जान' हा सिनेमादेखील तो ईदच्या मुहूर्तावर प्रदर्शित करत आहे. 

'किसी का भाई किसी की जान' रिलीजच्या पहिल्या दिवशी किती गल्ला जमवणार? 

'किसी का भाई किसी की जान' या सिनेमात प्रेक्षकांना अॅक्थन, रोमान्स आणि नाट्य पाहायला मिळणार आहे. या सिनेमाच्या माध्यमातून सलमान खान आणि पूजा हेगडे पहिल्यांदाच स्क्रीन शेअर करताना दिसणार आहेत. परहाज सामजीने या सिनेमाच्या दिग्दर्शनाचीी धुरा सांभाळली आहे. रिलीजच्या पहिल्या दिवशी हा सिनेमा 20 ते 25 कोटी कमाई करू शकतो असा अंदाज आहे. 

ईदच्या दिवशी सुट्टी असल्यामुळे तसेच लगेचच वीकेंड आल्यामुळे 'किसी का भाई किसी की जान' हा सिनेमा बॉक्स ऑफिसवर चांगलाच धुमाकूळ घालणार आहे. या मसालापटात सलमान आणि पूजासह शहनाज गिल, राघव जुयाल, सिद्धार्थ निगम, जस्सी गील, पलक तिवारी हे कलाकारदेखील महत्त्वाच्या भूमिकेत झळकणार आहेत. 

संबंधित बातम्या