Amravati Crime: अमरावतीमध्ये क्राईम ब्रांचची मोठी धाड फसली, परतवाड्याच्या ब्राह्मण कॉलनीत हवेत फायरिंग, बिश्नोई गँगच्या शुटरला पकडायला गेले पण...
Amravati Crime News : अमरावतीच्या परतवाड्यात मुंबई, नागपूर आणि अमरावती क्राईम ब्रांच (Crime Branch) पोलिसांनी केलेली कारवाई फसली का? असा प्रश्न आता विचारला जाऊ लागला आहे.
Amravati Crime News : अमरावतीच्या परतवाड्यात मुंबई, नागपूर आणि अमरावती क्राईम ब्रांच (Crime Branch) पोलिसांनी केलेली कारवाई फसली का? असा प्रश्न आता विचारला जाऊ लागला आहे. त्यामागील कारण म्हणजे अमरावती जिल्ह्यातील परतवाडा पोलीस स्टेशन हद्दीत दोन ठिकाणी मोठी कारवाई (Crime News) करण्यात आली. यात पहिली कारवाई परतवाड्यातील ब्राह्मण सभा कॉलनी येथे करत 5 अज्ञात व्यक्तींना पोलिसांनी अटक केली होती. तर, दुसऱ्या कारवाईत कश्यप पेट्रोल पंप परिसरातून 6 जणांना पकडण्यात आले होते. मात्र तपासाअंती पोलिसांनी पकडण्यात आलेल्या सर्व संशयितांना सोडण्यात आलं असल्याचे समोर आलं आहे. अमरावती ग्रामीण पोलीसांनी (Amravati Police) पत्रक काढून ही माहिती दिली आहे.
नेमकं प्रकरण काय? (Amravati Paratwada Crime Branch Operation)
मुंबई, नागपूर आणि अमरावती क्राईम ब्रांच (Crime Branch) पोलिसांनी परतवाडा शहरात संयुक्तिक कारवाई करत 13 जणांना ताब्यात घेतले. यात आंतरराष्ट्रीय बिश्रोई गॅंगशी (Bishroi Gang) संबंधित एक आरोपी असल्याचा पोलीसांना माहिती मिळाली होती. त्यानुसार कारवाई करत पोलिसांनी संशयितांना ताब्यात घेण्याचा अनुषंगाने आणि त्यांच्याकडे शस्त्र असण्याच्या संशयाने पोलीसांनी वार्निंग शॉट फायर करत हवेत गोळीबार ही केला. त्यामुळे संपूर्ण परतवाडा शहरात एकच खळबळ उडाली होती. तर काल (3 ऑक्टॉबर) दिवसभर पोलिसांनी 13 जणांची परतवाडा पोलीस ठाण्यात चौकशी झाल्यावर सायंकाळी अमरावती ग्रामीण पोलीसांनी पत्रक काढलय. ज्यात धक्कादायक कबुली पोलिसांनी दिलीये.
नाम साधर्म्य असल्याने नामुष्की (Amravati Police Release 13 Suspects in Custody)
मुंबई पोलिसांना वांटेड असलेल्या कुणाल राणा नावाचा आरोपीचं लोकेशन परतवाडा असल्याची माहिती मिळाली आणि नागपूर, अमरावती पोलीसांनी कारवाई केली. मात्र सखोल चौकशीनंतर 13 मधला तो आरोपी कुणाल राणा हा कुणाल राणा नाही ज्याचा शोध मुंबई पोलीस घेत होते. त्यामुळे ताब्यात घेण्यात आलेल्या इसमापैकी एक यांच्यात नाम साधर्म्य असल्याचे निष्पन्न झाल्यानंतर पोलीसांनी सगळ्या संशयितांना सोडल्याची माहिती अमरावती ग्रामीण पोलीसांनी पत्रक काढून दिली.
संबंधित बातमी :
महत्त्वाच्या बातम्या
