Pushkar Jog: "तर मी दोन लाथा मारल्या असत्या", सर्व्हेत जात विचारल्याने पुष्कर जोग भडकला!
Pushkar Jog: पुष्कर हा सध्या त्याच्या सोशल मीडियावरील (Social Media) पोस्टमुळे चर्चेत आहे. पुष्करनं इन्स्टग्रामवर एक पोस्ट शेअर केली आहे. या पोस्टमध्ये पुष्करनं एका सर्व्हेबाबत लिहिलं आहे.
Pushkar Jog: मराठी चित्रपटसृष्टीतील प्रसिद्ध अभिनेता पुष्कर जोग (Pushkar Jog) हा त्याच्या चित्रपटांमुळे नेहमी चर्चेत असतो. पुष्कर हा सध्या त्याच्या ‘मुसाफिरा’ (Musafiraa) या चित्रपटाचं प्रमोशन करत आहे. या चित्रपटासोबतच पुष्कर हा सध्या त्याच्या सोशल मीडियावरील (Social Media) पोस्टमुळे देखील चर्चेत आहे. पुष्करनं इन्स्टग्रामवर एक पोस्ट शेअर केली आहे. या पोस्टमध्ये पुष्करनं एका सर्व्हेबाबत लिहिलं आहे.
पुष्करनं शेअर केली पोस्ट
पुष्करनं इन्स्टाग्रामवर शेअर केलेल्या पोस्टमध्ये लिहिलं, “काल बीएमसीचे काही कर्मचारी माझ्या घरी आले आणि मला सर्व्हे करतोय म्हणून माझी जात विचारत होते. त्या कर्मचारी जर बाई माणूस नसत्या, तर २ लाथा नक्कीच मारल्या असत्या…कृपया करुन मला हा प्रश्न पुन्हा विचारू नका नाहीतर जोग बोलणार नाहीत डायरेक्ट कानाखाली मारतील. #जोगबोलणार”
पुष्करच्या या पोस्टनं अनेकांचे लक्ष वेधले आहे. पुष्कर त्याच्या आगामी चित्रपटांची माहिती सोशल मीडियावर शेअर करत असतो. तसेत तो विविध विषयांवरील पोस्ट देखील सोशल मीडियावर शेअर करतो. पुष्करला इन्स्टाग्रामवर 1 मिलियन एवढे फॉलोवर्स आहेत. त्याच्या सोशल मीडियावरील पोस्टला नेटकऱ्यांची पसंती मिळते.
काही दिवसांपूर्वी अभिनेत्री केतकी चितळेनं देखील एक पोस्ट शेअर केली होती. या पोस्टमध्ये तिनं एक व्हिडीओ शेअर केला आहे. या व्हिडीओमध्ये महानगरपालिकेकडून आलेली एक महिला दिसत आहे. या व्हिडीओला केतकीनं कॅप्शन दिलं, "या राष्ट्रातील प्रत्येक नागरिकाला समान हक्क, समान कायदा, समान नियम व कायदे नाहीत. आज ज्या दिवशी भारत सार्वभौम प्रजासत्ताक झाला, त्या दिवशी महानगरपालिका घरोघरी लोकांना पाठवत आहेत."
कधी रिलीज होणार मुसाफिरा?
पुष्करचा मुसाफिरा हा चित्रपट 2 फेब्रुवारी रोजी रिलीज होणार आहे. ‘मुसाफिरा’ या चित्रपटात पुष्कर जोग, पूजा सावंत, पुष्कराज चिरपुटकर, स्मृती सिन्हा, दिशा परदेशी यांच्या प्रमुख भूमिका आहेत. या चित्रपटाचा ट्रेलर काही दिवसांपूर्वी रिलीज झाला होता. या ट्रेलरला नेटकऱ्यांची पसंती मिळाली.
View this post on Instagram
पुष्कर जोगचा बाप माणूस हा चित्रपट गेल्या वर्षी रिलीज झाला होता. तसेच पुष्कर हा जबरदस्त,तुक्या तुकविला नाग्या नाचविला, मिशन पॉसिबल या चित्रपटात पुष्करनं काम केलं आहे.
वाचा इतर महत्वाच्या बातम्या:
Before You Go
Arjun Tendulkar Weds Saaniya Chandhok : अर्जुन-सानिया लग्नबंधनात ! स्टायलिश लूकने वेधलं लक्ष
महत्त्वाच्या बातम्या
