Prabhas House Rent : कोट्यवधींची संपत्ती, पण नव्या शहरात मात्र भाड्यानं राहणार 'बाहुबली'; एका दिवसाचं भाडं किती?

Prabhas London House Rent : भारतातील सर्वात श्रीमंत अभिनेत्यांपैकी एक असलेला अभिनेता प्रभास हा सध्या भाड्याच्या घरात वास्तव्य करत आहे.

Prabhas London House Rent (Image Source : PTI)

Prabhas London House Rent : दाक्षिणात्य सुपरस्टार प्रभास (Prabhas) सध्या बहुप्रतिक्षीत चित्रपट आ 'कल्की 2898 AD' मुळे (Kalki 2898 AD) चर्चेत आहे. या चित्रपटाचे चित्रीकरण सध्या लंडनमध्ये सुरू आहे. त्यामुळे सुपरस्टार प्रभासने लंडनमध्ये एक घर भाडे तत्वावर घेतले आहे. चित्रपटाचे चित्रीकरण संपल्यानंतर आराम करण्यासाठी प्रभास या घरात येतो. 

लंडनमध्ये भाडेतत्वावरील घरात राहतोय प्रभास

प्रभासने लंडनमध्ये भाडे तत्वावर घेतलेले घर हे लॅव्हिश आहे.  लंडनमधील या आलिशान घरात राहण्यासाठी प्रभास लाखो खर्च करत आहेत. बॉलिवूड लाईफने दिलेल्या एका वृ्त्तानुसार, प्रभास दरमहा 60 लाख रुपयांचे  भाडे देत आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Prabhas (@actorprabhas)

दक्षिणेतील सर्वात श्रीमंत अभिनेत्यांमध्ये प्रभासचा समावेश होतो. प्रभासची जीवनशैलीदेखील लॅव्हिश आहे. एका वृत्तानुसार,  अभिनेता हैदराबादमध्ये एका आलिशान घरात राहतो. ज्याची किंमत 65 कोटी रुपये आहे. सुपरस्टार प्रभास हा जवळपास 215 कोटी रुपयांच्या मालमत्तेचा मालक आहे. 

प्रभासला लक्झरी कारचाही शौक आहे. त्याच्याकडे Range Rover Sports, Audi A6, BMW 7 Series सारख्या अनेक महागड्या गाड्या आहेत ज्यांची किंमत कोट्यवधी रुपयांमध्ये आहे.

 

 

 

 

 

View this post on Instagram

 

 

 

 

 

 

 

 

 

 

 

A post shared by Prabhas (@actorprabhas)

या चित्रपटांमध्ये  झळकणार आहे प्रभास...

प्रभास सध्या अनेक प्रोजेक्ट्सवर काम करत आहे. 'सालार'च्या सुपरहिटनंतर आता 'कल्की 2898 एडी' या चित्रपटातून आपली जादू रुपेरी पडद्यावर दाखवण्यास सज्ज झाला आहे. हा चित्रपट मे महिन्यात प्रदर्शित होणार आहे. 

याशिवाय प्रभास 'प्रोजेक्ट के'मध्येही दिसणार आहे. या चित्रपटात त्याच्याशिवाय दीपिका पदुकोण आणि अमिताभ बच्चन देखील दिसणार आहेत. 500 कोटींच्या बजेटचा हा चित्रपट यावर्षी थिएटरमध्ये दाखल होऊ शकतो. प्रभास लवकरच 'राजा डिलक्स' या हॉरर कॉमेडी चित्रपटातही दिसणार आहे.