(Source: ECI/ABP News/ABP Majha)
Ott Releases This Week: प्रेक्षकांना मिळणार मनोरंजनाची मेजवानी; वीकेंडला ओटीटीवर घरबसल्या पाहा हे चित्रपट
Ott Releases This Week: या आठवड्यात काही चित्रपट ओटीटीवर रिलीज होणार आहे. हे चित्रपट तुम्ही वीकेंडला पाहू शकता. जाणून घेऊयात या चित्रपटांबद्दल...
Ott Releases This Week: ओटीटीवर (OTT) घरबसल्या चित्रपट आणि वेब सीरिज पाहण्यास अनेकांना आवडते. अनेक लोक ओटीटीवरील वेब सीरिज बिंच वॉच करतात. नेटफ्लिक्स, प्राइम व्हिडीओ, डिज्नी+हॉटस्टार, झी 5 या ओटीटी प्लॅटफॉर्मवरील चित्रपट आणि वेब सीरिजला प्रेक्षकांची पसंती मिळते. या आठवड्यात काही चित्रपट ओटीटीवर रिलीज होणार आहे. हे चित्रपट तुम्ही वीकेंडला पाहू शकता. जाणून घेऊयात या चित्रपटांबद्दल...
लव्ह अगेन (Love Again)
'लव्ह अगेन'या चित्रपटामध्ये प्रियांका चोप्रा (Priyanka Chopra) आणि सॅम ह्यूघन यांनी प्रमुख भूमिका साकारली आहे. या सोफी क्रेमरच्या कादंबरीवर आधारित 2016 च्या 'SMS für Dich' या जर्मन चित्रपटाचा हा रिमेक आहे. लव्ह अगेन हा चित्रपट आज (20 सप्टेंबर) ओटीटीवर रिलीज झाला आहे. या चित्रपटात प्रियांका चोप्रानं मिरा ही भूमिका साकारली आहे. नेटफ्लिक्स या ओटीटी प्लॅटफॉर्मवर तुम्ही हा चित्रपट पाहू शकता.
जाने जान (Jaane Jaan)
अभिनेत्री करीना कपूरचा (Kareena Kapoor) जाने जान हा चित्रपट 21 सप्टेंबरला नेटफ्लिक्स या ओटीटी प्लॅटफॉर्मवर रिलीज होत आहे. जाने जान चित्रपटाचे दिग्दर्शन सुजॉय घोष यांनी केले आहे. या चित्रपटात विजय वर्मानं देखील प्रमुख भूमिका साकारली आहे. या चित्रपटाच्या माध्यमातून करीनानं ओटीटी प्लॅटफॉर्मवर पदार्पण केलं आहे.
View this post on Instagram
किंग ऑफ कोथा (King of Kotha)
दुलकर सलमानचा (Dulquer Salmaan) हा चित्रपट 24 ऑगस्ट रोजी थिएटरमध्ये रिलीज होता. या चित्रपटाला प्रेक्षकांची पसंती मिळाली. आता हा चित्रपट ओटीटीवर रिलीज होत आहे. 22 सप्टेंबर रोजी डिस्ने प्लस हॉटस्टार या ओटीटी प्लॅटफॉर्मवर हिंदी, तमिळ, तेलुगु आणि कन्नड या भाषांमध्ये तुम्ही हा चित्रपट पाहू शकता.
फास्ट एक्स (Fast X)
फास्ट एक्स हा चित्रपट जिओ सिनेमा या ओटीटी प्लॅटफॉर्मवर रिलीज झाला आहे. मिशेल रॉड्रिग्ज, जेसन स्टॅथम, टायरेस गिब्सन, जेसन मोमोआ, जॉन सीना, जॉर्डाना ब्रेवस्टर, नॅथली इमॅन्युएल, सुंग कांग, ब्री लार्सन, डॅनिएला मेल्चियर, अॅलन रिचसन, स्कॉट ईस्टवुड, हेलन मिरेन, चार्लीझ थेरॉन, आणि रिच मोरेनो या प्रसिद्ध कलाकारांनी या चित्रपटामध्ये काम केले आहे.
महत्वाच्या बातम्या :
महत्त्वाच्या बातम्या
ट्रेंडिंग न्यूज
