Jaane Jaan First Look Teaser: विजय वर्मा आणि करीनाच्या 'जाने जान' चा टीझर आला प्रेक्षकांच्या भेटीस; चित्रपट 'या' दिवशी ओटीटीवर होणार रिलीज
Jaane Jaan Teaser Out: करीनाच्या 'जाने जान' या चित्रपटाचा टीझर नुकताच प्रेक्षकांच्या भेटीस आला आहे.
Jaane Jaan Teaser Out: बॉलिवूडची प्रसिद्ध अभिनेत्री करीना कपूर (Kareena Kapoor) ही तिच्या अभिनयानं प्रेक्षकांची मनं जिंकते. विविध चित्रपटांमधून ती प्रेक्षकांच्या भेटीस येत असते. करीना आता करीना कपूर आता ओटीटीवर पदार्पण करण्यासाठी सज्ज झाली आहे. करीना ही 'जाने जान' (Jaane Jaan) या नव्या प्रोजेक्टच्या माध्यमातून करीना ओटीटीवर पदार्पण करणार आहे. करीनाच्या 'जाने जान' या चित्रपटाचा टीझर (Jaane Jaan Teaser Out) नुकताच प्रेक्षकांच्या भेटीस आला आहे. या टीझरनं अनेकांचे लक्ष वेधले आहे.
'जाने जान'ची पहिली झलक प्रेक्षकांच्या समोर आली आहे. 'जाने जान' हा चित्रपट थ्रिलर आणि सस्पेन्सने भरलेला असणार आहे, असा अंदाज 'जाने जान' चा टीझर पाहिल्यानंतर प्रेक्षक लावत आहेत.
करीना कपूर, विजय वर्मा आणि जयदीप अहलावत यांच्या आगामी 'जाने जान' चित्रपटाचा टीझर नेटफ्लिक्सने आपल्या इंस्टाग्राम अकाउंटवरून शेअर केला आहे. या टीझरला कॅप्शन दिलं, 'जाने जान आपल्याच 'जान'च्या वाढदिवसाला येत आहे.' या टीझरवर नेटकऱ्यांनी लाइक्स आणि कमेंट्चा वर्षाव केला आहे.
कधी रिलीज होणार 'जाने जान'?
करीना कपूर आणि विजय वर्मा यांचा आगामी चित्रपट 'जाने जान' नेटफ्लिक्स या ओटीटीवर 21 सप्टेंबरला करीनाच्या वाढदिवसाला प्रदर्शित होणार आहे.जाने जान चित्रपटाचे दिग्दर्शन सुजॉय घोष यांनी केले आहे. जपानी कादंबरी द डिव्होशन ऑफ सस्पेक्ट एक्सवर हा चित्रपट आधारित असणार आहे, असं म्हटलं जात आहे.
पाहा टीझर
View this post on Instagram
करीनाचे चित्रपट
काही महिन्यांपूर्वी करीनाचा लाल सिंह चढ्ढा हा चित्रपट प्रेक्षकांच्या भेटीस आला होता. या चित्रपटात करीनासोबत आमिर खाननं काम केलं. या चित्रपटाला प्रेक्षकांची फारशी पसंती मिळाली नाही. आता करीनाच्या आगामी चित्रपटाची प्रेक्षक उत्सुकतेने वाट बघत आहेत. करीना ही तिच्या वैयक्तिक आयुष्यामुळे नेहमी चर्चेत असते. करीना ही सोशल मीडियावर अॅक्टिव असते. विविध पोस्ट ती सोशल मीडियावर शेअर करते. आता करीना ओटीटीवर पदार्पण करत आहे. तिच्या 'जाने जान' या चित्रपटाची प्रेक्षक उत्सुकतेने वाट बघत आहेत.
महत्वाच्या बातम्या :
महत्त्वाच्या बातम्या
