Christopher Nolan : दिग्दर्शकाच्या नावावरच Oppenheimer हाऊसफुल्ल; भन्नाट हॉलिवूडपट देणारा ख्रिस्तोफर नोलन कोण आहे?
Oppenheimer : ख्रिस्तोफर नोलन दिग्दर्शित 'ओपनहाइमर' हा सिनेमा प्रेक्षकांच्या भेटीला आला आहे.
Christopher Nolan : हॉलिवूडचा लोकप्रिय दिग्दर्शक ख्रिस्तोफर नोलन (Christopher Nolan) सध्या 'ओपनहाइमर' (Oppenheimer) या सिनेमामुळे चर्चेत आहेत. हा सिनेमा बॉक्स ऑफिसवर धुमाकूळ घालत आहे. जगभरात या सिनेमाची चांगलीच क्रेझ आहे. पण ख्रिस्तोफर नोलनच्या नावावर हा सिनेमा हाऊसफुल्ल होत असल्याचे म्हटले जात आहे. ख्रिस्तोफर नोलन यांनी आजवर हॉलिवूडच्या अनेक लोकप्रिय सिनेमांच्या दिग्दर्शनाची धुरा सांभाळली आहे.
ख्रिस्तोफर नोलन कोण आहे? (Who Is Christopher Nolan)
ख्रिस्तोफर नोलन हा हॉलिवूडचा लोकप्रिय दिग्दर्शक आहे. लंडनमध्ये जन्मलेल्या ख्रिस्तोफर नोलनला बालपणीच मनोरंजनसृष्टीची गोडी लागली होती. 1998 साली 'फॉलोइंग' या सिनेमाच्या माध्यमातून त्याने दिग्दर्शन क्षेत्रात पदार्पण केलं. पण त्याच्या 'मोमेन्टो' या सिनेमाच्या माध्यमातून त्याला लोकप्रियता मिळाली. आव्हानात्मक सिनेमांची मांडणी करण्यासाठी ख्रिस्तोफर ओळखला जातो.
नोलनच्या सिनेमांना गोल्डन ग्लोब, ऑस्कर, बाफ्टा अशा अनेक मानाच्या पुरस्कारांची नामांकनं मिळाली आहेत. तसेच जगातील 100 प्रभावी व्यक्तीमत्त्वांच्या यादीत ख्रिस्तोफर नोलनचा समावेश आहे. सिनेमागृहात धुमाकूळ घालत असलेला 'ओपनहाइमर' (Oppenheimer) हा ख्रिस्तोफर नोलनचा 12 वा सिनेमा आहे.
View this post on Instagram
बॉक्स ऑफिसचा राजा 'ख्रिस्तोफर नोलन'!
टेनेट (Tenet), द डार्क नाइट राइजेस (The Dark knight Rises), इंटरस्टेलर (Interstellar), इन्सेप्शन (Inception), बॅटमॅन बिगिन्स (Batman Begins), इन्सोमॅनिया (Insomnia), द डार्क नाइट (The Dark Night), डंकर्क (Dunkirk), मोमेंटो (Memento), द प्रेस्टिज (The Prestige) हे ख्रिस्तोफर नोलनचे सिनेमे प्रेक्षकांच्या पसंतीस उतरले आहेत. बॉक्स ऑफिसवर या सिनेमांनी चांगलाच गल्ला जमवला आहे. त्यामुळे ख्रिस्तोफर नोलन हा जगभरातील बॉक्स ऑफिसवरचा राजा आहे.
ख्रिस्तोफर नोलनने (Christopher Nolan) सामाजिक, विज्ञान अशा वेगवेगळ्या गोष्टींवर सिनेमे बनवले आहेत. त्याच्या प्रत्येक हॉलिवूडपटाने प्रेक्षकांच्या मनावर अधिराज्य केलं आहे. त्याचे सिनेमे प्रेक्षकांना विचार करायला भाग पाडतात. ख्रिस्तोफर एक दिग्दर्शक असण्यासोबत निर्मातादेखील आहे. सिनकॉपी इनकॉर्पेरेट हे त्याच्या निर्मितीसंस्थेचं नाव आहे. हॉलिवूडमधील आघाडीच्या अभिनेत्यांना घेऊन ख्रिस्तोफरने सिनेमांची निर्मिती केली आहे. आता ख्रिस्तोफर नोलनच्या आगामी सिनेमांची चाहत्यांना उत्सुकता आहे.
संबंधित बातम्या
Oppenheimer : अणुबाँबचा जनक 'ओपनहायमर' बघाच... पण त्या आधी ख्रिस्तोफर नोलनचे हे दहा भन्नाट हॉलिवूडपट पाहिलेत का?
महत्त्वाच्या बातम्या
ट्रेंडिंग न्यूज
